ડ્રગ્સ કેસમાં ધરપકડ કરાયેલી કોમેડિયન ભારતી સિંહ અને તેના પતિ હર્ષ લિંબાચિયાની જામીન અરજીની આજે એનડીપીએસ કોર્ટમાં સુનાવણી થવાની હતી. પરંતુ સરકારી વકીલ અતુલ સરપાંડે સેશન્સ કોર્ટની બે અલગ અલગ સુનાવણીમાં વ્યસ્ત છે. જેના કારણે તેઓ NCBનો પક્ષ રજૂ કરી શકશે નહીં. જો કે NCBના અધિકારીઓ ભારતી અને હર્ષની અરજીની મંગળવારે સુનાવણી માટે કોર્ટમાં અપીલ કરશે.
જો એનસીપીએસ કોર્ટે NCBની વાતને ધ્યાનમાં લેતા મંગળવારે આ મામલે સુનાવણી કરવાનો નિર્ણય લે, તો હર્ષ અને ભારતીને વધુ એક રાત જેલમાં પસાર કરવી પડશે. એટલે કે, ભારતી અને હર્ષની જામીન અરજી પર મંગળવારે (24 નવેમ્બર) સુનાવણી થશે. અગાઉ બંનેને રવિવારે કોર્ટમાં રજૂ કરવામાં આવ્યા હતા, જ્યાં બંનેને 14 દિવસની ન્યાયિક કસ્ટડીમાં મોકલવામાં આવ્યા છે.
NCB રજૂ કરશે તેનો પક્ષ
અતુલ સરપાંડેએ આ અંગે જણાવ્યું હતું કે આજે તેઓ સેશન્સ કોર્ટમાં બે અલગ અલગ કેસની સુનાવણીમાં વ્યસ્ત છે, તેથી ભારતી સિંહ અને હર્ષ લિંબાચિયા જામીન કેસની સુનાવણીમાં હાજરી આપી શકશે નહીં. જો કે, NCB આજે એનડીપીએસ કોર્ટમાં પોતાનો પક્ષ રજૂ કરશે અને સુનાવણી માટે આવતી કાલ, એટલે કે મંગળવારનો સમય માંગશે.
ભારતી અને હર્ષને અલગ જેલમાં રખાયા
ભારતી સિંહને બાયકુલા જેલમાં લાવવામાં આવી હતી જ્યાં તે 4 ડિસેમ્બર સુધી રહેશે. તે જ સમયે, તેમના પતિ હર્ષ લિંબિચિયા તલોજા જેલમાં રહેશે. જ્યુડિશિયલ કસ્ટડીમાં મોકલ્યા બાદ તરત જ બંનેએ એડવોકેટ અયાઝ ખાન મારફત જામીન અરજી કરી હતી, જેની સુનાવણી આજે થવાની હતી. આ દરમિયાન NCBના વકીલ અતુલ સરપાંડેએ મીડિયાને સમગ્ર ઘટનાક્રમ વિશે જણાવ્યું હતું.
દરોડામાં 86.5 ગ્રામ ગાંજો મળી આવ્યો
ભારતી અને હર્ષની સાથે બે ડ્રગ પેડલર્સને પણ કોર્ટમાં રજૂ કરવામાં આવ્યા હતા. આ ડ્રગ્સ પેડલર્સને પોલીસ કસ્ટડીમાં રાખવાનો નિર્ણય આપવામાં આવ્યો છે. જણાવી દઇએ કે શનિવારે NCBએ ભારતી સિંહની ઑફિસ અને ઘર પર દરોડા પાડ્યા હતા. આ દરોડામાં 86.5 ગ્રામ ગાંજો મળી આવ્યો હતો. આ પછી બંનેને પૂછપરછ માટે NCB ઑફિસમાં બોલાવાયા હતા. બંનેની જુદા જુદા રૂમમાં બેસાડીને પૂછપરછ કરવામાં આવી હતી. સાડા ત્રણ કલાકની પૂછપરછ બાદ ભારતીની ધરપકડ કરવામાં આવી હતી.
Read Also
- જામનગર/ દસ કરોડની છેતરપીંડી અને વિશ્વાસઘાતની ફરિયાદ, પરત પૈસા ન આપતા મામલો વકર્યો
- રોકાણ/ શું તમે પણ કરવા માગો છો શેર માર્કેટમાંથી તગડી કમાણી, સ્ટેપ બાય સ્ટેપ જાણો શું છે આખી પ્રોસેસ
- આ તારીખ સુધીમાં દેશના તમામ નાગરિકો પાસે હશે પોતાનું ઘર, અમિત શાહે કરી મોટી જાહેરાત
- India Vs England: ભારતીય ટીમને લાગ્યો મોટો ઝાટકો, ઓલરાઉન્ડર રવિન્દ્ર જાડેજા ઈંગ્લેન્ડ સામેની ટેસ્ટ સીરિઝમાંથી થયો બહાર
- ભાજપ દ્વારા નવા પ્રદેશ પાર્લામેન્ટ્રી બોર્ડની જાહેરાત: આ 13 નેતાઓને મળ્યું સ્થાન, વાઘાણી કપાયા
