GSTV

મોદી સરકારના કારણે રસોડામાં ટામેટા અને ડુંગળી પર કલમ 144 લાગુ થઈ, સરકારની આકરી ઝાટકણી

Last Updated on November 23, 2021 by Vishvesh Dave

મોંઘવારી, ગરીબી અને બીજા મુદ્દાઓને આગળ ધરીને કોંગ્રેસે મોદી સરકારની ઝાટકણી કાઢી છે. આજે મીડિયા સાથેની વાતચીતમાં કોંગ્રેસના પ્રવક્તા પવન ખેરાએ કહ્યું હતું કે, મોદી સરકારે જનતાને બેહાલ કરી નાંખી છે. સરકારે મોંઘવારી એટલી વધારી દીધી છે કે, રસોડામાં ટામેટા અને ડુંગળી પર તો જાણે કલમ 144 થઈ ગઈ છે. રસોડામાં ચારથી વધારે ડુંગળી કે ટામેટાં રાખી ના શકાય તેવી હાલત છે.

Pawan-Khera - Jammu Kashmir Latest News | Tourism | Breaking News J&K

તેમણે કહ્યું હતું કે, સરકાર વિના મુલ્યે અપાઈ રહેલું રેશન બંધ કરી રહી છે. રેડીમેડ કપડાં અને જૂતાં પર જીએસટી પાંચ ટકાથી વધારીને 12 ટકા કરાયો છે. મોદી સરકારને તેની ભૂલ એક વર્ષ બાદ સમજાતી હોય છે. સરકારનો સાત વર્ષનો કાર્યકાળ ભૂલોથી ભરેલો છે. તેમની ભૂલોનું પરિણામ ગરીબ અને મધ્યમ વર્ગ ભોગવી રહ્યો છે. જે લોકોને યુપીએ સરકારે ગરીબી હેઠળથી બહાર કાઢ્યા હતા તે ફરી ગરીબી રેખા નીચે ધકેલાયા છે અને બીજા લોકોનો પણ તેમાં ઉમેરો થયો છે.

પવન ખેરાએ કહ્યું હતું કે, મોંઘવારી પછી પણ સરકાર નિશ્ચિત છે. કારણકે સરકારને ખબર છે કે, લોકોને એક બીજા પર ભડકાવીને ધ્યાન બીજે દોરી શકાશે. કોંગ્રેસ મોદીની ભૂલોનું લિસ્ટ બનાવશે. જેથી તેઓ સાત વર્ષમાં થયેલી ભૂલો પર માફી માંગી શકે. સરકારની વિદેશ નીતિ પણ નિષ્ફળ રહી છે. ચીન આપણી સરહદમાં ઘુસીને ગામડા ઉભા કરી રહ્યું છે. પહેલા જે દેશો આપણા મિત્ર હતા તે હવે આપણા દોસ્ત રહ્યા નથી. આ દેશોમાં ચીન પોતાનું પ્રભુત્વ વધારી રહ્યું છે.

તેમણે કેજરીવાલ પર પણ નિશાન સાધતા કહ્યું હતુ કે, કેજરીવાલની ભાષા દિલ્હીવાસીઓને હવે પસંદ આવી રહી નથી અને પંજાબના લોકોને તો બિલકુલ નહીં ગમે. ધારાસભ્યોને કેજરીવાલ કચરો કહી રહ્યા છે તો તેમની પાર્ટીના નેતાઓ આ ભાષા કેવી રીતે સહન કરતા હશે? પંજાબમાં મહિલાઓને 1000 રુપિયા આપવાનું કહેનારા કેજરીવાલે દિલ્હીમાં શું કર્યુ તેનો જવાબ આપે. દિલ્હીમાં કોલેજોમાં શિક્ષકોને પગાર પણ મળી રહ્યો નથી.

ALSO READ

Related posts

કાર ખરીદવાનું બજેટ ઓછુ હોય તો આ સમાચાર છે તમારા માટે, 5-6 લાખ રૂપિયામાં આ 6 ધાંસૂ હેચબેક છે ઓપ્શન

Bansari

ટીચર સામે રડતા રડતા બોલ્યો બાળક – ‘ પપ્પા પુસ્તક નથી ખરીદી આપતા, દારૂ પર ખર્ચી નાખે છે પૈસા’

Damini Patel

આરોગ્ય/ આ રીતે વધી રહેલુ વજન જીવલેણ સાબિત થઇ શકે છે, વધી જાય છે આ ગંભીર બીમારીઓનું જોખમ

Bansari
Do NOT follow this link or you will be banned from the site!