GSTV
Gujarat Government Advertisement

સંકટ વચ્ચે ગુજરાત કોંગ્રેસનો દાવો, રાજ્યસભા ચૂંટણીમાં બીજી સીટ માટે ફક્ત 1 જ વોટની જરૂર

Last Updated on June 9, 2020 by Bansari

ગુજરાત કોંગ્રેસને તેના ધારાસભ્યોના રાજીનામા રૂપે એક પછી એક મોટા આંચકા મળી રહ્યા છે. પરંતુ તેમ છતાં કોંગ્રેસ પાર્ટીના જુસ્સાને ઓછો નથી થયો. ગુજરાત કોંગ્રેસનો દાવો છે કે રાજ્યસભાની ચૂંટણીમાં તેમને બે બેઠકો મળશે અને તે માટે તેમને ફક્ત એક મતની જરૂર છે. જોકે પાર્ટીએ આ કેવી રીતે શક્ય બનશે તે અંગે કોઈ ટિપ્પણી કરવાનો ઇનકાર કર્યો હતો. ગુજરાતના કોંગ્રેસ પ્રભારી રાજીવ સાતવે કહ્યું કે, બીજી બેઠક જીતવા માટે અમારે માત્ર એક મતની જરૂર છે. અમે સંખ્યા પર ચર્ચા કરીશું નહીં કારણ કે તે અમારી વ્યૂહરચનાનો એક ભાગ છે. તેમણે 2017 રાજ્યસભા માટેઅહેમદ પટેલ કેસનું ઉદાહરણ આપ્યું અને એમ પણ કહ્યું કે અમે હાલ સંખ્યાબળ પર કામ કરી રહ્યા છીએ, નિષ્ક્રિય બેઠા નથી.

પાર્ટીનું સંખ્યા બળ ઘટીને 65 થઈ ગયું

વર્ષ 2018 માં ગુજરાત વિધાનસભાની 77 બેઠકો કોંગ્રેસે જીતી હતી પરંતુ હવે પાર્ટીનું સંખ્યા બળ ઘટીને 65 થઈ ગયું છે. માર્ચ મહિનાથી અત્યાર સુધીમાં 8 ધારાસભ્યોએ રાજીનામા આપ્યા છે. રાજ્યસભાની ચૂંટણી સુધી કોંગ્રેસે તેના બાકીના ધારાસભ્યોને અંબાજી, વડોદરા અને રાજકોટ મોકલી દીધા છે. કોંગ્રેસે રાજ્યસભાની ચૂંટણી માટે શક્તિસિંહ ગોહિલ અને ભરતસિંહ સોલંકીને ઉમેદવાર બનાવ્યા છે. ગોહિલને પ્રથમ પસંદગીના આધારે મત મળશે પરંતુ બીજી બેઠક માટે કોંગ્રેસનો રસ્તો મુશ્કેલ બન્યો છે કારણ કે બીજેપીએ નરહરિ અમીનને મેદાનમાં ઉતાર્યા છે.

ત્રણ બેઠકો હાલમાં ભાજપ પાસે અને એક બેઠક કોંગ્રેસની

બીજી બેઠક માટે કોંગ્રેસની સંપૂર્ણ વ્યૂહરચના હવે ભરતસિંહ સોલંકીના દાવપેચ પર અને તેના પિતા માધવસિંહ સોલંકીની સારી છબી ઊપર પણ નિર્ભર કરે છે જેઓ ભૂતપૂર્વ સીએમ પણ છે. શરૂઆતમાં કોંગ્રેસે રાજીવ શુક્લાને મેદાનમાં ઉતાર્યા હતા, પરંતુ ત્યારબાદ પ્રદેશ કોંગ્રેસના વિરોધને કારણે તેમણે પોતાનું નામ પાછું ખેંચ્યું હતું. આ પછી પાર્ટીએ સોલંકીને મેદાનમાં ઉતાર્યા છે. ગુજરાત વિધાનસભામાં હવે કુલ 172 સભ્યો છે અને 10 બેઠકો ખાલી છે. ગુજરાતની 4 બેઠકો માટે રાજ્યસભાની ચૂંટણી 19 જૂને યોજાવાની છે. તેમાંથી ત્રણ બેઠકો હાલમાં ભાજપ પાસે છે અને એક બેઠક કોંગ્રેસની છે.

રાજ્યસભા

રાજ્યસભાની 4 બેઠકો માટે ત્રણ ભાજપ અને કોંગ્રેસના બે ઉમેદવારોએ ફોર્મ ભર્યા

રાજ્યસભાની 4 બેઠકો માટે ત્રણ ભાજપ અને કોંગ્રેસના બે ઉમેદવારોએ ફોર્મ ભર્યા છે. અંકગણિતની દૃષ્ટિએ અત્યાર સુધીમાં ભાજપ માત્ર બે બેઠકો પર જીત મેળવી શકી હોત, પરંતુ કોંગ્રેસના ધારાસભ્યોના રાજીનામા બાદ હવે ત્રીજી સીટ પર ભાજપને મેદાન મળી રહ્યું હોય તેવું લાગી રહ્યું છે. કોંગ્રેસ હવે તેના ધારાસભ્યોને આભારી માત્ર એક જ બેઠક જીતી રહી હોય તેવું લાગી રહ્યું છે. એટલે કે શક્તિસિંહ અને ભરતસિંહમાંથી એકનું બલિદાન આપવાનું નક્કી છે.

ગુજરાતમાં બેઠક જીતવા હાલ 37 મતની જરૂર

નિયમો મુજબ, ગુજરાત રાજ્યસભાની બેઠક જીતવા માટે ઉમેદવારને સિંગલ ટ્રાન્સફરેબલ વોટ ((STV) હેઠળ 37 – 37 મતોની જરૂર હોય છે. ભાજપ પાસે હાલમાં 103 ધારાસભ્યો છે જ્યારે તેણે અભય ભારદ્વાજ, રમીલાબેન બારા અને નરહરિ અમીનને રાજ્યસભા માટે મેદાનમાં ઉતાર્યા છે. બીજી તરફ, કોંગ્રેસે શક્તિસિંહ ગોહિલ અને ભરતસિંહ સોલંકીને ઉમેદવાર જાહેર કર્યા છે.

READ ALSO

Gujarat Government Advertisement

Related posts

વેસ્ટમાંથી બેસ્ટ: અમદાવાદનો સૌથી મોટો કચરાનો ઢગ હવે વીજળી આપશે, પીરાણા ડમ્પિંગ સાઈટ પાસે વેસ્ટ ટુ એનર્જી પાર્ક બનાવ્યો

Pravin Makwana

ખાનગી શાળાઓ શિક્ષણ ફીમાં વાલીઓને 50 ટકા રાહત નહીં આપે તો આમ આદમી પાર્ટી દ્વારા રાજ્યવ્યાપી આંદોલનની ચીમકી ઉચ્ચારાઇ

Pravin Makwana

મજબૂરીમાં મોત વ્હાલુ કર્યું: દેવું વધી જતાં અમદાવાદના યુવકે વીડિયો બનાવીને કર્યો આપઘાત

Pravin Makwana
Do NOT follow this link or you will be banned from the site!