ટીવી પરના સૌથી લોકપ્રિય શો ભાભીજી ઘર પે હૈ ના શૂટિંગનો પ્રારંભ થઈ ગયો છે. તમામ કલાકારો હવે કેમેરાની સામે આવીને સજ્જ થઈ ગયા છે. અંગૂરી ભાભી નવેસરથી શૂટિંગ શરૂ કરવા માટે રોમાંચિત છે. આ રોલ અદા કરનારી કલાકાર શુભાંગી અત્રે કહે છે કે અપેક્ષા કરતાં આ બ્રેક ઘણો લાંબો હતો. જોકે આ બ્રેકને કારણે હું ડાન્સિંગનો મારો શોખ પૂરો કરી શકી અને સાથે સાથે મેડિટેશન માટે પણ મને સમય મળી રહ્યો હતો.
શુભાંગીએ જણાવ્યું હતું કે સેટ પર પરત ફરવા બદલ હું ઉત્સાહિત છું હવે નવા એપિસોડ આવે તેની હું રાહ જોઈ રહી છું. અગાઉ અમારો સેટ લોકોથી છલકાતો રહેતો હતો તેને બદલે હમે મર્યાદિત લોકો જ સેટ પર હશે. જેને કારણે અમારી મોર્ડન કોલોની અલગ જ દેખાય છે.
સેટ પર પહોંચતાની સાથે જ અમારી સ્ક્રીનિંગ કરવામાં આવી અને ગણેશજીની આરતી સાથે કાર્યનો પ્રારંભ થયો. અમે માસ્ક પહેરીને રિહર્સલ કર્યું હતું. સેટની નજીક હોવાથી હું તૈયાર થઈને જ ત્યાં પહોંચી હતી. અમે તમામે લંચ માટે અલગ અલગ સમયે બ્રેક લીધા હતા. આ અનુભવ અલગ હતો પરંતુ ધીમે ધીમે અમને તેની આદત પડી જશે.
આ જ શોમાં વિભૂતી નારાયણની ભૂમિકા અદા કરી રહેલા આસિફ શેખે જણાવ્યું હતું કે આટલા સમય બાદ પરત ફરતા આનંદ થાય છે.
સોશિયલ ડિસ્ટન્સિંગનું પાલન કરીને અમે બધાએ દૂરથી જ હેલ્લો અને નમસ્તે કર્યું હતું. અમને તમામને માસ્ક સાથે જ કેમેરાની સામે આવવાનું કહેવામાં આવ્યું હતું.
Read Also
- સસ્પેન્ડેડ DSP દેવિંદર સિંહ સહિત છ પર ચાર્જશિટ, સંવેદનશીલ માહિતી મેળવી રહ્યા હતા પાક.અધિકારીઓ
- અમદાવાદના જમાલપુર વિસ્તારમાં હેલ્થકેરમાં નોકરી કરતી યુવતીએ કર્યો આપઘાત
- છેલ્લા 24 કલાકમાં દેશમાં આવ્યા નવા 23 હજારથી વધુ કેસ, મૃત્યાંક પહોંચશે 20 હજારની નજીક
- અમદાવાદમાં કરણી સેનાના અધ્યક્ષ રાજ શેખાવતની પોલીસે કરી અટકાયત
- અનલોક પાર્ટ-2 શરૂ થતા જ દારૂની ખેપ વધી, રાજસ્થાનથી ઓટો રિક્ષામાં દારૂ લાવતા બે વ્યક્તિની ધરપકડ