તહેવારની સીઝન પહેલા મોંઘવારીનો ટ્રિપલ માર સામાન્ય જનતા પર પડવાનો છે. પેટ્રોલ અને ડીઝલની વધતી કિંમતો બાદ LPG સિલિન્ડરના ભાવમાં પણ વધારો કરવામાં આવ્યો છે. હવે PNG અને CNG પણ પાછળ નથી. LPG અને CNG ના ભાવમાં સતત બીજા દિવસે વધારો થયો છે. આજે CNGના ભાવમાં પ્રતિ કિલો 2.40 રૂપિયાનો વધારો થયો છે. તે જ સમયે, PNGની કિંમતમાં પ્રતિ સ્ટાન્ડર્ડ ક્યુબિક મીટર 2 રૂપિયાનો વધારો કરવામાં આવ્યો છે. આ નવા દરો આજે 1 નવેમ્બર સવારે 6 વાગ્યાથી લાગુ થઇ ગયા છે. આ વધારા બાદ લખનૌ, આગ્રા અને ઉન્નાવમાં CNGનો ભાવ 70 રૂપિયાને પાર કરી ગયો છે. આ સ્થળોએ CNG 70.50 રૂપિયા પ્રતિ કિલોના ભાવે મળશે, જ્યારે અયોધ્યામાં CNGની કિંમત 72.95 રૂપિયા પ્રતિ કિલો સુધી પહોંચી ગઈ છે.
