GSTV
India News Trending

ચીને ભારતીય સૈનિકોનો સંયમ તોડ્યો: 40 વર્ષ પછી બોર્ડર પર અથડામણ, LAC પર જોરદાર તણાવ

પૂર્વી લદ્દાખમાં ભારત અને ચીન વચ્ચે તનાવ એક ચરમસીમાએ પહોંચી ગયો છે. ગલવાન ખીણમાં સૈન્યને ભગાડવાની કવાયત દરમિયાન બંને દેશોની સૈન્ય વચ્ચે ઘર્ષણ થયાના સમાચાર છે. ભારત અને ચીન વચ્ચેની સરહદ પર છેલ્લી ગોળી 1975 માં ચાલી હતી. મળતા સમચારો મુજબ ગલવાન ઘાટીમાં લગભગ 40 વર્ષ બાદ આ સિલસિલો તૂટ્યો છે. ગલવાન ઘાટી એવા પોઈન્ટ ઉપર છે જ્યાંથી ચીનની સેનાએ ઘૂસણખોરી કરી હતી. બંને દેશો વચ્ચે અનેક તબક્કાની વાતચીત બાદ ચીની સેના કેટલાક પોઈન્ટ પરથી પીછેહઠ કરવા લાગી હતી. પરંતુ આ ઘટના બાદ સરહદ પર તણાવ વધવાની સંભાવના છે.

ભારતે 1 અધિકારી સહિત બે સૈનિકો ગુમાવ્યા

સેનાના જણાવ્યા મુજબ હિંસક સંઘર્ષમાં ભારતે તેમના એક અધિકારી અને બે જવાન ગુમાવ્યા છે. ચીનને કેટલું નુકસાન થયું છે તે અંગે હજી સુધી કોઈ જાણકારી અપાઈ નથી.આ મોટા ઘટનાક્રમ બાદ બંને સેનાઓના વરિષ્ઠ અધિકારીઓ મોકા પર મુલાકાત કરીને પરિસ્થિતિ સંભાળવાની કોશિશ કરી રહ્યા છે.

મેની શરૂઆતથી જ ચીનની હરકતો વધી

મેની શરૂઆતમાં ચીની સૈનિકોએ એલએસી પર આક્રમક વલણ અપનાવવાનું શરૂ કર્યું હતું. પૂર્વી લદ્દાખમાં ચાર જગ્યાએ પીપલ્સ લિબરેશન આર્મી (પીએલએ) એ ઘૂસણખોરી કરી હતી. મોટી સંખ્યામાં ચીની સૈનિક આર્ટિલરી અને સશસ્ત્ર વાહનો સાથે એલએસી નજીક હાજર છે. ગલવાન ઘાટી અને પેંગોંગ તળાવ એ બે મુખ્ય પોઈન્ટો ગણાય છે જ્યાં બંને દેશોનું સૈન્ય એકબીજાની સામે છે.

બંને દેશોના સૈનિકો વચ્ચે હિંસક ઝપાઝપી થઇ

ચીનના સૈનિકોએ ઘુસણખોરીનો પ્રયાસ કરતા ભારતીય સૈનિકોએ તેમને પાછા હટાવ્યા હતા. જેના કારણે બંને દેશોના સૈનિકો વચ્ચે હિંસક ઝપાઝપી થઇ. સુત્રો પાસેથી મળતી માહિતી મુજબ ચીનના સૈનિકો પાછળ હટવા તૈયાર નહોતા

પેંગોંગ ઝીલ, ગલવાન ઘાટીની પાસે ચીને 5 હજારથી વધુ સૈનિક તૈનાત કર્યા

તમને જણાવી દઈએ કે ભારત અને ચીન વચ્ચે મે મહીનાની શરૂઆતથીજ લદ્દાખ બોર્ડરની પાસે તનાવપૂર્ણ માહોલ બન્યો હતો. ચીની સૈનિકોંએ ભારત દ્વારા નક્કી કરવામાં આવેલી LACને પાર કરી હતી, અને પેંગોંગ ઝીલ, ગલવાન ઘાટીની પાસે આવી ગયા હતા. ચીન તરફથી આ સ્થળ પર પાંચ હજાર સૈનિકોને તૈનાત કરવામાં આવ્યા હતા, આ સિવાય તમામ લશ્કરી ઉપકરણો અને શસ્ત્રો પણ એકત્રીત કર્યા હતા.

READ ALSO

Related posts

શિવસેનાના બાગીઓને SCએ અયોગ્યતા નોટિસના જવાબ માટે 14 દિવસનો સમય આપ્યો

Hemal Vegda

Bank Holidays : જુલાઈમાં 14 દિવસ બંધ રહેશે બેંકો, મહિનાની શરૂઆત રજા સાથે થશે; ફટાફટ ચેક કરો લિસ્ટ

GSTV Web Desk

મહારાષ્ટ્રના અધિકારીઓ પર ભડક્યા કેન્દ્રીય મંત્રી, અમે 2-3 દિવસ જ વિપક્ષમાં છીએ એ યાદ રાખજો

Binas Saiyed
GSTV