GSTV
Home » News » સૌરાષ્ટ્રમાં વાદળો નહીં વરસતા લોકો પર છવાયા ચિંતાના વાદળો

સૌરાષ્ટ્રમાં વાદળો નહીં વરસતા લોકો પર છવાયા ચિંતાના વાદળો

સૌરાષ્ટ્રમાં સપ્તાહ પહેલા જ નૈઋત્યનું ચોમાસાનું વિધિવત આગમન થયું પણ દિલને ઠંડક મળે તેવા વરસાદનું હજુ આગમન નથી, આકાશમાં વરસાદ લાવે તેવા વાદળો બંધાતા નથી ત્યારે લોકો અને ખેડૂતો પર ચિંતાના વાદળો છવાવા લાગ્યા છે. આજે હવામાનખાતાના સૂત્રો અનુસાર સૌરાષ્ટ્રમાં આગામી પાંચ દિવસ માટે ભારે વરસાદની કોઈ આગાહી પણ નથી.

તાજેતરમાં કેન્દ્રીય બજેટમાં સૌરાષ્ટ્રના લઘુ ઉદ્યોગો  વગેરે માટે ખાસ રાહતો તો મળી નહીં, ઉલ્ટુ આમથી માંડીને ખાસ દરેક નાગરિક પર બોજ વધારતો પેટ્રોલ-ડીઝલમાં રૂ।.અઢીનો ભાવ વધારો ઝીંકાયો છે તો  સોનામાં કસ્ટમડયુટી અઢી ટકા વધારી દેવાતા દિકરા-દિકરીના લગ્નની  તૈયારી કરતા હજારો પરિવારો નિરાશ થયા છે.

સરકાર તરફથી રાહત તો ન મળી ત્યારે હવે મેઘરાજા પર લોકોનો મદાર છે. સારો વરસાદ થાય અને હરિયાળીની સાથે ધંધા-રોજગાર ખિલી ઉઠે તો  ઈંધણ-સોના સહિતમાં વધતી મોંઘવારી સામે લડત આપવા થોડી આર્થિક શક્તિ મળે તેની આશા સેવી રહ્યા છે.

સૌરાષ્ટ્રમાં ભાવનગર, બોટાદ અને ગીર સોમનાથ સિવાયના તમામ જિલ્લાઓ અને કચ્છમાં તા.૧ જૂનથી આજ સુધીમાં સામાન્ય કરતા ૨૦ ટકાથી ૭૬ ટકા સુધી ઓછો વરસાદ પડયો છે. વરસાદની ખાધને કારણે કૃષિ પાક માટે ચિંતાનું મોજુ છવાયું છે. મોરબી અને દ્વારકા જિલ્લામાં વરસાદની ૬૦ ટકાથી વધુ ખાધ છે.

હવામાનખાતા અનુસાર દક્ષિણ ગુજરાત પર સમુદ્ર સપાટીથી ૩.૧ કિ.મી.થી ૫.૮ કિ.મી.સુધી હવાનું સાયક્લોનિક સર્ક્યુલેશન છે જે અન્વયે સૌરાષ્ટ્રમાં એકલ-દોકલ સ્થળે જ હળવા-મધ્યમ વરસાદની આગાહી છે.

Read Also

Related posts

નિર્ભયાના નરાધમોના ફરી હવાતિયાં, પવન અને અક્ષયે ફરી લીધો આ કાયદાનો સહારો

Karan

સુપરહિટ ફિલ્મ તાન્હાજી બાદ અજય દેવગને કરી નવી ફિલ્મની જાહેરાત, આ છે નામ

pratik shah

પીએમ મોદી રાજધર્મનું પાલન કરે, દેશને વાજપેયી યાદ આવ્યા : મનમોહને આ ઘટનાને ગણાવી રાષ્ટ્રીય શરમ

Karan
Do NOT follow this link or you will be banned from the site!