GSTV
Gujarat Government Advertisement

વડોદરામાં જોરદાર વરસાદ: 10 કલાકમાં જ 5 ઇંચ વરસાદ વરસતા આ વિસ્તારોમાં જળબંબાકારની સ્થિતિ

વરસાદ

Last Updated on August 31, 2020 by Bansari

વડોદરા શહેરમાં હાલ ચોમાસાની ઋતુમાં પ્રથમ વખત વરસાદે ધમાકેદાર બેટિંગ કરી છે. આજે વહેલી સવારથી જોરદાર વરસાદ વરસતા શહેરમાં ઠેર ઠેર પાણી ભરાઇ ગયા હતાં. વડોદરા શહેરમાં સવારે છ વાગ્યાથી સાંજે ચાર વાગ્યા સુધી માત્ર ૧૦ કલાકમાં ૫ ઇંચ વરસાદ નોંધાયો હતો.

વડોદરામાં અવિરત વરસાદ

ઉલ્લેખનીય છે કે હવામાન ખાતાની આગાહી મુજબ શુક્રવારની રાતથી વરસાદ વરસી રહ્યો છે. શનિવારે પણ દિવસ-રાત શહેરમાં ભારે વરસાદ વરસ્યો હતો અને રવિવારે બપોરે ૧૨ વાગ્યા સુધી નોન સ્ટોપ વરસાદ વરસ્યો હતો જેના પગલે રવિવારે જનજીવન પણ પ્રભાવિત થયું હતું.

મેઘ

આ વિસ્તારોમાં જળબંબાકાર

વડોદરામાં રવિવારે દિવસ દરમિયાન ભારે વરસાદ નોંધાયો હતો જેના કારણે શહેરના ચાર દરવાજા વિસ્તાર, દાંડિયાબજાર, રાવપુરા, વાઘોડિયારોડ, આજવારોડ, માંજલપુર, મકરપુરા, ગોરવા, ગોત્રી સહિતના નીચાણવાળા વિસ્તારોમાં પાણી ભરાઇ ગયા હતાં. કેટલીક સોસાયટીઓમાં લોકોના ઘરોમાં પણ પાણી પ્રવેશ્યા હતાં.

પૂર નિયંત્રણ કક્ષના જણાવ્યા મુજબ વડોદરામાં સવારે છ વાગ્યાથી ૧૦ વાગ્યા સુધી ૬૫ મીમી વરસાદ નોંધાયો હતો જ્યારે બપોરે ૧૨ વાગે ૧૦૭, ૨ વાગે ૧૧૩ અને ૪ વાગે ૧૨૧ મીમી વરસાદ થયો હતો. વડોદરા શહેરમાં ઋતુનો ૧૦૬ ટકા વરસાદ નોંધાયો છે.. વડોદરા શહેર ઉપરાંત જિલ્લામાં પણ ભારે વરસાદ પડયો હતો. પાદરા તાલુકામાં ૩ ઇંચ તેમજ સાવલી તાલુકામાં ૧.૫ ઇંચ વરસાદ નોંધાયો હતો. ભારે વરસાદના કારણે તેમજ ડેમોમાંથી પાણી છોડવામાં આવતા નદી અને સરોવરોની સપાટીમાં પણ ફરી વધારો થયો છેે.

Read Also

Gujarat Government Advertisement

Related posts

વિદ્યાર્થીઓ માટે ખુશખબર / કોલેજમાં પસંદગીના વિષય તરીકે UGCએ NCC લેવાની મંજૂરી આપી

Dhruv Brahmbhatt

મહત્વનું/ હાઈકોર્ટની ફટકાર બાદ મોડે મોડે રૂપાણી સરકાર જાગી, RT-PCR રિપોર્ટ વગર પણ દર્દીઓ થશે દાખલ

pratik shah

વાહ રે સરકાર/ કોરોના વેક્સિનની અછત વચ્ચે મોદીની રાજ્યોને અપીલ કે વેક્સિનેશનની ગતિ ધીમી ના પડે, પહેલાં વેક્સિન તો આપો

Dhruv Brahmbhatt
Do NOT follow this link or you will be banned from the site!