GSTV
ANDAR NI VAT

રાષ્ટ્રપતિની ચૂંટણી થાય એ પહેલા જ ભાજપે વિપક્ષને પરાજિત કરી દીધો

ભારતીય જનતા પાર્ટીએ સંથાલ જાતિના આદિવાસી નેતા દ્રૌપદી મુર્મુને રાષ્ટ્રપતિપદના ઉમેદવાર ઘોષિત કર્યા છે. તેમના આ પગલાંને માસ્ટર સ્ટ્રોક માનવામાં આવી રહ્યો છે. 2017ની ચૂંટણીમાં ભાજપે અનુસુચિત જાતિમાંથી આવતાં ડો. રામનાથ કોવિંદને રાષ્ટ્રપતિ બનાવ્યા હતા. આ વખતે અનુસુચિત જનજાતિના ઉમેદવારને રાષ્ટ્રપતિપદના ઉમેદવાર બનાવ્યા છે.

ભાજપ અને આરએસએસની છાપ ઉચ્ચ વર્ગના લોકોના સમર્થક હોવાની રહી છે. નરેન્દ્ર મોદીએ અનુસુચિત જાતિના અને અનુસુચિત જનજાતિના ઉમેદવારની રાષ્ટ્રપતિ તરીકે પસંદગી કરીને આ છાપ તોડવાનો પ્રયાસ કર્યો છે. તેની સામે વિપક્ષે જે કોઈ નામ પર વિચારણા કરી તે અને જે નામ જાહેર કર્યું યશવંત સિંહા, તે બધા જ ઉમેદવારો સમાજના ઉચ્ચ વર્ગમાંથી આવે છે. જ્યારે વડાપ્રધાન મોદીએ તેમની અપાર કલ્પના શક્તિનો પરિચય આપ્યો છે અને ચકિત કરી દેવાની પોતાની રણનીતિ જાળવી રાખી છે.

નેશનલ ડેમોક્રેટિક એલાયન્સ પાસે રાષ્ટ્રપતિને ચૂંટવા માટે 48 ટકા મત છે. રાષ્ટ્રપતિને ચૂંટવા માટે કમસેકમ 51 ટકા મત જોઈએ. ઓડિસાના બીજુ જનતાદળ પાસે 3 ટકા મત છે. ભાજપે દ્રૌપદી મુર્મુને રાષ્ટ્રપતિપદના ઉમેદવાર ઘોષિત કરીને બાકીના 3 ટકા મત સુનિશ્ચિત કરી લીધા છે. ઓડિશાના મુખ્યમંત્રી નવીન પટનાયકે પોતાનું સમર્થન જાહેર કરી દીધું છે. તેમણે કહ્યું કે દ્રૌપદી મુર્મુના નામની પસંદગી મને પૂછીને કરવામાં આવી હતી.

સંથાલ જાતિના આદિવાસી મહિલાને રાષ્ટ્રપતિના ઉમેદવાર જાહેર કરીને મોદીએ મમતાને પણ ચેકમેટ કરી દીધા છે. પશ્ચિમ બંગાળમાં પણ મોટી સંખ્યામાં આદિવાસીઓ છે અને તેમાં સૌથી વધારે વસ્તી સંથાલોની છે. મમતા બેનરજીએ તાજેતરમાં સંથાલ આદિવાસી વિસ્તારની યાત્રા કરીને તેમના સામુહિક નૃત્યમાં ભાગ લીધો હતો. આ રીતે તેણે સંકેત આપ્યો હતો કે તેઓ આદિવાસીઓના પ્રબળ સમર્થક છે. હવે તેઓ ક્યા મોઢે દ્રૌપદી મુર્મુનો વિરોધ કરી શકશે? રાષ્ટ્રપતિની ચૂંટણી થાય એ પહેલાં જ ભાજપે વિપક્ષને માત આપી દીધી છે.

READ ALSO

Related posts

કેન્દ્રીય તપાસ એજન્સીઓ મારી સરકાર વિરુદ્ધ કામ કરી રહી છેઃ છત્તીસગઢના મુખ્યમંત્રી ભૂપેશ બઘેલ

Binas Saiyed

યશવંત સિન્હાએ રાષ્ટ્રપતિની ચૂંટણી માટે પી.એમ. મોદી અને રાજનાથસિંહ પાસે માગ્યું સમર્થન

HARSHAD PATEL

ઈડીએ શિવસેનાના ભૂતપૂર્વ ધારાસભ્યની સંપત્તિ ટાંચમાં લીધી

HARSHAD PATEL
GSTV