ચીનનું વુહાન શહેર બુધવારે લોકડાઉનથી મુક્ત થવા જઈ રહ્યું છે. ગત વર્ષે ડિસેમ્બરથી કોરોના વાઈરસની મહામારી આ શહેરથી ફેલાવવાની શરૂ થઈ હતી. આ શહેર ગત 76 દિવસથી બંધ હતું, 23 જાન્યુઆરી બાદ પહેલીવાર લોકો બહાર નિકળી શકશે.
આવતી કાલથી દોડવા લાગશે વુહાન
વુહાનમાં કોરોના વાઈરસના સૌથી વધારે મોત થયા છે. ગત અઢી મહિનાથી લોકડાઉનમાં રહેલું આ શહેર ફરીથી પેહેલાની જેમ દોડી શકશે. વાહનવ્યવહારની તમામ સુવિધાઓ શરૂ થઈ જશે. રેલવે અને વિમાન સેવા પૂર્વવત થશે, તેમજ લોકો પોતાના વાહનોમાં બેસીને શહેર બહાર જઈ શકશે.
કોરોનાનું એપી સેન્ટર વુહાન
ચીન સરકારે આ નિર્ણય મંગળવારે મોતનો એક પણ કિસ્સો સામે નહી આવ્યા બાદ લીધો છે. 1.1 કરોડની વસ્તીવાળા આ શહેર કોરોનાથી સૌથી વધારે પ્રભાવિત હતું. ચીનના કુલ 82 હજાર કોરોના સંક્રમિતોમાંથી 50 હજાર આ શહેરમાં હતા. કુલ 3331 મૃતકોમાંથી 2500નું વુહાનમાં જ મોત થયા હતા.
ઈતિહાસનું સૌથી મોટુ લોકડાઉન
વુહાન શહેરને ખોલવા છતાં અહીં નિયંત્રણકારી ઉપાયોને યથાવત રાખવામાં આવશે. આ શહેરે ઈતિહાસનું સૌથી મોટું લોકડાઉન જોયું છે. 23 જાન્યુઆરી બાદ આ લોકડાઉન વધારે સખ્ત થતું ગયું હતું. વાઈરસના ફેલાવ સાથે લોકડાઉન પણ સંપૂર્ણ હૂબેઈ પ્રાંતમાં લાગૂ કરી દેવામાં આવ્યા અને 6 કરોડ લોકો ઘરમાં કેદ થયાં હતા.
READ ALSO
- સોલા સિવિલની લાલિયાવાડી: દર્દીને બારોબાર ઘરે લઇ ગયા સગા, કન્ટેઇનમેન્ટ ઝોન ખોલીને ફટાકડા ફોડ્યા!
- નિસર્ગ વાવાઝોડા સામે લડવા તંત્રની આ છે આગોતરી તૈયારીઓ, આટલા હજાર લોકોનું સ્થળાંતર
- રાજ્યસભાની ચૂંટણી વખતે એનસીપીમાં ડખા, શંકરસિંહ વાઘેલા પાસેથી પ્રમુખપદ છીનવાયું : શું બાપુ હવે એનસીપી છોડશે
- 12 નવા કેસ સાથે અમદાવાદ ગ્રામ્યમાં કોરોનાનો પગપેસારો, સૌથી વધુ 6 કેસ આ તાલુકામાં
- અમેરિકામાં હિંસક બન્યા પ્રદર્શનકારીઓ, અનેક શહેરોમાં કર્ફ્યુ જાહેર