GSTV
Home » News » અમદાવાદ ભાજપમાં યાદવાસ્થળી જામી, ડખાઓની ફરિયાદ કમલમ નહીં દિલ્હી પહોંચી

અમદાવાદ ભાજપમાં યાદવાસ્થળી જામી, ડખાઓની ફરિયાદ કમલમ નહીં દિલ્હી પહોંચી

અમદાવાદ ભાજપ શહેર સંગઠનમાં હવે યાદવાસ્થળી બરોબરની જામી છે. સંગઠનમાં ભત્રીજાવાદે માઝા મૂકી છે જેના કારણે શહેરના ભાજપના બે નેતાઓ વચ્ચે અભદ્ર ભાષામાં બોલાચાલી થવા પામી હતી જે  શહેર સંગઠનમાં ચર્ચાનો વિષય બન્યો છે. ચાર ચાર શહેર મહામંત્રી હોવા છતાંય એક જ મહામંત્રીના ઇશારે સંગઠનની કામગીરી થઇ રહી હોવાનો આક્ષેપ થઇ રહ્યો છે.

ભાજપના શહેર સંગઠનના બે નેતાઓ વચ્ચે જાહેરમાં બોલાચાલી

 અમદાવાદ ભાજપ શહેર સંગઠનમાં મહામંત્રીઓનુ માન સન્માન જળવાતુ નથી બલ્કે એક જ મહામંત્રીનું જાણે એકહથ્થુ શાસન ચાલી રહ્યુ છે. આ મામલે ભાજપના શહેર સંગઠનના બે નેતાઓ વચ્ચે જાહેરમાં બોલાચાલી થઇ હતી. એવો આક્ષેપ થઇ રહયો છેકે, ભાજપના શહેર પ્રમુખના એક નજીકના ગણાતાં મહામંત્રીના મામાના દિકરાને જ ભાજપના કાર્યક્રમના ડેકોરેશન સહિતના કોન્ટ્રાક્ટ આપવામાં આવે છે.

આ ઉપરાંત આ જ મહામંત્રીના ફોઇના દિકરાને  ગત ચૂંટણીમાં કર્ણાવતી મહાનગરમાં કોલ સેન્ટરમાં અઢી લાખ ચૂકવાયાં હોવાની  ય ચર્ચા ચાલી રહી છે. એટલુ જ નહીં, સરસપુરમાં રહેતાં હોવા છતાં લાભા વોર્ડના મંત્રીનુ પદ આપી દેવાયુ છે.  આ ઉપરાંત ખોખરા વોર્ડના ત્રણ કાર્યકરોને નિકોલ વિધાનસભાના પ્રભારી બનાવી દેવામાં આવ્યાં છે. જયારે અન્ય ૪૭ વોર્ડના કાર્યકરોને કોણીએ ગોળ ચોટાડવામાં આવ્યુ છે. એક હિન્દી ભાષી ભાજપના નેતાને બક્ષીપંચ મોરચાના પ્રમુખ બનાવી દેવામાં આવ્યા છે.  આમ, આ બધા કારણોને લઇને ભાજપના નેતાઓ વચ્ચે બોલાચાલી થઇ હતી. ભાજપ શહેર સંગઠનમાં યાદવાસ્થળી જામી છે. અંદરોઅંદરના ડખાંની ફરિયૈાદો છેક કમલમ નહી,બલ્કે દિલ્હી સુધી પહોંચી છે.

Related posts

પોલીસ કર્મચારી, પણ મેં કીધું ને સાહેબના 10 અને ઉપરના મને કરાવી દે

Nilesh Jethva

ગુજરાતની 6 બેઠકો માટે મતદાન પૂર્ણ : અમરાઈવાડી બગાડશે સમીકરણો, અડધું થયું મતદાન

Nilesh Jethva

પાકિસ્તાનના રણતીડના ઝુંડનો છેલ્લા 4 દિવસથી હાહાકાર, કૃષિમંત્રી કચ્છ દોડ્યા

Nilesh Jethva
Do NOT follow this link or you will be banned from the site!