GSTV
Gujarat Government Advertisement

દેશમાં જીવલેણ વાયરસથી સૌથી વધુ પ્રભાવિત રાજ્યોના સીએમ સાથે પીએમ યોજશે બેઠક, શું લદાશે નવા પ્રતિબંધો?

Last Updated on April 8, 2021 by pratik shah

દેશમાં વધી રહેલા કોરોના વાયરસના કેસ વચ્ચે કેન્દ્ર સરકારની ચિંતામાં વધારો થયો છે. જેથી પીએમ મોદી આજે દેશના એવા તમામ રાજ્યના મુખ્ય પ્રધાન સાથે બેઠક કરશે જે રાજ્યમાં કોરોનાના કેસની ગતિ બમણી થઈ છે. વીડિયો કોન્ફરન્સથી યોજાનારી બેઠકમાં દેશના સૌથી વધુ પ્રભાવિત રાજ્યમાં કોરોનાની સ્થિતિ અંગે સમીક્ષા કરવામાં આવશે.

કોરોના

સૌથી વધુ પ્રભાવિત રાજ્યમાં કોરોનાની સ્થિતિ અંગે સમીક્ષા કરવામાં આવશે

આ બેઠક પહેલા દેશના કેટલાક રાજ્યમાં રાત્રી કર્ફ્યૂ અને લોકડાઉન પણ લાગૂ કરી દેવામાં આવ્યુ છે. છત્તીસગઢના રાયપુરમાં લોકડાઉન લાગૂ કરાયુ છે. મહારાષ્ટ્ર અને ઉત્તર પ્રદેશમાં રવિવારથી નવી ગાઈડલાઈન જાહેર કરવામાં આવી છે. આ પહેલા પીએમ મોદીએ રવિવારે એક હાઈલેવલ બેઠક યોજી હતી.

કોરોના

જેમા દેશમાં કોરોનાની સ્થિતિ અને કોરોનાની રસી અંગે ચર્ચા કરવામાં આવી હતી. આ બેઠકમાં કેબિનેટ સચિવ, પીએમ મોદીના મુખ્ય સચિવ અને સ્વાસ્થ્ય વિભાગના સચિવ હાજર રહ્યા હતા.’

કોરોનાની બીજી લહેરના અજગર ભરડામાં સપડાઈ રહ્યો છે

દેશ કોરોનાની બીજી લહેરના અજગર ભરડામાં સપડાઈ રહ્યો છે. દેશમાં છેલ્લા ૨૪ કલાકમાં અત્યાર સુધીમાં સૌથી વધુ ૧.૨૦ લાખ નવા કેસ સામે આવ્યા છે. કોરોના મહામારીની શરૂઆતથી અત્યાર સુધીમાં એક દિવસમાં કોરોનાના આ સૌથી વધુ કેસ છે. આ સાથે કોરોનાના કુલ કેસ ૧.૨૮ કરોડને પાર થઈ ગયા છે. દેશમાં છેલ્લા ચાર દિવસમાં ત્રીજી વખત એક દિવસમાં કોરોનાના કેસ એક લાખથી વધુ નોંધાયા છે. કોરોનાના કેરને પગલે છત્તિસગઢના રાયપુરમાં ૧૧ દિવસનું સંપૂર્ણ લોકડાઉન લાદી દેવાયું છે તો દિલ્હી સહિત અનેક રાજ્યોએ કોરોના પર કાબૂ મેળવવા લૉકડાઉન, નાઈટ કરફ્યૂ, વીકએન્ડ લૉકડાઉન જેવા આકરા પ્રતિબંધો મૂક્યા છે. દેશમાં કોરોનાની સ્થિતિ મુદ્દે વડાપ્રધાન મોદી ગુરુવારે બધા રાજ્યોના મુખ્યમંત્રીઓ સાથે બેઠક યોજશે.

કોરોના

મોદી ગુરુવારે બધા રાજ્યોના મુખ્યમંત્રીઓ સાથે બેઠક યોજશે

દેશમાં કોરોનાની સૌથી વધુ ગંભીર સ્થિતિ મહારાષ્ટ્રમાં છે, જ્યાં વીકએન્ડ અને નાઈટ કરફ્યૂ લાગુ કરી દેવાયા છે. આ સિવાય દિલ્હીમાં પણ નાઈટ કરફ્યૂ લાગુ છે. છત્તિસગઢના રાયપુરમાં ૯ એપ્રિલથી ૧૯ એપ્રિલ સુધી સંપૂર્ણ લૉકડાઉન લાગુ કરવાનો નિર્ણય લેવાયો છે. છત્તિસગઢના દુર્ગમાં ૬ એપ્રિલથી ૧૪ એપ્રિલ સુધી લોકડાઉન લાગુ કરી દેવાયું છે. 

Gujarat Government Advertisement

Related posts

કોરોનાનું ભયાવહ રૂપ / મહારાષ્ટ્રમાં દર ત્રીજી મિનીટે એકનું મોત અને દર કલાકે અંદાજે 3 હજાર લોકો સંક્રમણના ભોગ

Dhruv Brahmbhatt

કોરોનાનો કાળો કહેર / જામનગરમાં સર્જાયા હૈયું કમકમી ઉઠે તેવાં દ્રશ્યો, એકસાથે સળગી રહી છે 12-12 ચિતાઓ

Dhruv Brahmbhatt

28 જૂનથી અમરનાથ યાત્રાનો શુભારંભ, જાણો કેવી રીતે કરાવી શકશો ઓનલાઇન રજિસ્ટ્રેશન

Dhruv Brahmbhatt
Do NOT follow this link or you will be banned from the site!