GSTV
Home » News » એક લાખ ખેડૂતો માટે આવી ખુશખબર, ગુજરાત હાઈકોર્ટે લીધો હિતકારી નિર્ણય

એક લાખ ખેડૂતો માટે આવી ખુશખબર, ગુજરાત હાઈકોર્ટે લીધો હિતકારી નિર્ણય

ગુજરાત હાઈકોર્ટે જમીન સંપાદન મામલે મોટો ચુકાદો આપતા ખેડૂતોને રાહત આપી છે. ભાવનગરથી વેરાવળ વચ્ચે નેશનલ હાઇવે અને વડોદરાથી મુંબઈ વચ્ચે હાઇવેની જમીન સંપાદન મામલે જારી થયેલા વટહુકમને હાઈકોર્ટે રદ કર્યો છે. જમીન સંપાદન મામલે સરકારે કરેલી કાર્યવાહીને ખેડૂતોએ હાઈકોર્ટમાં પડકારી હતી.

ખેડૂતોની અરજી પર સુનાવણી કરતા હાઈકોર્ટે આદેશ કર્યો છે કે ખેડૂતોને નવેસરથી સાંભળીને પુનઃ મૂલ્યાંકન કરવામાં આવે. હાઈકોર્ટના આ ચુકાદાને કારણે આ વિસ્તારના એક લાખ જેટલા ખેડૂતોને ફાયદો થવાની શકયતા છે. સાથે જ નેશનલ હાઇવે ઓથોરિટીએ વધુ 500 થી 1000 કરોડની રકમ ચૂકવવી પડશે.

ગુજરાતમાં જમીન સંપાદનના ઘણા મામલા પેન્ડિંગ છે. જમીન જવાના ડરે અને સંપાદનમાં અોછા પૈસા મળતા હોવાના મામલે ખેડૂતો પોતાની મંજૂરી અાપતા નથી. મોદીનો પાયલોટ પ્રોજેક્ટ બુલેટ ટ્રેન પણ જમીન સંપાદનના મામલે અટવાઈને પડ્યો છે.

દરેક સરકારને ખેડૂતો પાસેથી સસ્તા ભાવે પડાવી લેવું છે. જેને પગલે ગુજરાતમાં ઘણા કેસ હાઈકોર્ટમાં ગયા છે. હવે હાઇકોર્ટે આદેશ કરતાં ભાવનગરથી વેરાવળ અને વડોદારથી મુંબઇ વચ્ચે હાઇવે બનાવવાનો પ્રોજેક્ટ હવે લેટ જશે એ નક્કી છે.

Related posts

બંધ થવા જઈ રહી છે PNBની આ સર્વિસ, 30 એપ્રિલ સુધીમાં કરી લ્યો આ કામ

Path Shah

Tik Tok પર ભારતમાં પ્રતિબંધથી કંપનીને દરરોજ કરોડોનું નુકસાન!

Bansari

જેટ એરવેઝ બંધ થતા સરકાર એલર્ટ, વિમાન લીઝકરતા પાસે જાય તે પહેલા નાણા વસુલીના મુડમાં

Arohi