GSTV
Gujarat Government Advertisement

ઉત્તર ભારતમાં હાડ ગાળતી ઠંડી : લેહ માઇનસ 16.3 ડિગ્રીએ થીજી ગયું

Last Updated on January 20, 2020 by Mayur

ઉત્તર ભારતના તમામ વિસ્તારોમાં તાપમાનનો પારો ગગડયો છે અને હાડ થીજાવતી ઠંડીએ આ વિસ્તારોને બાનમાં લીધા છે.  સંઘ પ્રદેશ કાશ્મીર, લેહ-લદાખ તેમજ હિમાચલ પ્રદેશના પ્રવાસન વિસ્તારોમાં હાલ તાપમાન માઇનસમાં પ્રવર્તી રહ્યું છે. અહીંના કેટલાંક વિસ્તારોમાં ભારે હિમવર્ષા પણ થઇ છે. શ્રીનગરમાં -2.8 ડિગ્રી લઘુતમ તાપમાન નોંધાયું છે. જ્યારે રાજધાની દિલ્હીમાં પણ લઘુતમ તાપમાન સાત ડિગ્રીથી ઓછું નોંધાયું છે.

દેશની રાજધાની દિલ્હીમાં આજે મહત્તમ તાપમાન 16.7 ડિગ્રી સેલ્શિયસ અને લઘુતમ તાપમાન 7 ડિગ્રી નોંધાયું છે. કાશ્મીર ખીણ અને લદાખના વિસ્તારોમાં તાપમાન યથાવત્ અને શૂન્ય ડિગ્રીથી નીચે રહ્યું છે. અહીં રસ્તાઓ પર બરફના થર જામવાના કારણે વાહનવ્યહરામાં કેટલીક મુશ્કેલીઓ ઉભી થઇ છે.

શ્રીનગરમાં લઘુતમ તાપમાનનો પારો વઘુ ગગડયો છે. ગઇકાલે અહીં -1.4 ડિગ્રી લઘુતમ તાપમાન નોંધાયું હતું જ્યારે આજે -2.8 ડિગ્રી તાપમાન નોંધાયું છે. લદાખમાં આવેલા લેહમાં ગઇકાલે -13 ડિગ્રી તાપમાન નોંધાયુ હતું, તેમાં ઘટાડો થઇ આજે -16.3 ડિગ્રી તાપમાન થયું છે. જો કે કાશ્મીરના મોટાભાદના વિસ્તારમાં દિવસના સમયે તડકો હોવાથી લોકોને થોડી રાહત અનુભવાઇ રહી છે.

હિમાચલ પ્રદેશના પ્રવાસન આકર્ષણ ગણાતા સ્થળોનું લઘુતમ તાપમાન પણ શૂન્ય ડિગ્રીથી નીચે પહોંચ્યું છે. કુફરીમાં -4.6 ડિગ્રી, મનાલીમાં -4.4 ડિગ્રી, ડેલહાઉસીમાં -2.4 ડિગ્રી અને શિમલામાં -0.6 ડિગ્રી તાપમાન નોંધાયું છે. લાહૌલ-સ્પીતીએ હિમાચલના સૌથી ઠંડા સ્થળ હોવાનો રેકોર્ડ જાળવ્યો છે. અહીં -14.6 ડિગ્રી તાપમાન છે. હિમાચલના કિન્નૌર-કલ્પામાં -8.4 ડિગ્રી તાપમાન છે. આ ઉપરાંત શિમલા, છટરારી, ખદરાલા અને કોઠીમાં ભારે હિમવર્ષા પણ થઇ છે.

READ ALSO

Gujarat Government Advertisement

Related posts

ભક્તિ કરવામાં ભાન ભૂલ્યા: મોદીને સારૂ લગાડવામાં કરી દીધી મોટી ભૂલ, મહાત્મા ગાંધીની સાથે પીએમની તસ્વીરને પણ હાર ચડાવી અગરબત્તી કરી

Pravin Makwana

છેતરપિંડી: રામ જન્મભૂમિ ટ્રસ્ટના નામે ફેક વેબસાઈટ બનાવી કરી લાખોની ઠગાઈ, 5ની ધરપકડ

Pritesh Mehta

મોદી હૈં તો મુમકીન હૈં ! ભાજપ શાસિત રાજ્યોનો વિરોધ સૌથી મોટો માથાનો દુખાવો, મોદી બેડો પાર કરાવી દેશે તે વિશ્વાસે પલાઠી વાળી લીધી

Pravin Makwana
Do NOT follow this link or you will be banned from the site!