GSTV

ભારતમાં આ તારીખ સુધી પાટા પર નહીં દોડે ટ્રેનો , રેલવેએ લીધો નવો ઇતિહાસ લખનારો નિર્ણય

કોરોના વાયરસને પગલે સમગ્ર દેશમાં લોકડાઉન કરી દેવાયું છે. ભારતીય રેલવેએ પણ ઐતિહાસિક નિર્ણય લેતા તમામ પ્રવાસી ટ્રેનોને 14 એપ્રિલ સુધી પાટા પર દોડવા પર પ્રતિબંધ મૂક્યો છે. રેલવે મંત્રાલયે એક નિવેદનમાં જણાવ્યું છે કે 14મી એપ્રિલ મધરાત સુધી તમામ પ્રવાસી ટ્રેનો રદ કરી દેવામાં આવી છે. અગાઉ રેલવેએ 22 માર્ચના રાત્રે 12 કલાકથી લઈને 31 માર્ચ સુધી તમામ પ્રવાસી ટ્રેનો રદ કરવાનો નિર્ણય કર્યો હતો. રેલેવેએ પોતાના પરિપત્રમાં જણાવ્યું છે કે ફક્ત માલગાડીઓને ચાલુ રાખવાની મંજૂરી આપવામાં આવી છે. દેશમાં આવશ્યક ચીજવસ્તુઓનો પુરવઠો નિર્ધારિત સ્થળો સુધી પહોંચાડવા માટે માલગાડીઓ દોડાવવાનું ચાલુ છે અને તેના પર કોઈ પ્રતિબંધ નથી.

ટ્રેન છૂટ્યા બાદના 45 દિવસ સુધી ટિકિટ કેન્સલ કરાવી શકાશે

અખબારી યાદીમાં આપેલી માહિતી મુજબ તમામ મેલ, એક્સપ્રેસ તેમજ પેસેન્જર ટ્રેનો ઉપરાંત મેટ્રો ટ્રેનો 14મી એપ્રિલ સુધી રદ કરવામાં આવેલ છે. રદ ટ્રેનોમાં પ્રીમિયમ ટ્રેનોનો પણ સમાવેશ થાય છે. તમામ ઝોનલ રેલવે કડક રીતે આ આદેશનું પાલન થાય તેની તકેદારી લે. અગાઉ રેલવેએ જાહેરાત કરી હતી કે તમામ પ્રવાસી ટ્રેનોનું એડવાન્સ બુકિંગ કરાવનાર પેસેન્જરને રીફંડ આપી દેવામાં આવશે અને સાથે જ ટ્રેન છૂટ્યા બાદના 45 દિવસ સુધી ટિકિટ કેન્સલ કરાવી શકાશે.

દેશમાં 600એ પહોંચવા આવ્યો આંક

ભારતમાં કોરોનાનો વ્યાપ સતત વધી રહ્યો છે. દેશના 24 રાજ્યો અને કેન્દ્રશાસિત પ્રદેશ કોરોના સંક્રમણના સંકજામાં આવી ગયા છે. સંક્રમિતોની સંખ્યા બુધવારે સવાર સુધી 598 થઈ ગઈ છે, અને અત્યાર સુધી 11 લોકોના જીવ ગયા છે. દેશમાં સૌથી વધુ કેસ મહારાષ્ટ્રમાં નોંધાયા છે. મહારાષ્ટ્રમાં કોરોનાના પોઝિટીવ દર્દીઓની સંખ્યા 100ને પાર થઇ ગઇ છે. મહારાષ્ટ્રમાં કોરોનાના સત્તાવાર દર્દીઓ 101 નોંધાયા છે. બીજા નંબરે કેરળમાં કુલ 95 કેસ નોંધાયા છે. જ્યારે કે કર્ણાટકમાં 37 કેસ દાખલ થયા છે. આ તરફ મણિપુરમાં સંક્રમણનો પહેલો કેસ સામે આવ્યો છે. 23 વર્ષીય સંક્રમિત યુવતી તાજેતરમાં જ બ્રિટનથી પાછી આવી હતી. બીજી તરફ કોરોનાના સંક્રમણને ફેલાવાથી રોકવા માટે 30 રાજ્યો અને કેન્દ્રશાસિત પ્રદેશોએ સંપૂર્ણપણે લોકડાઉનની જાહેરાત કરી છે.

Related posts

અમદાવદ મ્યુનિસિપલ કમિશ્નરે ચિંતા વ્યક્ત કરી, શહેરમાં કોરોનાના કેસ વધે તેવી શક્યતા

Ankita Trada

દેશમાં કોરોના વાયરસનો ખતરો વધ્યો, દિલ્હીમાં 500થી વધુ લોકો ઝપેટમાં

pratik shah

ભાજપના 40 માં સ્થાપના દિવસ નિમિતે વડાપ્રધાન નરેન્દ્ર મોદીનું સંબોધન, જાણો કોરોના અંગે શું કહ્યુ

Ankita Trada
Do NOT follow this link or you will be banned from the site!