Entertainment

Bigg Boss ફિનાલેમાં સલમાને કર્યુ મોટુ બ્લન્ડર, એક્સ કન્ટેસ્ટન્ટે કર્યો એવો ખુલાસો કે દંગ રહી જશો

બિગબૉસ 12ના વિજેતાની ઘોષણા થઇ ચુકી છે. શ્રીસંત, દીપક ઠાકુર અને દીપિકા કક્કડ વચ્ચે ચાલી રહેલી ફિનાલેની રેસમાં દીપિકા કક્કડ બાજી મારી ગઇ. બિગ બોસ ગ્રાન્ડ ફિનાલેમાં ટોપ -5 દીપિકા કક્કડ, શ્રીસંત, રોમિલ ચૌધરી, દીપક ઠાકુર અને કરનવીર બોહરા પહોંચ્યા હતા. જોકે ફિનાલેની શરૂઆતમાં જ કરનવીર બોહરા એલિમિનેટ થઇ ગયો. એ બાદ રોમિલ ચોધરી ટોપ 2ની રેસમાંથી બહાર થઇ ગયો. બિગ બોસના ફિનાલેમાં જબરદસ્ત ટ્વીસ્ટ આવ્યો જ્યારે ઘરમાં રહેલા લોકોને પૈસા લઇ બહારનો રસ્તો દેખાડવામાં આવ્યો. જેમાં દીપક ઠાકુરે રકમ લઇ અલવિદા કહ્યું. સલમાને પણ દીપકના આ નિર્ણયની તારીફ કરી હતી.

ફિનાલેમાં સલમાને ટૉપ-3 કન્ટેસ્ટન્ટને 20 લાખ રૂપિયા લઇને શૉમાંથી ક્વીટ કરવાનો ઓપ્શન આપ્યો. દીપકે આ રકમ લઇને શૉમાંથી બહાર જવાનો નિર્ણય લીધો. દીપકના બહાર જતાં જ સલમાન ખાને જણાવ્યું કે આ બિગ-બૉસના ઘરમાં સૌથી મોટી એક્ઝિટ અમાઉન્ટ છે. પરંતુ અહીં સલમાન ખાને મોટી ભૂલ કરી દીધી જેનો ખુલાસો એક્સ કન્ટેસ્ટન્ટ પ્રીતમ સિંહે સોશિયલ મીડિયા પર કર્યો.

પ્રીતમે ટ્વિટર પર લખ્યું કે આ મોટી ભૂલ હતી. 25 લાખ રૂપિયા લઇને તો હું શૉમાંથી બહાર આવ્યો હતો. પ્રીતમ સિંહની આ ટ્વિટ ખૂબ જ વાયરલ થઇ રહી છે. જણાવી દઇએ કે પ્રીતમ સિંહે બિગબૉસની 8મી સીઝનમા ભાગ લીધો હતો. દીપકની જેમ તેણે પણ બ્રીફકેસ લઇને ઘરમાંથી બહાર જવાનો નિર્ણય લીધો હતો. તે બાદ ગૌતમ ગુલાટી તે સીઝનનો વિજેતા બન્યો હતો.


પ્રીતમની આ ટ્વીટ પર શ્રીસંતની પત્ની ભુનેશ્વરીએ મજાક કરતાં રિપ્લાય કર્યો કે, આ તો ક્રિએટીવ ટીમની ભૂલ છે. હું આ વાત કરણવીરની પત્ની ટીજે સાથે કરી રહી હતી.

જણાવી દઇએ કે 15 સપ્તાહ સફળતા પૂર્વક પસાર કરીને આખરે દિપીકાના શિરે બિગ બોસનો તાજ આવી ગયો છે. આશ્ચર્યની વાત એ છે કે દીપિકા કક્કરના સિવાય મજબૂત દાવેદાર તરીકે શ્રીસંત પણ હતો, પણ તે જીતી ન શક્યો. શ્રીસંત રનર અપ રહ્યો જ્યારે દીપિકાએ ટ્રોફિ મેળવી લીધી. જેનાથી શ્રીસંતના ફેન્સ નિરાશ પણ થયા હતા કારણ કે શ્રીસંત બિગ બોસમાં જીતનો મોટો દાવેદાર માનવામાં આવી રહ્યો હતો.

Read Also

ADVERTISEMENT
Tags:
GSTVના લેટેસ્ટ News અને Videos માટે લાઈક કરો Youtube Twitter