Last Updated on October 10, 2019 by Mansi Patel
કોંગ્રેસને ફરી એક વાર પોતાના ફાયર બ્રાંડ નેતા નવજોત સિંહની યાદ આવવા લાગી છે. વાસ્તવમાં લોકસભા ચૂંટણી 2019માં ભૂંડી હાર બાદ પંજાબમાં નવજોતસિંહ સિદ્ધૂ અને સીએમ કેપ્ટન અમરિન્દર સિંહ વચ્ચેનાં સંબંધોમાં ખટાશ આવી ગઈ હતી. પરિણામે નવજોત સિંહ સિદ્ધૂએ મંત્રી પદમાંથી રાજીનામું આપી દીધુ અને થોડા મહિનાઓથી શાંત પણ પડી ગયા હતા.
જોકે, પાછલાં દિવસોમાં કોંગ્રેસનાં નેતા નવજોત સિંહ સિદ્ધૂ એકવાર ફરીથી અહેવાલોમાં છવાયા હતા. વિધાનસભા ચૂંટણીમાં સ્ટાર પ્રચારકની યાદીમાં તેમનું નામ ન હોવાને કારણે તેઓ ચર્ચામાં આવ્યા હતા. ત્યારે આ બધાની વચ્ચે કોંગ્રેસને ફરી એકવાર યાદ આવી ગયુકે, સિદ્ધૂને નજરઅંદાજ કરી શકાય તેમ નથી. ઘણા દિવસો બાદ પાર્ટીએ સિદ્ધૂને વધુ એક જવાબદારી સોંપી છે. પંજાબમાં સીએમ અમરિન્દર સિંહની સાથે કડવા સંબંધો હોવા છતાં કોંગ્રેસે સિદ્ધૂને સ્ટાર પ્રચારકોની યાદીમાં સામેલ કર્યા છે.
21 ઓક્ટોબરે પંજાબનાં 4 વિધાનસભા ક્ષેત્ર ફગવાડા, જલાલાબાદ, દાખા અને મુકેરિયામાં પેટાચૂંટણી થવા જઈ રહી છે. આ જ સીટો માટે કોંગ્રેસનાં 40 સ્ટાર પ્રચારકોની યાદી તૈયાર કરાઈ છે, આ યાદીમાં નવજોતસિંહ સિદ્ધૂનું નામ સામેલ કરવામાં આવ્યુ છે. આ દરેક સ્ટાર પ્રચારકો કોંગ્રેસ ઉમેદવારોના હકમાં મત તો માંગશે જ સાથે સાથે ચૂંટણી પ્રચારની જવાબદારી પણ સંભાળશે. આ સ્ટાર પ્રચારકોના લિસ્ટમાં કેપ્ટન અમરિન્દર સિંહની કેબિનેટનાં ઘણા મંત્રીઓને પણ સામેલ કરાયા છે.
READ ALSO
- ભ્રષ્ટાચાર / નીતિનિયમોને નેવે મૂકી વિકાસ કામો કર્યાનો આક્ષેપ, સરકારી યોજનાઓમાં થઈ રહી છે મોટાપાયે ગેરરીતી
- Health Tips / કોવિડ-19માંથી સાજા થયા પછી ન કરો આ મોટી ભૂલ, નબળાઈ અને થાક નહીં છોડે પીછો
- શેરબજાર માટે નોન ઇવેન્ટ પૂરવાર થશે બજેટ! સરકાર આ ક્ષેત્રો પર કરશે ધ્યાન કેન્દ્રિત
- એક્શનમાં વિપક્ષ / કોંગ્રેસે કોર્પોરેશનની ઓફિસો અને હોસ્પિટલોમાં બાઉન્સરો રાખવાનો ઉઠાવ્યો મુદ્દો, ઉગ્ર વિરોધ કરવાની ઉચ્ચારી ચિમકી
- સંસદના અત્યાર સુધીમાં 800થી વધુ કર્મચારી કોરોના સંક્રમિત, 31 જાન્યુઆરીથી શરૂ થશે બજેટ સત્ર