GSTV
India News ટોપ સ્ટોરી

સર્વેમાં ચોંકાવનારા પરિણામ / મહારાષ્ટ્રમાં આજે લોકસભા ચૂંટણી યોજાશે તો ભાજપ-શિંદે જૂથને લાગશે મોટો ઝટકો, આ પાર્ટીને થશે સૌથી વધુ ફાયદો

મહારાષ્ટ્ર

શિવસેનામાં બે ફાડ થયા બાદ મહારાષ્ટ્રમાં તાજેતરમાં જ સત્તા પરિવર્તન થયુ છે. બાગી ધારાસભ્યોની અધ્યક્ષતા કરી રહેલા એકનાથ શિંદે મુખ્યમંત્રી બન્યા અને દેવેન્દ્ર ફડણવીસને ડેપ્યુટી સીએમ બનાવવામાં આવ્યા છે. સત્તા પરિવર્તન બાદ ભાજપનો ઈરાદો ઉદ્ધવ ઠાકરેના નેતૃત્વ વાળી શિવસેનાને ખતમ કરતા શિંદે જૂથની મદદથી 2024માં રાજ્યમાં લોકસભા અને વિધાનસભા ચૂંટણી એકલા જીતવાનો છે. જોકે, એક તાજેતરના સર્વે અનુસાર ભાજપ અને શિંદે જૂથને આંચકો લાગી શકે છે.

મહારાષ્ટ્ર

એક સર્વે અનુસાર જો આજે લોકસભા ચૂંટણી થાય તો બીજેપી અને શિંદે જૂથને મોટો આંચકો લાગી શકે છે. મહાવિકાસ અઘાડી જો એક સાથે ચૂંટણી લડે છે તો આ વાતની પ્રબળ સંભાવના છે કે શિવસેના, એનસીપી અને કોંગ્રેસને મોટો ફાયદો થશે.

સર્વેમાં ચોંકાવનારા પરિણામ સામે આવ્યા છે. આનાથી એ અનુમાન લગાવવામાં આવી શકે છે કે રાજ્યના લોકોને ભાજપ અને શિંદે જૂથ દ્વારા બનાવાયેલી સરકાર પસંદ આવી નહીં. સર્વે અનુસાર આજે લોકસભા ચૂંટણી થાય છે તો મહારાષ્ટ્રની 48 લોકસભા બેઠકમાંથી યુપીએને 30 બેઠક જીતતા જોવા મળી રહી છે. ભાજપની એનડીએને 18 બેઠક મળી શકે છે. આ બીજેપી માટે મોટો આંચકો સાબિત થઈ શકે છે. 2019ની લોકસભા ચૂંટણી બીજેપી અને શિવસેનાની સાથે મળીને લડી હતી. તેમણે મહારાષ્ટ્રની 48 લોકસભા બેઠકમાંથી 42 બેઠક પર જીત મેળવી હતી.

મહારાષ્ટ્ર

મહારાષ્ટ્રમાં તાજેતરમાં જ સત્તા હસ્તાંતરણ બાદ શિંદે જૂથના ધારાસભ્ય અને સાંસદ ભાજપની સાથે ચાલી ગયા છે. ઉદ્ધવ ઠાકરેના નેતૃત્વમાં શિવસેનાની પાસે માત્ર 6 સાંસદ બચ્યા છે. આ હિસાબે શિંદે જૂથ અને બીજેપીના સાંસદોની વર્તમાન સંખ્યા 36 છે. જોકે, જો આજે લોકસભા ચૂંટણી થાય છે તો આ સંખ્યા ઘટીને 18 બેઠક પર આવી જશે. બીજેપીની બેઠકમાં સીધીરીતે 50 ટકાનો ઘટાડો આવશે. આને બીજેપી માટે મોટો આંચકો માનવામાં આવી રહ્યો છે.

આ વાતની સંભાવનાઓથી ઈનકાર કરી શકાય નહીં કે આગામી સમયમાં સ્થિતિ ઘણી હદ સુધી બદલાઈ શકે છે. જો સુપ્રીમ કોર્ટ શિંદે જૂથના ધારાસભ્યોને અયોગ્ય ઠેરવતી નથી તો શિવસેના ઉદ્ધવ ઠાકરેના હાથમાંથી નીકળી શકે છે. એવામાં લોકસભા ચૂંટણીના સમીકરણ બદલાઈ જશે.

Read Also

Related posts

મુંબઇમાં રિલાયન્સ ફાઉન્ડેશન હોસ્પિટલને ઉડાવી દેવાની ધમકી, લેન્ડલાઈન નંબર પર આવ્યો કોલ

Hemal Vegda

તેલંગાણા સીએમ કેસીઆરે તેલંગાણા રાષ્ટ્ર સમિતિને બનાવી દીધી ભારત રાષ્ટ્ર સમિતિ, રાષ્ટ્રીય રાજનીતિમાં પ્રવેશનો તખ્તો તૈયાર

HARSHAD PATEL

PM મોદીના શાંતિ આહ્વાન બાદ ઝેલેન્સકી પુતિન સાથે વાતચીત નહીં કરે, શાંતિ પ્રયાસોમાં યોગદાન આપવા માટે ભારતની તૈયારી

pratikshah
GSTV