GSTV
ગુજરાત ટોપ સ્ટોરી

પરિસ્થિતિ વણસી! અમદાવાદમાં ઘાતક વાયરસના 800 એકટિવ કેસ, રાજ્યના કુલ કેસના પચાસ ટકા અમદાવાદ શહેરમાં નોંધાયા

ગુજરાતમાં બુધવારે કોરોના વાયરસના દૈનિક કેસમાં ૧૮૧ કેસનો ધરખમ વધારો થતા ૨૦ ફેબુ્રઆરી બાદ નવા ૪૦૭ કેસ નોંધાવા પામ્યા હતા.રાજ્યમાં કોરોનાના નવા નોંધાયેલા કેસ પૈકી અમદાવાદ શહેર અને ગ્રામ્યમાં થઈ ૨૧૦ કેસ નોંધાયા હતા.પચાસ ટકા કેસ માત્ર અમદાવાદ શહેર-ગ્રામ્યમાં જ નોંધાયા હતા.રાજયમાં ૨૧ જુને કોરોનાના એકટિવ કેસ ૧૫૨૪ હતા.૨૨ જુને એકટિવ કેસની સંખ્યા વધીને ૧૭૪૧ ઉપર પહોંચી છે.અમદાવાદ શહેરમાં કોરોનાના ૮૦૦ એકટિવ કેસ નોંધાયેલા છે.રાજયમાં ચાર દર્દી વેન્ટિલેટર ઉપર છે.આજ પ્રમાણે લોકો બેદરકાર રહેશે તો કોરોના સંક્રમણમાં હજુ ઘણો મોટો વધારો થવાની સંભાવના વ્યકત કરવામાં આવી છે.આશ્વાસન એટલુ જ છે કે,કોરોનાથી કોઈ મોત નોંધાયુ નથી.

રાજ્યમાં અમદાવાદ શહેરમાં ૨૦૭ અને ગ્રામ્યમાં કોરોનાના ત્રણ નવા કેસ નોંધાયા

કોરોના

રાજ્યમાં અમદાવાદ શહેરમાં ૨૦૭ અને ગ્રામ્યમાં કોરોનાના ત્રણ નવા કેસ નોંધાયા હતા.સુરત કોર્પોરેશન વિસ્તારમાં કોરોનાના ૪૫ જ્યારે સુરત ગ્રામ્યમાં કોરોનાના નવા બાર કેસ નોંધાયા હતા.વડોદરા કોર્પોરેશન વિસ્તારમાં ૩૯ અને ગ્રામ્યમાં કોરોનાના બે કેસ નોંધાયા હતા.રાજકોટ કોર્પોરેશન વિસ્તારમાં ૧૭ તથા ગ્રામ્યમાં ત્રણ કેસ નોંધાયા હતા.ભાવનગર કોર્પોરેશન વિસ્તારમાં ૧૧ અને ગાંધીનગર કોર્પોરેશન વિસ્તારમાં કોરોનાના નવા દસ કેસ  અને ગ્રામ્યમાં  છ કેસ નોંધાયા હતા.રાજ્યમાં ૧૨૨ દિવસ બાદ ફરી કોરોના સંક્રમણમાં ચિંતાજનક વધારો થવા પામ્યો હતો.જામનગર કોર્પોરેશન વિસ્તારમાં કોરોનાના નવા સાત અને ગ્રામ્યમાં બે કેસ નોંધાયા હતા.

વલસાડમાં આઠ, ભરુચમાં સાત અને આણંદમાં કોરોનાના છ કેસ નોંધાયા

કોરોના

આ ઉપરાંત વલસાડમાં આઠ, ભરુચમાં સાત અને આણંદમાં કોરોનાના છ કેસ નોંધાયા હતા.સાબરકાંઠામાં પાંચ,બનાસકાંઠા,કચ્છ અને મહેસાણામાં ચાર-ચાર કેસ નોંધાયા હતા.નવસારીમાં બે કેસ જ્યારે અમરેલી,પાટણ અને સુરેન્દ્રનગરમાં એક-એક કેસ નોંધાવા પામ્યો હતો.રાજયમાં કોરોનાના કુલ ૧૯૦ દર્દી સાજા થયા હતા.રાજ્યમાં સતત વધી રહેલા કોરોના સંક્રમણને લઈ ફરી એક વખત તબીબો દ્વારા લોકોને કોવિડ ગાઈડલાઈનના પાલન માટે અપીલ કરી છે.

READ ALSO

Related posts

નવું નજરાણું / રૈયાલીમાં માણી શકાશે જુરાસિક યુગનો રોમાંચ, અત્યાધુનિક ટેક્નોલોજીની મદદથી જીવંત થશે ડાયનોસોર

Zainul Ansari

નફીસા આપઘાત કેસ / પ્રેમી રમીઝની પોલીસે કરી ધરપકડ, આરોપી પર આપઘાત માટે ઉશ્કેરવાનો આરોપ

Zainul Ansari

સ્માર્ટ સિટીની સ્માર્ટ પહેલ / હવે વોટ્સએપ દ્વારા કોર્પોરેશનને કરો ફરિયાદ, AMCએ નંબર કર્યો જાહેર

Zainul Ansari
GSTV