GSTV
Gujarat Government Advertisement

મોટા સમાચાર: મધ્ય પ્રદેશમાં લાગ્યું 60 કલાકનું લોકડાઉન, શુક્રવાર સાંજના 6 વાગ્યાથી લાગૂ થઈ જશે આ નિયમો

Last Updated on April 8, 2021 by Pravin Makwana

કોરોનાની કપરી પરિસ્થિતીને જોતા મધ્ય પ્રદેશમાં હવે તમામ શહેરી વિસ્તારોમાં 60 કલાકનું લોકડાઉન રહેશે. આ લોકડાઉન શુક્રવાર સાંજના 6 વાગ્યાથી શરૂ થઈને સોમવારે સવારે 6 કલાકે ખતમ થશે. સીએમ શિવરાજ સિંહે ભોપાલમાં થયેલી બેઠકમાં આ પ્રકારનો નિર્ણય લીધો હતો. પ્રદેશમાં તમામ શહેરોમાં શનિવાર અને રવિવારે બે દિવસનું લોકડાઉન રહેશે.

સમગ્ર મધ્ય પ્રદેશમાં શુક્રવાર સાંજના 6 વાગ્યાથી લોકડાઉન શરૂ થઈ જશે. શનિવાર, રવિવારથી લઈને સોમવારે સવારે 6 વાગ્યા સુધી રહેશે. સીએમ શિવરાજે કહ્યુ હતું કે, મોટા ભાગના વિસ્તારોને કન્ટેન્ટમેન્ટ ઝોનમાં લાવી રહ્યા છીએ. તેને પણ બંધ કરવામાં આવશે. મારી ઈચ્છા તો ક્યારેય લોકડાઉન લગાવાની છે જ નહીં.

મધ્ય પ્રદેશમાં લોકડાઉન

મધ્ય પ્રદેશના શિવપુરીમાં રવિવારે લોકડાઉનની જાહેરાત કરવામાં આવી છે. પ્રદેશમાં 24 કલાકમાં રેકોર્ડ 4043 નવા કેસ આવ્યા છે. જ્યારે 13 લોકોના મોત પણ થયા છે. ભોપાલ, ઈન્દોર, જબલપુર અને ગ્વાલિયરમાં હાલત બેકાબૂ છે. રાજ્યમાં છેલ્લા એક મહિનામાં એક્ટિવ કેસીસમાં 7 ટકાનો વધારો થયો છે. મધ્ય પ્રદેશ સરકારે છત્તીસગઢમાં આવતી જતી બસો પર 15 એપ્રિલ સુધી પ્રતિબંધ લગાવ્યો છે.

દેશમાં કોરોનાનો અજગર ભરડો

દેશ કોરોનાની બીજી લહેરના અજગર ભરડામાં સપડાઈ રહ્યો છે. દેશમાં છેલ્લા ૨૪ કલાકમાં અત્યાર સુધીમાં સૌથી વધુ ૧.૨૦ લાખ નવા કેસ સામે આવ્યા છે. કોરોના મહામારીની શરૂઆતથી અત્યાર સુધીમાં એક દિવસમાં કોરોનાના આ સૌથી વધુ કેસ છે. આ સાથે કોરોનાના કુલ કેસ ૧.૨૮ કરોડને પાર થઈ ગયા છે. દેશમાં છેલ્લા ચાર દિવસમાં ત્રીજી વખત એક દિવસમાં કોરોનાના કેસ એક લાખથી વધુ નોંધાયા છે. કોરોનાના કેરને પગલે છત્તિસગઢના રાયપુરમાં ૧૧ દિવસનું સંપૂર્ણ લોકડાઉન લાદી દેવાયું છે તો દિલ્હી સહિત અનેક રાજ્યોએ કોરોના પર કાબૂ મેળવવા લૉકડાઉન, નાઈટ કરફ્યૂ, વીકએન્ડ લૉકડાઉન જેવા આકરા પ્રતિબંધો મૂક્યા છે. દેશમાં કોરોનાની સ્થિતિ મુદ્દે વડાપ્રધાન મોદી ગુરુવારે બધા રાજ્યોના મુખ્યમંત્રીઓ સાથે બેઠક યોજશે.

READ ALSO

Gujarat Government Advertisement

Related posts

ચોંકાવનારી ઘટના / આ રાજ્યના એરપોર્ટ પર 300 મુસાફરો કોરોના ટેસ્ટ વિના જ થઇ ગયા રફુચક્કર

Dhruv Brahmbhatt

એલર્ટ / દેશમાં સર્જાઇ શકે ઇટલી જેવી સ્થિતિ, આ તારીખથી રોજના નોંધાઇ શકે છે કોરોનાના 33થી 35 લાખ કેસ

Dhruv Brahmbhatt

આણંદમાં કોરોના સંક્રમણ બેકાબુ / વધુ એક MLA કોરોના પોઝિટિવ આવતા થયા હોમ આઇસોલેટ

Dhruv Brahmbhatt
Do NOT follow this link or you will be banned from the site!