ગુજરાતની વર્તમાન વિધાનસભા ચૂંટણીમાં ત્રીજા પક્ષ અને વીવીઆઈપી સીટોની ખૂબ ચર્ચા થઈ રહી છે. આવી એક સીટ એટલે ઘાટલોડીયાની વિધાનસભા સીટ. મુખ્યમંત્રી ભુપેન્દ્રભાઈ પટેલ આ સીટ ઉપરથી ભારતીય જનતા પાર્ટીના ઉમેદવાર છે ત્યારે સવાલ એ થાય છે કે શું ફરીથી વધુ એક વખત ભુપેન્દ્ર પટેલ આ સીટ ઉપરથી જીતી શકશે ખરા?
રાજ્યને જે સીટ ઉપરથી બે બે મુખ્યમંત્રી મળ્યા છે એ સીટ ઉપર હાલમાં દરેકની નજર છે. આ સીટ કોણ જીતશે એ બાબત સૌથી વધારે ચર્ચાસ્પદ બની રહી છે. વર્ષ 2017 માં ભુપેન્દ્ર પટેલે કોંગ્રેસના શશીકાંત ભુરાભાઈ ને એક લાખ સતર હજાર મતોથી હરાવ્યાં હતા. અને ત્યારબાદ ભુપેન્દ્ર પટેલ મુખ્યમંત્રી તરીકે પસંદ થયા હતા. છેલ્લા એક વર્ષનું મુખ્યમંત્રીનું શાસન જોતા ભારતીય જનતા પાર્ટીએ વધુ એક વખત ભુપેન્દ્ર પટેલને આ સીટ ઉપરથી જ ચૂંટણી લડાવવાનું નક્કી કર્યું અને ઘાટલોડીયા સીટ ઉપરથી જ મેદાનમાં ઉતાર્યા.
આ વખતે કોંગ્રેસ દ્વારા અમીબેન યાજ્ઞિકને ઘાટલોડિયા સીટ ઉપરથી ચૂંટણી લડવા માટે ઉતારવામાં આવ્યા છે અને આમ આદમી પાર્ટીએ વિજય પટેલને તક આપી છે ત્યારે હવે મુકાબલો ભારે ટક્કર નો બની ગયો છે આથી કોણ જીતશે તે રાજકીય વિશ્લેષકો માટે પણ કહેવું મુશ્કેલ છે. આ ઘાટલોડીયા સીટ બે સીએમ આપ્યા બાદ હાઇ પ્રોફાઈલ સીટ બની ગઈ છે ત્યારે આ સીટ ઉપરથી કોણ જીતે છે તે સૌથી મહત્વનું છે.
READ ALSO
- ઈઝરાયલને ના ગમી ન્યાયતંત્રમાં સુધારો કરવા અંગેની અમેરિકાની આ સલાહ, જાણો સમગ્ર મામલો
- Flightમાં મુસાફરી કરતા પહેલા આ ફુડ્સ ભૂલથી પણ ન ખાઓ, થઈ શકે છે મોટી સમસ્યા
- IPL 2023 / અમદાવાદમાં પ્રથમ મેચ પહેલા ચેન્નઈને ઝટકો, આ ખેલાડી સમગ્ર ટૂર્નામેન્ટમાંથી આઉટ
- રાજકારણ / મોહમ્મદ ફૈઝલને ફરી લોકસભાનું સભ્યપદ અપાતાં રાહુલ પણ ફરી સાંસદ બનશે તેવી આશા જાગી
- Vitamin D Deficiency: વિટામિન ડીની ઉણપને દૂર કરવા માટે પીઓ આ હેલ્ધી ડ્રીંક્સ