બનાસકાંઠા પંથકમાં તીડ પર કંટ્રોલ મેળવી લેવામાં આવ્યો છે. જેને લઈને ખેડૂતોની ચિંતામાં ઘટાડો થયો છે. જે ગામમાં તીડે પાકનો સફાયો કર્યો છે તે ગામના તલાટી દ્વારા પાક નુકસાનીનો સર્વે હાથ ધરવામાં આવશે. તલાટી ગામમાં થયેલા નુક્સાનીના ખેડૂતોની યાદી બનાવશે અને એ યાદીને આધારે ગ્રામસેવકો ખેતરમાં સર્વે કરશે. ત્યારબાદ ગ્રામ પંચાયત સર્વેનો રિપોર્ટ ખેતીવાડી વિભાગને મોકલશે. અને ખેતીવાડી વિભાગ સર્વેનો રિપોર્ટ સરકારને મોકલશે.
ઉલ્લેખનીય છે કે 11 તાલુકાનાં 110 જેટલા ગામોમાં તીડે આતંક મચાવ્યો હતો. અંદાજે 6 હજાર હેક્ટર જમીનમાં તીડનાં લીધે નુકશાન થયું છે. તીડનાં આક્રમણને પહોંચી વળવા માટે કેન્દ્ર અને રાજ્ય સરકારની 45 ટીમો, સ્થાનિક 100 ટ્રેક્ટર અને 2 ફાયર બ્રિગેડથી 15 દિવસ સુધી દવા છંટકાવની કામગીરી ચલાવવામાં આવી હતી. તંત્રનો દાવો છે કે, તીડ પર સંપૂર્ણ નિયંત્રણ મેળવી લેવામાં આવ્યું છે. જેના કારણે ખેડૂતોએ રાહતનો શ્વાસ લીધો છે.
READ ALSO
- ભારત અને ચીન વચ્ચે વધી રહેલા તણાવ વચ્ચે અમેરિકાના વિદેશ મંત્રીનું આવ્યું મોટું નિવેદન
- અમેરિકામાં સતત છઠ્ઠા દિવસે પણ હિંસા ચાલું, અત્યાર સુધીમાં 4,100 લોકોની ધરપકડ
- હવામાન વિભાગે ચોમાસાને લઈને કરી આગાહી, દેશમાં આ બે મહિના દરમિયાન થશે 102 ટકા વરસાદ
- અમિત શાહે વાવાઝોડાની પરિસ્થિતિની સમિક્ષા કરવા યોજી ઉચ્ચસ્તરીય બેઠક, સીએમ રૂપાણી સાથે વીડિયો કોન્ફ્રેન્સિંગથી કરી ચર્ચા
- જમ્મુ-કાશ્મીરમાં ભારતીય સેનાને મળી મોટી સફળતા, ત્રણ આતંકીઓને કર્યા ઠાર