GSTV

વિજય રૂપાણી અને નીતિન પટેલ કાલે જશે દિલ્હી, ખાસ આ મુદ્દાની થશે ચર્ચા

Last Updated on August 27, 2018 by

મુખ્યમંત્રી વિજય રૂપાણી અને નાયબ મુખ્યમંત્રી નીતિન પટેલ આજે દિલ્હીની મુલાકાતે જશે. દિલ્હીમાં આવતીકાલે પીએમ મોદી સાથે બેઠક કરશે. આ બેઠકમાં રાજ્યના મુખ્ય સચિવ ડૉ. જે.એન સિંહ પણ ઉપસ્થિત રહેશે. આ બેઠકમાં લોકસભાની ચૂંટણી અને સ્ટેચ્યુ ઓફ યુનિટીના મુદ્દાઓ પર ચર્ચા થશે. આ બેઠક બાદ મંગળવારે ભાજપ શાસિત રાજ્યોના મુખ્યમંત્રીઓની બેઠક યોજાશે. આ મામલે મળતી વિગત અનુસાર, રાજ્યના મુખ્યપ્રધાન તેમજ ડેપ્યુટી CM આજે સાંજે દિલ્હીની મુલાકાતે જવાના છે. નર્મદા નજીક આકાર પામી રહેલ સરદાર પટેલની પ્રતિમાને લઇને તેઓ ભારતના વડાપ્રધાન નરેન્દ્ર મોદી સાથે વાર્તાલાપ કરશે. આ સાથે આગામી સમયમાં યોજાનાર લોકસભાની ચૂંટણી મામલે પણ તેઓ વાતચીત કરવાના હોવાનું નજીકના સૂત્રો દ્વારા જાણવા મળ્યું હતું. અચાનક દિલ્હીની મુલાકાતને પગલે રાજકીય નિષ્ણાંતોમાં પણ વિવિધ ચર્ચાએ જોર પકડ્યું છે. જો કે, આ મુલાકાત અંગેની વધુ વિગત મુખ્યમંત્રી દિલ્હીથી પરત આવે ત્યારબાદ જાણવા મળી શકે તેમ છે. આપને જણાવી દઇએ કે, સ્ટેચ્યુ ઓફ યુનિટીની તાજેતરમાં જ મુખ્યમંત્રીએ સ્થળ મુલાકાત લઇને સમીક્ષા કરી હતી.

Related posts

મથુરા વિવાદ/ મુસ્લિમોએ મસ્જિદ મથુરાના કૃષ્ણ મંદિરને સોંપી દેવી જોઇએ, યુપીના મંત્રીનું નિવેદન

Damini Patel

પાકિસ્તાનના હિંદુ દંપતિએ પોતાના બાળકનું એવું નામ રાખ્યું કે ચારે બાજુ થવા લાગી જોરશોરથી ચર્ચા, કહાની જાણીને ચોંકી જશો

Dhruv Brahmbhatt

દાદાગીરી નહીં ચાલે: ટ્રાફિક પોલીસ 1650 બોડીવોર્ન કેમેરાથી સજજ થશે, પોલીસ કે પબ્લિકનું નહીં…છાતી પર લગાવેલા કેમેરાનું રાજ

Pravin Makwana
Do NOT follow this link or you will be banned from the site!