પંજાબી ગાયક સિદ્ધુ મુસેવાલાની હત્યાના માસ્ટરમાઇન્ડ ગોલ્ડી બરારને કેલિફોર્નિયામાં કસ્ટડીમાં લેવામાં આવ્યો છે. ભારતની ગુપ્તચર એજન્સીઓના સૂત્રો પાસેથી આ માહિતી મળી છે. જો કે કેલિફોર્નિયા તરફથી આ અંગે ભારત સરકારને કોઈ સત્તાવાર માહિતી આપવામાં આવી નથી.
સિદ્ધુ મુસેવાલાની 29 મેના રોજ હત્યા કરવામાં આવી હતી. તેના પર ખુલ્લેઆમ ગોળીઓ ચલાવવામાં આવી હતી જેના કારણે તેનું ઘટનાસ્થળે જ મોત થયું હતું. તેની હત્યાના માસ્ટરમાઈન્ડ ગોલ્ડી બરારે જણાવવામાં આવ્યું હતું, તેણે લોરેન્સ બિશ્નોઈ સાથે મળીને મુસેવાલાની હત્યાનું સમગ્ર આયોજન કર્યું હતું અને પછી તેના શૂટર્સ દ્વારા હત્યાને અંજામ આપ્યો હતો. પોલીસે આ કેસમાં 34 લોકોને આરોપી બનાવ્યા છે.
ગોલ્ડી બરાર પર 16 થી વધુ કેસ
સતીન્દરજીત સિંહ ઉર્ફે ગોલ્ડી બરારને ગેંગસ્ટર લોરેન્સ બિશ્નોઈનો નજીકનો માનવામાં આવે છે. ગયા વર્ષે, પંજાબના ફરીદકોટ જિલ્લાની એક અદાલતે યુવા કોંગ્રેસના નેતા ગુરલાલ સિંહ પહેલવાનની હત્યાના સંબંધમાં ગોલ્ડી બરાર વિરુદ્ધ બિનજામીનપાત્ર ધરપકડ વોરંટ જારી કર્યું હતું. ગોલ્ડી બરાર16થી વધુ ગુનાહિત કેસમાં વોન્ટેડ છે. તે ભારતથી કેનેડા ભાગી ગયો હતો.
રેડ કોર્નર નોટિસ જારી કરવામાં આવી હતી
તાજેતરમાં જ ઈન્ટરપોલે ગોલ્ડી બ્રાર વિરુદ્ધ રેડ કોર્નર નોટિસ જાહેર કરી હતી. ગોલ્ડી બ્રારે કેનેડામાં બેસીને સિદ્ધુ મુસેવાલાને મારવાનું કાવતરું ઘડ્યું હતું. આ કેસમાં દિલ્હીની તિહાર જેલમાં બંધ ગેંગસ્ટર લોરેન્સ બિશ્નોઈની પણ પૂછપરછ કરવામાં આવી રહી છે. ગોલ્ડી બ્રાર લોરેન્સ બિશ્નોઈની નજીક છે. બંને કોલેજકાળથી સાથે છે. ગોલ્ડી બ્રાર પર હત્યા, હત્યાનો પ્રયાસ, ગુનાહિત કાવતરું અને હથિયારોની દાણચોરીનો આરોપ છે.
કોણ છે ગોલ્ડી બરાર?
પંજાબના શ્રી મુક્તસર સાહિબના રહેવાસી સતવિંદર સિંહ ઉર્ફે ગોલ્ડી બરારનો જન્મ 1994માં થયો હતો. તે વર્ષ 2017માં સ્ટુડન્ટ વિઝા પર કેનેડા ગયો હતો. ગોલ્ડીએ બી.એ.ની ડિગ્રી મેળવી છે. પંજાબ પોલીસના ડોઝિયરમાં તેની 5 અલગ-અલગ તસવીરો છે, તસવીરો જોઈને ખ્યાલ આવે છે કે તે પરિસ્થિતિ સાથે પોતાનો દેખાવ બદલી રહ્યો છે. ગોલ્ડી A+ કેટેગરીની ગેંગસ્ટર છે અને તેને કોર્ટ દ્વારા ઘોષિત અપરાધી જાહેર કરવામાં આવ્યો છે.
ગોલ્ડી બરાર વિરુદ્ધ હત્યા, હત્યાનો પ્રયાસ, ખંડણી જેવા ગંભીર કેસ નોંધાયેલા છે, પંજાબમાં ગોલ્ડી વિરુદ્ધ કુલ 16 કેસ નોંધાયેલા છે, જેમાં 4માં તેને નિર્દોષ જાહેર કરવામાં આવ્યો છે. કેનેડા ભાગી જતા પહેલા ગોલ્ડીની ગુનાહિત પ્રવૃત્તિઓ પંજાબના ફિરોઝપુર અને શ્રી મુક્તસર સાહિબમાં ચરમસીમાએ પહોંચી હતી.
READ ALSO
- હિટલર પર વિજયની 80મી જયંતિની ઉજવણી વચ્ચે પુતિન ન્યુક્લિયર સૂટકેસ સાથે દેખાતા અનેક અટકળો
- Adani row/ વીમા પોલીસી ધારકોને ધ્રાસકો, હવે LIC પોલીસી ધારકોના રૂ.૫૫.૦૫૦ કરોડ ધોવાઇ ગયા
- Assamમાં કિશોરી સાથે પરણનારા સામે પોક્સો : 2 હજારની ધરપકડ
- જાણો આજનુ પંચાંગ તા.4-2-2023, શનિવાર
- જાણો તમારું આજનું 04 ફેબ્રુઆરી, 2023નું રાશિ ભવિષ્ય