GSTV
News World ટોપ સ્ટોરી

પાકિસ્તાનમાં બોમ્બ બ્લાસ્ટ/ લાહૌરમાં બોમ્બ વિસ્ફોટ થતાં 3 લોકોના મોત, કેટલાય લોકો થયાં છે ઘાયલ

પાકિસ્તાનના લાહૌરમાં એક ભીષણ બોમ્બ વિસ્ફોટમાં ત્રણ લોકો માર્યા ગયા છે. લાહૌરના અનારકલી વિસ્તારમાં થયેલા આ વિસ્ફોટમાં કેટલાય લોકો ગંભીર રીતે ઘાયલ પણ થયાં છે. આ ઘટનાસ્થળે ભારે સંખ્યામાં પોલીસના જવાનો તૈનાત થઈ ગયા છે. ઘાયલોની સારવાર માટે હોસ્પિટલમાં લઈ જવામાં આવ્યા છે.

એક રિપોર્ટમા જણાવ્યા અનુસાર વિસ્ફોટમાં લગભગ 3 લોકોના મોત થઈ ગયા છે. જ્યારે 20થી વધારે લોકો ઘાયલ થયાં છે. લાહૌર પોલીસના પ્રવક્તા રાણા આરિફે આ મોતની પુષ્ટિ પણ કરી છે.

પંજાબના મુખ્યમંત્રી ઉસ્માન બુઝદારે આ ઘટનાને ધ્યાને લીધી છે અને ડીજીપીને આ સંબંધમાં એક રિપોર્ટ રજૂ કરવા પણ આદેશ આપ્યા છે. તેમણે અધિકારીઓને ઘાયલ લોકોની દરેક સંભવ મેડિકલ સુવિધા ઉપલબ્ધ કરાવાના આદેશ આપ્યા છે.

આ ઘટના તુરંત બાદ લાહૌરના ડેપ્યુટી કમિશ્નર ઉમર શેર ચઠ્ઠાએ નાગરિક સુરક્ષા અધિકારીઓમાં એક બોમ્બ સ્કોવ્ડ ટીમને તૈનાત કરવાનો નિર્દેશ આપ્યા છે અને કહ્યું છે કે, વિસ્તારને સંપૂર્ણપણે નિરીક્ષણ કરો.

લાહૌર ડીસીના નિર્દેશ પર ઘાયલ લોકોને મેયો હોસ્પિટલમાં લઈ જવામાં આવ્યા છે. ઘટનાસ્થળે રાહત અને બચાવ કાર્ય ચાલું છે. વિસ્ફોટને લઈને હોસ્પિટલોને તૈયાર રહેવા આદેશ આપવામાં આવ્યા છે.

READ ALSO

Related posts

મહત્વનો નિર્ણય / નાઇટ શિફ્ટ માટે મહિલાઓની સંમતિ લેવી પડશે, સરકારી અને ખાનગી ક્ષેત્ર બંને પર થશે લાગુ આ નિયમ

Hardik Hingu

Anemia in Indian Population : રક્તકણની ઉણપ ધરાવતા દેશના બાળકોમાં 9%નો વધારો, 67% બાળકો એનિમિક; નેશનલ હેલ્થ સર્વેમાં ખુલાસો

GSTV Web Desk

અમેરિકા અમને બદનામ કરવાનું બંધ કરે ‘બીજા શીતયુદ્ધ’ની ટીકા સામે ચીનનો વળતો પ્રહાર

GSTV Web Desk
GSTV