GSTV

કેલિફોર્નિયાના જંગલમાં લાગી ફરી ભીષણ આગ, 3ના મોત, હજારોનું કરાયું સ્થળાંતર

Last Updated on September 29, 2020 by Mansi Patel

કેલિફોર્નિયાના જંગલોમાં ફરી એક વખત ભીષણ આગ ભભૂકી છે. થોડા સમય પહેલા પણ કેલિફોર્નિયાના જંગલોમાં આગ લાગી હતી જેના કારણે ઘણા લોકોએ જીવ ગુમાવ્યો હતો. તો સામે ઘણું મોટુ નુકસાન પણ થયું હતું. ત્યારે હવે ફરી એક વખત ઉત્તરી કેલિફઓર્નિયાના સોનોમા કાઉન્ટીમાં સોમવારે ભારે પવન સાથે આગ લાગી છે. આગની ઝપેટમાં આવીને અનેક ઘરો બળી ગયા છે. તો વિસ્તારના 70 હજાર લોકોનું સ્થળાંતર કરવામાં આવ્યું છે. તો આગના કારણે ત્રણ લોકોના જીવ પણ ગયા છે. નાપા અને સોનોમા કાઉન્ટીમાં અલગ અલગ 30 જગ્યાઓ પર નાની મોટી આગ લાગી છે. ત્રણ વર્ષ પહેલા પણ આ વિસ્તારમાં આવી ભીષણ આગ લાગી હતી, જેના કારણે 22 લકોના જીવ ગયા હતા.

બાકીના લોકોને એલર્ટ કરી દેવાયા

અત્યાર સુધીમાં લગભગ 68000 લોકોને સુરક્ષિત જગ્યા પર ખસેડવામાં આવ્યા છે. તો બાકીના લોકોને પણ એલર્ટ કરવામાં આવ્યા છે. તેમને સુચના આપી છે કે ગમે ત્યારે આ જગ્યા છોડીને જવા માટે તૈયાર રહો. અકબાજુ કોરોના મહામારી અને બીજી તરફ આગના કારણે કેલિફોર્નિયામાં હાહાકાર મચ્યો છે. કેલિફોર્નિયા રાજ્યના ગવર્નરે આ આગને 2020ની સૌથી ભીષણ આપત્તિ ગણાવી છે.

જંગલમાં લાગેલી આગના કારણે સૌથી મોટુ નુકશાન

રાજ્યના ગવર્નરે કહ્યું કે જંગલોમાં લાગેલી આ આગને કારણે કેલિફોર્નિયાના ઇતિહાસમાં સૌથી મોટુ નુકસાન થાય તેવી શક્યતા છે. અત્યાર સુધીમાં 30 લાખ એકર કરતા પણ વધારે જમીન આગની ઝપેટમાં આવી ચુકી છે. અત્યાર સુધીમાં આગના કારણે અનેક મકાનો બળીને રાખ થઇ ગયા છે. તો અનેક મકાનોને નુકસાન પણ થયું છે. રાજ્યનો ફાયર વિભાગ આગ પર કાબૂ મેળવવાના પ્રયત્નો કરી રહી છે.

Related posts

Constipation દૂર કરવા માટે મંગાવી હતી EEL, હાલત બગડી તો કરાવવી પડી સર્જરી

Pritesh Mehta

IND vs SL / શ્રીલંકાએ ભારતને 4 વિકેટે હરાવ્યું, છેલ્લી ઓવર સુધી પહોંચી હતી મેચ: સીરીઝ 1-1થી સરભર

Zainul Ansari

પ્રાઇવસી / Instagramએ આ યુઝર્સ માટે કર્યા મોટા ફેરફાર, તમે પણ તેમા સામેલ તો નથી ને! એકવાર કરી લો ચેક

Zainul Ansari
Do NOT follow this link or you will be banned from the site!