GSTV
Home » News » મોહન ભાગવત દ્વારા અનામત અંગે આ નિવેદન આપ્યા બાદ હોબાળો

મોહન ભાગવત દ્વારા અનામત અંગે આ નિવેદન આપ્યા બાદ હોબાળો

અનામત અંગે આરએસએસના વડા મોહન ભાગવતે કરેલી ટીપ્પણી અંગે  ઊભા થયેલા વિવાદને દબાવી દેવા સંઘ તરફથી એવો ખુલાસો કરાયો હતો કે તેમના નિવેદન પરની ચર્ચા નકામી છે અને સઘ હમેંશા અનામતની તરફેણમાં જ રહ્યું હતું.આવા સંવેદનશીલ મુદ્દાને  સમાજની અંદર જ સૌહાર્દપૂર્ણ માહોલમાં આપસી વાતચીત દ્વારા  ઉકેલવો જોઇએ. 

સંઘના પ્રચાર પ્રમુખ  અરૂણ કુમારે ટ્વિટ કરીને કહ્યું હતું કે  તેમના સંગઠને  અનેક વાર સ્પષ્ટતા કરી હતી કે સંઘ હમેંશા દલિતો, આર્થિક નબળા લોકો, અનુસુચિત જનજાતી અને આર્થિક રીતે નબળા લોકોને અનામતના લાભને ટેકો આપે જ છે.’

દિલ્હીમાં એક કાર્યક્રમમાં મોહન ભાગવતે કરેલા સંબોધન અંગે બિન જરૂરી વિવાદ ઊભો કરાયો હતો. તેમણે તો માત્ર એટલું જ કહ્યું હતું કે આવા સંવેદનશીલ મુદ્દાનો ઉકેલ આપસી ચર્ચા દ્વારા જ લાવી શકાય છે અને અનામતનો મદ્દો પણ એવા જ માહોલમાં ચર્ચાવો જોઇએ’એમ તેમણે કહ્યું હતું.

મોહન ભાગવતે રવિવારે કહ્યું હતું કે અનામતની તરફેણ કરનારાઓ અને તેના વિરોધી વચ્ચે મૈત્રિભર્યા વાતાવરણમાં ચર્ચા થવી જોઇએ. કોંગ્રેસ અને બસપા જેવા પક્ષોએ આ નિવેદન પર ભાજપ અને સંઘ પરિવારની ભારે વખોડણી કરી હતી. કોંગ્રેસના પ્રવકતા રણદીપ સુરજેવાલાએ કહ્યું હતું કે ભાગવતની ટીપ્પણી સંઘ પરિવાર દલિત  અને અનામત વિરોધી છે એ વાતની પુષ્ટી કરે છે. ભાજપ અને સંઘનો આ જ અસલી ચહેરો છે. 

સંઘ અને ભાજપ બંને દલિત વિરોધી : કોંગ્રેસ

સંઘ પ્રમુખ મોહન ભાગવતે અનામત અંગે આપેલા નિવેદન બાદ રાજકિય ચર્ચા અને વિવાદ ઉભો થયો છે. ભાગવતે આપેલા નિવેદનના જવાબમાં કોંગ્રેસે સંઘ અને ભાજપ બંને દલિત વિરોધી છો તોવા આક્ષેપો લગાવ્યા છે.

વધુમાં કોંગ્રેસે જણાવ્યું છે કે અનામત અને બંધારણ તેના નિશાના પર છે. કોંગ્રેસના પ્રવક્તા પવન ખેડાએ જણાવ્યુ છે કે ભાજપ અને સંઘની આદત છે કે આવા નિવેદનો વડે સતત વિવાદ ઉભા કરે છે, જેથી જે મૂળ પ્રશ્નો છે તે પરથી જનતાનું ધ્યાન ડાયવર્ટ થઇ જાય.

તો કોંગ્રેસના વરિષ્ઠ નેતા પુનિયાએ આરેપ લગાવતા જણાવ્યું છે  કે ભાજપ જ્યારે પણ સત્તા પર આવી છે ત્યારે તેણે બંધારણમાં ફેરફાર કરવાના પ્રયત્નો કર્યા છે. મોહન ભાગવતનું નિવેદન ભાજપ અને સંઘની માનસિકતા બતાવે છે, જે દલિત અને ઓબીસી વિરોધી જ છે. આ નિવેદન પહેલાથી જ પ્લાન હતું. આ લોકો દલિત અને ઓબીસી વર્ગના લોકોને મળતા લાભને બંધ કરવા માંગે છે.

Read Also

Related posts

અર્થવ્યવસ્થાને પુન:જીવિત કરવાનાં સરકારનાં પગલાથી કાંઇ વળ્યું નથી, 70 હજાર કરોડનું પેકેજ અપુરતું

Riyaz Parmar

9 નવેમ્બરે થશે કરતારપુર કોરિડોરનું ઉદ્ધાટન, દરરોજ 5 હજાર શ્રદ્ધાળુઓ કરશે દર્શન

Riyaz Parmar

મલાલા બોલી પાકિસ્તાનને આપી દો કાશ્મિર, ભારતિય ખેલાડીએ કહ્યું- પહેલા તમે તો પાકિસ્તાન જઈને બતાવો

Kaushik Bavishi
Do NOT follow this link or you will be banned from the site!