GSTV

જાણો ઈડીના દરોડા પર રોબર્ટ વાડ્રાએ શું આપ્યો જવાબ ?

Last Updated on December 12, 2018 by

ઈડી દ્વારા પાડવામાં આવેલા દરોડા પર રોબર્ટ વાડ્રાએ જવાબ આપ્યો છે. ત્રણ રાજ્યોમાં કોંગ્રેસ આવે છે-ની ડણક ચૂંટણી પરિણામોમાં દેખાઈ છે. ત્યારે કોંગ્રેસના કાર્યકર્તાઓથી ઘેરાયેલા પ્રિયંકા ગાંધીના પતિ રોબર્ટ વાડ્રાએ કહ્યુ છે કે ગત પાંચ વર્ષથી તેમની હેરાનગતિ થઈ રહી છે. ઈડીના અધિકારીઓએ તેમના મંદિરને પણ તોડી નાખ્યું. વાડ્રાએ કહ્યુ છે કે તેઓ કાયદાથી ઉપર નથી. તેમણે દરેક નોટિસનો જવાબ આપ્યો છે.

સોનિયા ગાંધીના જમાઈ રોબર્ટ વાડ્રાએ કહ્યુ છે કે આ મામલો ગત સાતથી આઠ વર્ષથી ચાલી રહ્યો છે. પરંતુ ગત પાંચ વર્ષમાં હેરાનગતિ વધી છે. અત્યાર સુધી તેમની પાસે આવેલી તમામ નોટિસોનો તેમણે જવાબ આપ્યો છે. ઈડીએ જે પણ સવાલ કર્યા. તેનો તેમણે સાચો જવાબ આપ્યો છે. તેઓ ભાગવના નથી. તેઓ આ દેશના નાગરીક છે અને અહીં જ રહેવાના છે.

યુપીએ ચેરપર્સન સોનિયા ગાંધીના જમાઈ રોબર્ટ વાડ્રાએ કહ્યુ છે કે તેમને જે પણ કંઈ સહન કરવાનું છે. તેને તેઓ સહન કરી રહ્યા છે. પરંતુ તેમના પરિવારની પણ હેરાનગતિ થઈ રહી છે. ચિંતાના કારણે તેમના માતા તણાવમાં છે અને ગત ત્રણ દિવસથી હોસ્પિટલમાં છે. તેમની ઓફિસના તાળા તોડી નાખવામાં આવ્યા છે અને ઓફિસમાં ઉથલ-પાથલ મચાવવામાં આવી હતી. વાડ્રાએ કહ્યુ છે કે આ મામલો કોર્ટમાં છે. માટે તેઓ આના પર વાત કરવાને યોગ્ય માનતા નથી. તેઓ કાયદાથી ઉપર નથી. તેઓ દરેક સવાલનો જવાબ આપવા માટે તૈયાર છે. ઈડી જે પણ કંઈ કરી રહી છે, તે જબરદસ્તી છે.

વિધાનસભાની ચૂંટણીના પરિણામો પર રોબર્ટ વાડ્રાએ કહ્યુ છે કે રાહુલ ગાંધીની આગેવાનીમાં કોંગ્રેસને ખૂબ સારો પ્રતિસાદ મળ્યો છે. કોંગ્રેસ 2019માં પણ સારું પ્રદર્શન કરવાની છે. જો કંઈપણ મોદી સરકાર સાથે ખોટું બને છે. તો તેઓ તેમના નામનો ઉપયોગ કરે છે. મહત્વપૂર્ણ છે કે ઈડી તરફથી દિલ્હીના સુખદેવ વિહાર ખાતે રોબર્ટ વાડ્રાની ઓફિસમાં દરોડાની કાર્યવાહી કરવામાં આવી હતી.

ઈડી દરોડાની કાર્યવાહી દરમિયાન લગભગ 16 કલાક સુધી વાડ્રાની ઓફિસોમાં રહી હતી. તેનો રોબર્ટ વાડ્રાએ જવાબ આપ્યો છે. આ દરોડાની કાર્યવાહી સંરક્ષણ સોદામાં કેટલાક લોકો દ્વારા કથિત લાંચ લેવા સાથે જોડાયેલા મામલાને લઈને કરવામાં આવી હતી.

Related posts

અગત્યનું/ પેન્શનરો માટે લાઇફ સર્ટિફિકેટ જમા કરાવવાની ડેડલાઇન લંબાવાઇ, જાણી લો આ નવી તારીખ

Bansari

કામનું/ શું તમે ક્રેડિટ કાર્ડના દેવાના જાળમાં ફસાઈ ગયા છો? તમને ડૂબવાથી બચાવવા માટે આ રહ્યા કેટલાક સરળ ઉપાય

Damini Patel

શુભ પ્રસંગ/ જેઠાલાલની દિકરી નિયતિના આજે નાસિકમાં થશે લગ્ન, બે દિવસ બાદ મુંબઈની તાજમાં યોજાશે ભવ્ય રિસેપ્શન

Pravin Makwana
Do NOT follow this link or you will be banned from the site!