લોકસભાની ચૂંટણીમાં કોળી સમાજના મત અંકે કરવા ભાજપે ખાસ રણનીતિ ઘડી છે. જે અંતર્ગત માર્ચ મહિનાના પ્રથમ સપ્તાહમાં કોળી સમાજનું મહાસંમેલન યોજાઇ શકે છે. દક્ષિણ ગુજરાતમાં કુંવરજી બાવળીયાની અધ્યક્ષતામાં મહાસંમેલનનું આયોજન કરવામાં આવ્યું છે. જેમાં કોળી સમાજનું શક્તિ પ્રદર્શન કરી દક્ષિણ ગુજરાતની લોકસભાની બેઠકો પર કબ્જો કરવાનો પ્રયાસ ભાજપ દ્વારા કરાશે.
સાફ છે કે કુંવરજી બાવળિયાએ હાલમાં જ જસદણમાં યોજાયેલી ચૂંટણીમાં પોતાનો પરચો બતાવી જંગ જીતી લીધી હતી. કુંવરજી બાવળિયાએ અવસર નાકિયાને માત્ર હરાવ્યા નહોતા, પરંતુ તેમના વિસ્તારમાંથી પણ વધારે મતો મેળવ્યા હતા. જેથી એક વસ્તુ સ્પષ્ટ છે કે કુંવરજી બાવળિયાનું કોળી સમાજમાં પક્ષપલ્ટા બાદ પણ કદ માપસરનું જ રહ્યું છે.
પેટા ચૂંટણીમાં જીતવા માટે કોંગ્રેસે કેન્દ્રના નેતાઓને પણ જસદણમાં મોકલ્યા હતા પરંતુ કુંવરજી સામે તેમની એક પણ નહોતી ચાલી. કુંવરજીના આ કદનો લાભ લેવા માટે અને આગામી લોકસભા ચૂંટણીમાં મતો અંકે કરવા કોળી સમાજને પોતાના પલડામાં ખેંચવું ફરજીયાત છે. જેથી આ જવાબદારી કુંવરજી બાવળિયાને સોંપવામાં આવી છે.
READ ALSO
- કિશોરી 12માં માળેથી નીચે પટકાઈ, Video જોઈને બોલી ઉઠશો… ચમત્કાર
- મનોહર પારિકરની બેઠક પરથી ચૂંટણી લડી શકે છે તેમના જ પૂત્ર
- હોલિવૂડના મહાનાયક અલ પચીનો આજે બર્થ ડે: ગૉડફાધરએ દુનિયાભરમાં તહલકો મચાવ્યો હતો
- અમેઠીમાં સ્મૃતિ ઈરાનીને 5 લાખ મતોથી હરાવવાનું છે લક્ષ્ય, રાહુલ માટે ઘડવામાં આવ્યો છે આ પ્લાન
- અખિલેશ યાદવે ભાજપને આપ્યો નવો અર્થ, હવે ભારતીય જનતા પાર્ટી નહીં પણ…