ચીનથી ફેલાયેલ કોરોના વાયરસ મહામારીને પગલે સમગ્ર વિશ્વજગતનું અર્થતંત્ર ખાડે ગયું છે. ભારતમાં તેની ઓછી અસર થઈ છે અને ઝડપી રિકવરીના ખોટા દાવા કરતા રાજકીય અને આર્થિક નિષ્ણાંતોને આજે ભારતની સેન્ટ્રલ બેંકના વડાએ જ લપડાક આપી છે.
ભારત માટે કોરોના કાળ સદીનો સૌથી કપરો સમય : RBI
આરબીઆઈના ગવર્નર શક્તિકાંતા દાસે કહ્યું કે ભારત માટે કોરોનાકાળ છેલ્લા 100 વર્ષો એટલે કે એક સદીનો સૌથી કપરો આર્થિક અને આરોગ્ય સંકટ છે. SBI દ્વારા આયોજિત સાતમી બેંકિંગ અને ઈકોનોમીક કોન્કલેવમાં ગવર્નર દાસે SBI ચેરમેન રજનીશ કુમાર સાથેની વાતચીતમાં સ્વીકાર્યું કે ભારતની આર્થિક પરિસ્થિતિ લોકડાઉનને પગલે અટકી પડી છે. સમગ્ર દેશની સપ્લાય ચેઈન તૂટી છે અને ત્યારબાદ ચીન સાથેના સીમાવિવાદને પગલે આયાત-નિકાસમાં પણ ભારે ફટકો પડી શકે છે. કોરોનાને કારણે શહેરી અને ગ્રામિણ માંગને ભારે ફટકો પડ્યો છે. આવકના સાધન બંધ થયા બાદ હવે બેકારી સૌથી મોટી સમસ્યા બનશે.
બેંકોની એનપીએ વધવાનો ખતરો
રોજગાર સર્જનની સાથે હવે સરકારે અર્થવ્યવસ્થા પર પણ ચાંપતી નજર રાખવી પડશે. લોકોની આવક 3 મહિના બંધ રહી અને હવે બેરોજગારી ઉભી થશે. કોરોનાને કારણે ધંધા-રોજગાર ઠપ્પ થયા છે અને નોકરીઓ જતા હવે લોનની પરત ચૂકવની પણ મોટી સમસ્યા સર્જશે. RBI દ્વારા આપેલ લોન મોરેટોરિયમ છ માસ સુધી લંબાવાયો છે, તેની અસર નહિવત થાય તે માટે બેંકો અને રીઝર્વ બેંક સાથે મળીને કામકાજ કરી રહ્યાં છે. પરંતુ, બેંકોની એનપીએ વધવાનો ખતરો તો રહેશે જ. લોનબુક અને એનપીએની સ્થિતિ ડિસેમ્બર કવાર્ટર સુધીમાં સ્પષ્ટ થશે.
RBI ગવર્નરની મુખ્ય વાતો
આ મહામારીએ વૈશ્વિક અર્થવ્યવસ્થાના પાયા હચમચાવી નાંખ્યા છે
કોરોનાને કારણે વૈશ્વિક સપ્લાય ચેઈન તૂટી છે કોરોના વકરી જ રહ્યો છે તેથી આ સપ્લાય ચેઈન ઝડપથી પાટે ચઢવાની કોઈ આશા નથી શ્રમ અને મૂડીની મૂવમેન્ટ વિશ્વભરમાં આહત થઈ છે, ભારત પર તેની અવિશેષ અસર
RBI માટે સૌથી મોટી જરૂરિયાત દેશના અર્થતંત્રને ધગધગતું રાખવાનો છે આ લક્ષ્યાંક પાર પાડવા માટે આર્થિક સમાનતાને પણ નજરઅંદાજ નહિ કરાય
RBIએ હરહંમેશ જરૂરી પગલા લીધા છે, કોરોનામાં પણ આપણે આગમચેતી રાખી પગલાં લીધા લિક્વિડિટીની સમસ્યા અને બજારમાં ફરી વિશ્વાસ પેદા થાય, માંગ વધે તે માટે RBI કાર્યરત છે
ફેબ્રુઆરી બાદ RBIએ 9.57 લાખ કરોડના આર્થિક પેકેજની જાહેરાત કરી છે, જે દેશની કુલ જીડીપીના 4,9% છે RBI બજારની સ્થિતિને જોતા વ્યાજદરમાં ફેબ્રુઆરી બાદ ઐતિહાસિક 2.5%નો કડાકો આજદિન સુધી કર્યો છે
કોરોના આપણી સંચાલન પદ્ધતિ અને રિકવરી માટેની ક્ષમતાની સૌથી મોટી પરીક્ષા હશે
READ MORE:
- નિઝામુદ્દીન મરકઝમાં આવેલા 34 વિદેશી જમાતીઓ દેશ છોડવા તૈયાર નથી, સરકારે કર્યો છે આટલો દંડ
- વડાપ્રધાનને સલામ: દુનિયાનો એક એવો દેશ જ્યાં કોરોનાને છે નો એન્ટ્રી, 100 દિવસમાં એક પણ કેસ આવ્યો નથી
- મિહિકા બજાજ સાથે લગ્નના બંધનમાં બંધાયા રાણા દિગ્ગુબાટી, જુઓ લગ્નના સુંદર ફોટો
- અમદાવાદની આ ઈમારતના લોકો જીવી રહ્યા છે ભયના ઓથાર નીચે, વગર ધરતીકંપે ધ્રુજે છે બિલ્ડિંગ
- હવે તમે ઓફલાઈન પણ કરી શકો છો ડિઝીટલ ટ્રાન્ઝક્શન, RBIએ કરી આ નવી સુવિધા