દિગ્ગ્જ ભારતીય કિકેટર સચિન તેડુંલકર પછી હવે કેપ્ટન વિરાટ કોહલીના મીણના પૂતળાનું લોર્ડસના જાણીતા મેડમ તુસાદ મીણ સંગ્રહાલય ખાતે અનાવરણ કરવામાં આવ્યું હતું. કેપ્ટન કોહલીના આ પૂતળાનું અનાવરણ વિશ્વકપ શરૂ થવાના એક દિવસ પહેલા જ બુધવારે કરવામાં આવ્યું હતું. કોહલીની આ પ્રતિમાને ભારતીય ટીમની સત્તાવાર જર્સીથી સજાવવામાં આવી છે જે જર્સી કોહલીએ જાતે જ ભેટ આપી છે.
કોહલી એવા બીજા ભારતીય કિકેટર છે જેના મીણના પૂતળાને મેડમ તૂષાદ મ્યુઝીયમમાં સ્થાન મળયું છે. આ અગાઉ સચિન તેડૂંલકરની પ્રતિમાને ર૦૦૯માં સ્થાન આપી અનાવરણ કરવામાં આવ્યું હતું. મેડમ તુષાદ મ્યુઝીયમના મહાપ્રબંધક સ્ટીવ ડેવીસ કહે છે આગામી અઠવાડિયામાં કિકેટ ફીવર ચાહકોમાં ચડવાનો છે તેવા સમયે વિરાટ કોહલીના પૂતળાથી બીજું શું વધારે સારૂ હોઇ શકે.
અમારા પાડોશી લોર્ડસ પર તેના પૂતળાનું અનાવરણ કરવામાં આવ્યું છે. અમને આશા છે કે કિકેટ ચાહકો પોતાના હીરોને ફકત કિકેટ મેદાન પર જ નહી પણ તુષાદ મ્યુઝિયમની પીચ પર પણ જોવાનું પસંદ કરશે. તમને એ જણાવીએ કે કોહલીના પૂતળાને સત્તાવાર રીતે ભારતીય કીટ પહેરાવવામાં આવી છે, જે કોહલીએ જાતે જ ભેટ આપી છે.કોહલીના પૂતળાને વિશ્વકપ ર૦૧૯ના અંત સુધી ઉસેન બોલ્ટ, સર મો ફરાહ અને મહાન બેટસમેન સચિન તેડૂંલકરના પૂતળા સાથે રાખવામાં આવશે.
લોર્ડસ કિકેટ ગ્રાઉન્ડ રીટેલ અને ટૂરના પ્રમુખ તારાહ કનિગહામેએ જણાવ્યું કે કિકેટ વિશ્વકપના દિવસે વિરાટ કોહલીના પૂતળાના અનાવરણ માટે લોર્ડસની આ જગ્યા અમને એકદમ યોગ્ય લાગી.કિકેટ વિશ્વકપનો કેઝ શરૂ થયો છે અને કેટલાય પ્રવાસીઓ મેદાન પર આવવા સાથે સાથે એમસીસી મ્યુઝીયમ આવવાનું પણ પસંદ કરશે. વિરાટના પૂતળાને જોવા માટે કિકેટચાહકો મેડમ તુષાદ મ્યુઝીયમ લંડન ખાતે આવવા ઇચ્છશે.
Read Also
- અનલોક-1: અમદાવાદ રેલ્વે સ્ટેશનથી 8 સ્પેશિયલ ટ્રેનો ઉપડી, 9 હજારથી વધુ મુસાફરો થયા રવાના
- નિસર્ગ વાવાઝોડામાં રાહતકાર્ય માટે વડોદરાથી NDRFની 12 ટીમો રવાના
- કોરોના સંક્રમણ રોકવા 24 દિવસમાં 17338 શાકભાજીના ધંધાર્થીનું સ્ક્રીનિંગ, આટલા નીકળ્યા પોઝીટીવ
- નિસર્ગ વાવાઝોડાની અસર: અરવલ્લીમાં જોવા મળી, જિલ્લામાં ગાજવીજ સાથે વરસાદ વરસ્યો
- Corona હવે મુખ્ય જવાબદારી લોકોની, સરકારને છૂટછાટો!