કેન્દ્ર સરકાર દ્વારા ગુજરાત સહિત દેશભરની સરકારી બેન્કોના ખાનગીકરણની નીતિને રોક લગાવવા, નવી પેન્શન યોજના નાબૂદ કરી જૂની પેન્શન યોજના શરૃ કરવા સહિતના પડતર પ્રશ્નોના ઉકેલની માગણી સાથે આગામી ૨૮ અને ૨૯ માર્ચના રોજ ગુજરાતની બેન્કોના કર્મચારીઓ હડતાલ પાડશે. આ બે દિવસીય બેન્ક હડતાળમાં ગુજરાતના ૨૦,૦૦૦ કર્મચારીઓ જોડાશે.
ગુજરાતમાં આ દિવસોએ બેન્ક રહેશે બંધ
બેન્ક કર્મચારીઓએ આગામી ૨૮ અને ૨૯ માર્ચ એમ બે દિવસીય હડતાળ છેડી છે. ત્યારે ૨૬ માર્ચના ચોથો શનિવાર અને ૨૭ માર્ચના રોજ રવિવારની જાહેર રજા હોવાથી સળંગ ચાર દિવસ સુધી બેન્કો બંધ રહેશે. એટલે કે, મિની વેકેશન જેવી સ્થિતિ સર્જાવાના કારણે બેન્ક ખાતેદારોને નાણાંકીય વિનિમયમાં મૂશ્કેલી વેઠવી પડશે. તેવી જ રીતે, મોટાભાગની બેન્કોના એટીએમ સેન્ટર તળિયાઝાટક થઈ જવાની શક્યતાને નકારી શકાતી નથી.
હડતાળના મુખ્ય કારણો
- કેન્દ્ર સરકાર દ્વારા બેન્કોનું ખાનગીકરણ અટકાવવું
- નવી પેન્શન યોજના રદ કરી જૂની પેન્શન યોજના ચાલુ કરો
- બેન્ક ઉદ્યોગમાં બાકી દેવાદારોની બિનઉત્પાદક અસ્ક્યામતોની પુરેપુરી વસુલી કરવી, હેરકટના નામે પ ટકાથી ૯૫ ટકા – સુધીની રકમ વસુલાત વખતે જતી ન કરવી
- બાકી દેવાની માંડવાળ કરવી નહીં
- મજૂર કાયદામાં સુધારો કરવા સરકાર વિચારે છે તે સુધારા રદ કરવા
- ભાવવધારા પર અંકુશ લાવવો
- ૨૦૧૪ ના ભાવ પાછા લાવવા
READ ALSO:
- વલસાડ / સરકારી જમીન પર કબ્જાની ફરિયાદ કરનાર પર હુમલો કરનારા 15 લોકો સામે નોંધાયો રાયોટીંગનો ગુનો, જાણો શું છે મામલો
- પંજાબ / મુખ્યમંત્રી માન સહિત એક મંત્રી પર માનહાનિનો કેસ, જાણો શું છે સમગ્ર મામલો
- નડિયાદ / સ્કૂલમાં વિધર્મી વિદ્યાર્થીઓએ ગરબામાં ઘુસી શાંતિ ડહોળવાનો કર્યો પ્રયાસ, પ્રિન્સિપાલ અને વિધર્મી શિક્ષકને સસ્પેન્ડ કરવાની માંગ
- રાજસ્થાન / ગેહલોત-પાયલોટના ઘમાસાણ વચ્ચે પીએમ મોદીએ મોડા પડવા બદલ માફી માંગી, ‘હું ફરી આવીશ’
- ગાંધીનગર / કાલોલ અડાલજ હાઇવે પર હિટ એન્ડ રનની ઘટના, વાહનની અડફેટે એક યુવાનનું મોત, એક ગંભીર