GSTV

ક્રિપ્ટોમાં આકરી મંદી પચાવી ભાવ ફરી ઉછળ્યા: બિટકોઈનના ભાવ જોરદાર ઉચકાયા, માર્કેટ કેપ 100 અબજ ડોલર વધ્યું

બિટકોઈન

Last Updated on May 21, 2021 by Bansari

ક્રિપ્ટો કરન્સીની વિશ્વબજારમાં આજે આકરી મંદીના આંચકા પચાવી ભાવ પ્રત્યાઘાતી ફરી ઉછળતા જોવા મળ્યા હતા. વૈશ્વિક ક્રિપ્ટો બજાર બુધવારે 25થી 30 ટકા તૂટયા પછી આજે 17થી 18 ટકાનો પ્રત્યાઘાતી ભાવ ઉછાળો જોવા મળ્યો હોવાનું વિશ્વબજારના સૂત્રોએ જણાવ્યું હતું. નીચા મથાળે બાઈંગ વધ્યું સામે નવી વેચવાલી પણ ધીમી પડયાના નિર્દેશો હતા.

બિટકોઈન

બિટકોઈનના ભાવ સ્પ્રીંગની જેમ 12000 ડોલર ઉછળ્યા

ફેડરલ રિઝર્વ અમેરિકામાં આગળ ઉપર બોન્ડ બાઈંગમાં ઘટાડો કરશે તથા ત્યાં બેરોજગારીના દાવાઓ ઘટયાના નિર્દેશોની પણ બજાર પર આજે અસર વર્તાઈ રહી હતી. અમેરિકામાં જોબલેસ કલેઈમ્સ ઘટી 4 લાખ 44 હજાર આવ્યાના સમાચાર મળ્યા હતા. આના પગલે ત્યાં જોબ માર્કેટ મજબુત બની રહ્યાના સંકેતો મળ્યા હતા.

દરમિયાન, વિશ્વબજારમાં બિટકોઈનના ભાવ જે બુધવારે એક તબક્કેક ગબડીનીચામાં 30200 ડોલર સુધી ઉતરી ગયા હતા તે આજે ઝડપી વધી ઉંચામાં 42585થી 42590 ડોલર સુધી પહોંચી 42005થી 42010 ડોલર રહ્યા હતા. બિટકોઈનમાં બુધવારે 14 મહિનાનું સૌથી મોટું સેલ- ઓફફ જોવા મળ્યું હતું.

બિટકોઈન

નીચા મથાળે બાઈંગ વધી: ઈથેરના ભાવ હજાર ડોલર ઉંચકાયા

દરમિયાન, નીચા મથાળે બાઈંગ વધતાં બિટકોઈનમાં આજે વોલ્યુમ વધી 142થી 143 અબજ ડોલરનું થયું હતું તથા કુલ માર્કેટ કેપીટલાઈઝેશન જે બુધવારે ઘટી 700 અબજ ડોલરની અંદર ઉતરી ગયું હતું તે આજે ફરી વધી 786થી 787 અબજ ડોલર થયાના સમાચાર દરીયાપારથી મળ્યા હતા. દરમિયાન, બિટકોઈનમાં હવે ઉંચામાં 45 હજાર ડોલરની સપાટી મહત્ત્વની પ્રતિકાર સપાટી મનાઈ રહી છે એવું જાણકારોએ જણાવ્યું હતું.

અન્ય ક્રિપ્ટોના ભાવ પણ આજે ઉછળ્યા હતા. ઈથેરના ભાવ જે બુધવારે ગબડી નીચામાં 2000 ડોલરની અંદર જતા રહ્યા હતા તે આજે ઉંચામાં 3000 ડોલર વટાવી 3000થી 3005 થઈ 2920થી 2925 ડોલર રહ્યા હતા. ઈથેરમાં આજે ટ્રેડિંગ વોલ્યુમ વધી 129થી 130 અબજ ડોલર થયું હતું તથા કુલ માર્કેટ- કેપ જે 300 અબજ ડોલરની અંદર ઉતર્યું હતું.

તે આજે ફરી વધી 338થી 339 ડોલર નોંધાયું હતું. ડોજેકોઈનના ભાવ જે નીચામાં 21થી 22 સેન્ટ થયા હતા તે આજે ઉછળી 43થી 44 થઈ 41થી 42 સેન્ટ રહ્યા હતા. ડોજેકોઈનમાં આજે 18થી 19 અબજ ડોલરના સોદા થયા હતા તથા માર્કેટ કેપ ફરી વધી 50 અબજ ડોલર વટાવી 53થી 54 અબજ ડોલર થયાનું જાણકારોએ જણાવ્યું હતું.

Read Also

Related posts

એક બેટા ઐસા ભી / માતા નજીક રહે એટલા માટે મંદિરમાં સ્થાપિત કરી મૂર્તિ, પોતે લખી આરતી: હવે ‘ગીતા કી ક્લાસ’ની તૈયારી

Zainul Ansari

વાયરલ વીડિયો / ‘Bella Ciao’નું દેશી વર્ઝન જીતી ગયું લોકોનું દિલ, સોશિયલ મીડિયા પર વાયરલ થયો વીડિયો

Vishvesh Dave

જાણવા જેવું / UN મહાસભામાં દર વખતે ક્યા દેશના રાષ્ટ્ર પ્રમુખનું હોય છે સૌ પ્રથમ ભાષણ? જાણો તેના પાછળનું કારણ

Zainul Ansari
Do NOT follow this link or you will be banned from the site!