Last Updated on June 29, 2020 by Bansari
વડોદરામાં વિતેલા ૨૪ કલાક દરમિયાન ૩ કોરોના પોઝિટિવ દર્દીઓના મોત થયા છે જેમાં નિવૃત્ત મામલતદાર અને આઇપીસીએલના નિવૃત્ત કર્મચારીનો સમાવેશ થાય છે. જ્યારે કોરોનાના ૪૪ પોઝિટિવ કેસ પણ નોંધાયા છે.શહેરના ડભોઇ-વાઘોડિયારિંગ રોડ પર ભારત પેટ્રોલપંપ પાછળ વિનાયક હાઇટ્સમાં રહેતા ૬૮ વર્ષના રાજેન્દ્રભાઇ કનૈયાલાલ પારેખ છોટાઉદેપુરથી મામલતદાર તરીકે નિવૃત્ત થયા હતા અને નિવૃત્ત જીવન ગાળી રહ્યા હતા દરમિયાન ગત શનિવારે તેમને કિડની ઇન્ફેક્શન અને ન્યુમોનિયાની સમસ્યા સાથે ખાનગી હોસ્પિટલમાં દાખલ કરાયા હતા જ્યાં તેમનો કોરોના રિપોર્ટ પોઝિટિવ આવ્યો હતો અને આજે સારવાર દરમિયાન તેમનું મોત થયુ હતું.
કુલ પોઝિટિવ કેસની સંખ્યા 2178
તો આઇપીસીએલમાંથી નિવૃત્ત થયેલા અને હરણીરોડ પર વૃંદાવન ટાઉનશીપ સામે નાગેશ્વર સોસાયટીમાં રહેતા જયેન્દ્રકુમાર દશરથલાલા શાહને ગત તા.૧૬મી તારીખે ખાનગી હોસ્પિટલમાં દાખલ કરાયા હતા જ્યાં બીજા દિવસે તેમનો કોરોના રિપોર્ટ પોઝિટિવ આવ્યો હતો અને આજે સારવાર દરમિયાન તેમનું મોત થયુ હતું. ઉલ્લેખનિય છે કે આ અગાઉ પણ નાગેશ્વર સોસાયટીમાં એક કોરોના પોઝિટિવ દર્દીનું મોત થઇ ચુક્યુ છે.
જ્યારે શહેરના ઘડિયાળીપોળ વિસ્તારમાં કુબેરભાઇચંદની પોળમાં રહેતા ૮૫ વર્ષના ઊર્મિલાબેન કૃષ્ણલાલ પરીખની તબિયત લથડતા તેમને ખાનગી હોસ્પિટલમાં દાખલ કરાયા હતા જ્યાં તેમનો રિપોર્ટ પોઝિટિવ આવ્યો હતો અને સારવાર દરમિયાન આજે તેમનું મોત થયુ હતું.
આજના ૪૪ મળીને શહેરમાં કુલ પોઝિટિવ કેસની સંખ્યા ૨૧૭૮ થઇ છે જે પૈકી ૧૭૦ના મોત થઇ ચુક્યા છે તો ૧૫૦૯ને ડિસ્ચાર્જ અપાઇ ચુક્યો છે. હાલમાં ૪૯૯ કોરોના પોઝિટિવ દર્દીઓ સારવાર હેઠળ છે જેમાંથી ૧૬૫ની હાલત ગંભીર હોવાનું જાણવા મળે છે.
Read Also
- ડીસાના ટેકરા ભીલવાસમાં યુવક પર શખ્સે કર્યુ ફાયરિંગ, પોલીસે ગણતરીના કલાકોમાં ઝડપી પાડ્યો આરોપીને
- જાણવા જેવુ / એન-95 માસ્કનો કેવી રીતે કરવો ઉપયોગ? કેમ તેનો ઉપયોગ કરતા પહેલા કરવું પડે સેનિટાઇઝ ?
- દિલ્હી રમખાણ કેસ મામલે પહેલી સજા, લૂંટ અને આગજનીના ગુનેગારને 5 વર્ષની જેલની સજા ફટકારી
- BJPમાં એડમિશન/ કોંગ્રેસની પોસ્ટર ગર્લ કોંગ્રેસને પડતી મુકી ભાજપમાં જોડાઈ ગઈ, મુલાયમના સગા પણ ભાજપમાં જોડાયા
- કોરોનાએ 8 મહિનાનો રેકોર્ડ તોડયો : 24 કલાકમાં 3.17 લાખથી વધુ કેસ : દૈનિક મૃત્યુ દર 350થી ઉપર