GSTV
Home » News » પાલીતાણાના પાંચપીપળા ગામે આંગણવાડીની સામે ગંદકીના ઢગ

પાલીતાણાના પાંચપીપળા ગામે આંગણવાડીની સામે ગંદકીના ઢગ

એક બાજુ સરકાર દ્વારા લાખો કરોડોના ખર્ચે સ્વચ્છ ગુજરાત, ભણશે ગુજરાત જેવી જાહેરાતો કરવામાં આવે છે પણ આવી જાહેરાતોની વાસ્તવિકતા કંઈક અલગ જ છે. અનેક જગ્યાએ ગંદકીના ઢગ ખડકાયેલા છે. પાલીતાણા તાલુકાના પાંચપીપળા ગામે આંગણવાડીની સામે ગંદકી ફેલાઈ રહી છે. અને પંચાયત પાસે ગંદકી દૂર કરવામાં કોઈ રસ નથી. ત્યારે બાળકોમાં રોગચાળો ફેલાય તેવી ભીતી સેવાઈ રહી છે.

આંગણવાડીમાં ભાવિ ઘડવા આવતા આ બાળકોનું સ્વાસ્થ્ય કથળશે તેવી ભીતી હોવા છતાં વાલીઓ મજબૂર બન્યાં છે. આ વાત છે પાલિતાણામાં આવેલી પાંચપીપળા આંગણવાડીની. આ આંગણવાડીની બહાર જ ભયંકર ગંદકી છે. અને તેને કારણે માખી મચ્છરોનો ઉપદ્રવ ફેલાયો છે. રાજ્ય સરકારે સ્વચ્છતા અભિયાન અને ભણશે ગુજરાતના સૂત્રો આપ્યા છે. પણ તેનો કેવો અમલ થાય છે તે આ દ્રશ્યો જ બોલે છે.

છેલ્લાં ૧૫ દિવસ થી ગટરની લાઈન ચોકઅપ થઈ જવાથી ગટરના પાણી ઉભરાઈ રહ્યા છે. પણ નાણાના અભાવે ગ્રામ પંચાયત સાફસફાઈ કરવતી નથી. તેથી ગંદકી વધી રહી છે.

ગટર લાઈન રીપેરીંગ કરવાના નાણા ન હોવાથી લોકોને સ્વખર્ચે સાફસફાઈ કરાવી દો તેવું સરપંચે કહ્યું હોવાનો ગ્રામજનોનો આક્ષેપ છે.

 

Related posts

‘Street Dancer 3D’ Movie Review: ડાન્સ લવર્સ માટે ટ્રીટ પરંતુ…ટિકિટ બુક કરતાં પહેલાં વાંચી લો રિવ્યુ

Bansari

કેતનના ‘કોપ’ શમન બાદ ભાજપને મધુનો ‘ડંખ’ : અધિકારીને લાફા મારવાની ચીમકી ઉચ્ચારી

Mayur

મધુભાઈ શ્રીવાસ્તવ નારાજ થતાં જાણો મંત્રી કૌશિકભાઈએ શું કર્યો ખુલાસો

Mayur
Do NOT follow this link or you will be banned from the site!