GSTV
World

Cases
2917741
Active
2231523
Recoverd
346227
Death
INDIA

Cases
80722
Active
60491
Recoverd
4167
Death

અવધ મે આનંદ ભયો : હરખ તું હિન્દુસ્તાન

સદીઓ જૂના રામંદિર જન્મભૂમિ-બાબરી મસ્જિદના જમીન વિવાદમાં સુપ્રીમ કોર્ટે શનિવારે આ કેસના બધા જ પક્ષકારોમાંથી રામલલા વિરાજમાનને વિવાદિત જમીનના અસલ માલિક તરીકેનો અધિકાર આપ્યો છે.આ રામલલા વિરાજમાન કોણ છે એ પ્રશ્ન સ્વાભાવિક છે. આ રામલલા ન કોઈ સંસ્થા છે કે ન કોઈ ટ્રસ્ટ. આ રામલલા સ્વયં ભગવાન રામનું બાળ સ્વરૂપ છે અને સુપ્રીમ કોર્ટે તેમને વિવાદિત જમીન સોંપી દીધી છે.

રામ મંદિર જન્મભૂમિ અને બાબરી મસ્જિદનો કેસ 200 વર્ષ કરતાં વધુ સમયથી અદાલતમાં ચાલી રહ્યો છે ત્યારે બધા જ પક્ષકારોમાં રામલલા વિરાજમાનનો પ્રવેશ સૌથી છેલ્લે થયો છે અને સુપ્રીમે શનિવારે આ સૌથી છેલ્લે પ્રવેશેલા આ પક્ષકારને જ બધી જમીનના માલિક બનાવી દીધા છે. સુપ્રીમ કોર્ટે ભગવાન રામના બાળ સ્વરૂપ રામલલાને કાયદેસરના પક્ષકાર માનીને જમીનનો માલિકી અધિકાર તેમને સોંપ્યો છે.આ કેસની સુનાવણી સમયે મુખ્ય ન્યાયાધીશ રંજન ગોગોઈએ જણાવ્યું હતું કે તેઓ આ કેસમાં ભાવનાઓને નહીં પરંતુ કાયદાકીય સ્થિતિ અને બંધારણને ધ્યાનમાં રાખીને જમીનની માલિકી અંગેનો ચૂકાદો આપશે.

આ કેસમાં સુપ્રીમ કોર્ટે પાંચ પક્ષકારોમાંથી નિર્મોહી અખાડા, રામજન્મભૂમિ ન્યાસ અને શિયા વકફ બોર્ડના દાવાને સદંતર ફગાવી દીધા હતા. બાકી બે પક્ષકારમાં રામલલા વિરાજમાન અને સુન્ની વકફ બોર્ડ બાકી રહેતા હતા. સુન્ની વકફ બોર્ડ જમીન પર પોતાનો વિશેષાધિકાર  સાબિત કરી શક્યું નહીં.રામલલા વિરાજમાનને દેવતા તરીકે સુપ્રીમ કોર્ટે સ્વીકાર્યા હોવાથી છેવટે વિવાદાસ્પદ બધી જ જમીનના અસલ માલિક રામલલા વિરાજમાનને બનાવ્યા છે. જોકે, રામલલા વિરાજમાન કોઈ ટ્રસ્ટ અથવા સંસ્થા ન હોવાથી તેમજ રામલલા ભગવાન રામનું બાળ સ્વરૂપ હોવાથી જમીન પર રામ મંદિરના નિર્માણ અને તેની સંભાળ માટે ટ્રસ્ટ બનાવવા કેન્દ્ર સરકારને જવાબદારી સોંપવામાં આવી છે.

1લી જુલાઈ1989માં રામલલ્લા વિરાજમાને પહેલી વખત જમીન પર માલિકીનો દાવો કર્યો

વર્ષ 1885માં પહેલી વખત આ મુદ્દે કોર્ટમાં કેસ થયો અને ફૈઝાબાદની જિલ્લા અદાલતમાં મહંત રઘુબર દાસે રામ ચબુતરા પર છત્રી લગાવવાની અરજી કરી. ત્યારથી અદાલતમાં શરૂ થયેલા આ કેસમાં 1લી જુલાઈ 1989માં રામલલાએ પ્રવેશ કર્યો. આ સમયે વિવાદિત જમીનની માલિકી ભગવાન રામની હોવાનો દાવો કરાયો. 1989ની લોકસભા ચૂંટણી પહેલાં વિશ્વ હિન્દુ પરિષદના એક નેતા અને નિવૃત્ત જજ દેવકી નંદન અગ્રવાલે 1લી જુલાઈએ ભગવાન રામના મિત્ર તરીકે ફૈઝાબાદની અદાલતમાં પાંચમા પક્ષકાર તરીકે દાવો દાખલ કર્યો હતો.

અયોધ્યાનો ઐતિહાસિક ચુકાદો આપનારા પાંચ ન્યાયાધીશ

(1) મુખ્ય ન્યાયાધીશ રંજન ગોગોઇ : તેમનો જન્મ 1954માં થયો, 1978માં તેમણે બાર કાઉન્સિલનું સભ્યપદ લીધુ અને ગુવાહાટી હાઇકોર્ટમાં વકીલ તરીકે પ્રેક્ટિસ શરૂ કરી હતી. બાદમાં ગુવાહાટી હાઇકોર્ટમાં જ જજ બન્યા, 2010માં પંજાબ અને હરિયાણા હાઇકોર્ટમાં ટ્રાન્સફર થઇ હતી. 2011માં હાઇકોર્ટના મુખ્ય ન્યાયાધીશ બન્યા, 2012માં સુપ્રીમ કોર્ટના જજ બન્યા, ગયા વર્ષે સીનિયોરિટી મુજબ સુપ્રીમના મુખ્ય ન્યાયાધીશ બન્યા. 

(2) ન્યાયાધીશ શરદ અરવિંદ બોબડે : તેમનો જન્મ 1956માં થયો, તેમણે નાગપુર યુનિ.માંથી બીએ એલએલબીનો અભ્યાસ કર્યો, 1978માં મહારાષ્ટ્ર બાર કાઉન્સિલમાં જોડાયા, 21 વર્ષ સુધી હાઇકોર્ટ અને સુપ્રીમ કોર્ટમાં વકીલાત કરી. 1998માં વરીષ્ઠ અધીવક્તા બન્યા, 2000માં બોમ્બે હાઇકોર્ટમાં જજ બન્યા, બાદમાં મુખ્ય ન્યાયાધીશ બન્યા અને 2013માં સુપ્રીમ કોર્ટના ન્યાયાધીશ બન્યા, તેઓ 2021માં નિવૃત થશે. 

(3) ન્યાયાધીશ ધનંજય યશવંત ચંદ્રચુડ: તેમનો જન્મ 1959માં થયો હતો, તેમણે દિલ્હીમાં સેંટ સ્ટેફંસ કોલેજમાં બીએ અને દિલ્હી યુનિ.માંથી એલએલબી કર્યું. બાદમાં અમેરિકામાં હાર્વર્ડ લો સ્કૂલમાંથી એલએલએમ કર્યું, પ્રોફેસર તરીકે અનેક યુનિ.માં કામ કર્યું, 1998માં બોમ્બે હાઇકોર્ટમાં વકીલાત કરી, 1998માં વધારાના સોલિસિટર જનરલ બન્યા, 2000માં બોમ્બે હાઇકોર્ટમાં જજ બન્યા, 2013માં અલ્લાહાબાદ હાઇકોર્ટના મુખ્ય ન્યાયાધીશ રહ્યા. 

(4) ન્યાયાધીશ અશોક ભૂષણ : તેમનો જન્મ 1956માં થયો હતો, 1975મા ર્બીએનો અભ્યાસ કર્યો, 1979માં કાયદાની ડીગ્રી લીધી, ઉત્તર પ્રદેશ બાર કાઉન્સિલ સાથે જોડાયા, 2014માં કેરળ હાઇકોર્ટના ન્યાયાધીશ તરીકે વરણી થઇ, તે જ વર્ષે મુખ્ય ન્યાયાધીશ તરીકે પદ સંભાળ્યું, 2016માં સુપ્રીમના ન્યાયાધીશ તરીકે વરણી થઇ. ચુકાદો આપનારી બંધારણીય બેંચમાં તેમનો સમાવેશ કરાયો હતો. 

(5) ન્યાયાધીશ એસ અબ્દુલ નજીર : તેમનો જન્મ 1959માં થયો, મહાવીર કોલેજમાં બી.કોમની પદવી લીધી, બાદમાં મેંગાલુરૂમાંથી કાયદાનો અભ્યાસ કર્યો, 1983માં વકીલ તરીકે પ્રેક્ટિસ શરૂ કરી, 2003માં તેમને કર્ણાટક હાઇકોર્ટના ન્યાયાધીશ તરીકે નિમાયા, બાદમાં તેઓ કર્ણાટક હાઇકોર્ટના જ મુખ્ય ન્યાયાધીશ બન્યા હતા, જે બાદ તેમની વરણી 2017માં સુપ્રીમ કોર્ટના ન્યાયાધીશ તરીકે કરવામાં આવી હતી. અયોધ્યાના ચુકાદામાં તેમની પણ મહત્વપૂર્ણ ભૂમિકા રહી છે.

READ ALSO

Related posts

હવે આખી ગલવાન ઘાટી પર ચીને દાવો કર્યોઃ ભારતને દૂર રહેવાની ચેતવણી આપી

Nilesh Jethva

ભારતમાં કોરોના પોઝિટીવ 1.50 લાખને પાર, માત્ર 8 દિવસમાં વધ્યા નવા 50 હજાર કેસ

Harshad Patel

ડરના જરૂરી હૈઃ 3 અઠવાડિયામાં ભારતમાં કોરોનાનાં 1 લાખથી વધારે કેસ, 2600થી વધારે મોત

Nilesh Jethva
Do NOT follow this link or you will be banned from the site!