ચીને વિદ્યાર્થીઓના હોમવર્ક અને ઑફ-સાઇટ ટ્યુશનમાં કાપ મૂકવા માટે શિક્ષણ સંબંધિત નવો કાયદો પસાર કર્યો છે. શિક્ષણનો આ નવો કાયદો મુખ્ય વિષયોમાં હોમવર્ક અને ઑફ-કેમ્પસ ટ્યુશનના બેવડા દબાણને ઘટાડવાનો પ્રયાસ કરે છે. આપને જણાવી દઈએ કે શાળા સિવાય, નાના બાળકો પર હોમવર્ક અને અલગ ટ્યુશનનું દબાણ જોવા મળ્યું છે. આ અંગે લોકો લાંબા સમયથી અવાજ ઉઠાવી રહ્યા હતા, ત્યારબાદ સરકારે બાળકોને રાહત આપવાનો પ્રયાસ કર્યો છે.
ચીની સરકાર દ્વારા જારી કરાયેલા નિવેદનમાં કહેવામાં આવ્યું છે કે તે બાળકોના હોમવર્ક અને ઓફ-સાઇટ ટ્યુશનનું ડબલ દબાણ ઘટાડવા માંગે છે. આ માટે, નવા કાયદામાં, સ્થાનિક અધિકારીઓ મોનિટર કરશે કે માતાપિતા તેમના બાળકો પર અભ્યાસ માટે દબાણ ન કરે અને તેમને કસરત અને આરામ કરવા માટે સમય આપે. આ માટે કાયદો પસાર કરવામાં આવ્યો છે.
ચીને બાળકો અંગેની નીતિઓ વધુ અડગ રીતે બનાવી છે. જેમાં યુવાનોને ઓનલાઈન ગેમ્સના વ્યસનથી બચાવવા માટે પણ નિયમો બનાવવામાં આવ્યા છે. ચીને નવા કાયદામાં ઓનલાઈન રમતોને આધુનિક અફીણ તરીકે વર્ણવી છે. આ સિવાય લોકોને ઈન્ટરનેટ સેલિબ્રિટીઝ પર આંધળો વિશ્વાસ કરવા પર પણ પ્રતિબંધ મુકવામાં આવ્યો છે.
નવો શિક્ષણ કાયદો જણાવે છે કે માતાપિતાએ પણ તેમના બાળકોને ઇન્ટરનેટના વ્યસનથી બચાવવા માટે તેમની ભૂમિકા ભજવવી પડશે. તે માતાપિતાને તેમના બાળકો પર વધુ પડતો શૈક્ષણિક બોજ નાખવાથી અટકાવે છે.
અગાઉ જારી કરાયેલા નવા કાયદાની માર્ગદર્શિકા મુજબ, ફેરફારોનો ઉદ્દેશ્ય વિદ્યાર્થીઓના તંદુરસ્ત વિકાસને પ્રોત્સાહન આપવા, શિક્ષણની ગુણવત્તામાં સુધારો કરવા, વાલીઓ પરના નાણાકીય બોજને ઘટાડવા અને શિક્ષણ ક્ષેત્રમાં કાયદા આધારિત શાસન સ્થાપિત કરવાનો છે.
READ ALSO
- રખડતા પશુઓ / ચાલુ વર્ષે ૧૪૮૯૯ રખડતાં ઢોર પકડી ૧.૪ કરોડનો વસૂલાયો દંડ છતાં પરિસ્થિતિ ઠેરની ઠેર
- ટાઈમ મેગેઝિન 100 સૌથી પ્રભાવશાળી લોકોની યાદી જાહેર, ગૌતમ અદાણી, કરુણા નંદી અને ખુર્રમ પરવેઝના નામ સામેલ
- સતર્કતા! કોરોના વચ્ચે મંકીપોક્સે વધારી ચિંતા, મુંબઈ એરપોર્ટ પર એલર્ટ
- ઇસુદાન ગઢવીએ ધ્રોલમાં આપઘાત કરનારા ખેડૂતના પરિવારજનો સાથે કરી મુલાકાત, આર્થિક સહાય કરવા સરકાર પાસે કરી માંગ
- પ્રેમ કહાનીનો ભયાનક અંત:વલસાડમાં પ્રેમિકાની ગળું દબાવી હત્યા કર્યા બાદ પ્રેમીએ પણ તળાવમાં ઝંપલાવી જિંદગી ટુંકાવી