GSTV

બાંગ્લાદેશમાં હિન્દુઓ પર હુમલા વધ્યા; 66 ઘરોને આગ લગાવી, મંદિરોમાં તોડફોડ

હિન્દુ

Last Updated on October 19, 2021 by Damini Patel

બાંગ્લાદેશમાં હિંદુઓ પર હુમલાનું પ્રમાણ વધતું જાય છે. વધુ એક વખત હિંદુ ઘરો અને મંદિરો પર હુમલા કરવામાં આવ્યા છે અને ભારે તોડફોડ કરવામાં આવી હતી. બાંગ્લાદેશમાં કોમિલ્લામાં દુર્ગા પૂજા દરમિયાન પંડાલોમાં હુમલા કરાયા હતા જ્યારે હવે રંગપુરના ઉપજિલા પીરગંજમાં ઉપદ્રવીઓ દ્વારા હિંદુઓના મકાનોમાં ભારે તોડફોડ કરવામાં આવી છે. કટ્ટરવાદીઓએ અહીં હિંદુઓના ૬૬ ઘરોમાં આગ લગાવી દીધી હતી.

પોલીસનો દાવો છે કે આ મામલો સોશિયલ મીડિયા દ્વારા કરવામાં આવેલી ફેસબુક પોસ્ટ સાથે જોડાયેલો છે. હિંદુ વ્યક્તિ દ્વારા થયેલી વાંધાજનક પોસ્ટને પગલે કેટલાક વિસ્તારોમાં કોમવાદી વાતાવરણ પેદા થઇ ગયું હતું. અને હિંદુઓના મકાનો તેમજ ધાર્મિક સ્થળોમાં તોડફોડ કરવામાં આવી હતી. જે વિસ્તારના યુવકે આ પોસ્ટ કરી હતી તેને સુરક્ષા પુરી પાડવામાં આવી હતી, જોકે કટ્ટરવાદીઓએ તે વિસ્તારના હિંદુઓના અન્ય મકાનોને ટાર્ગેટ કરવાનું શરૃ કરી દીધુ હતું.

દુર્ગા પૂજા દરમિયાન પંડાલો પર હુમલા થયા હતા

આ પહેલા દુર્ગા પૂજા દરમિયાન પંડાલો પર હુમલા કરવામાં આવ્યા હતા અને ભારે તોડફોડ કરાઇ હતી. સ્થાનિક સંઘ પરિષદના અધ્યક્ષનો દાવો છે કે હિંદુઓના ૬૬ ઘરોને આગ લગાવી દેવામાં આવી છે. જ્યારે અન્ય એક રિપોર્ટમાં આ આંકડો ૨૦નો હોવાનું સામે આવ્યું છે. બાંગ્લાદેશમાં ૧૩મી ઓક્ટોબરથી હિંસાની ઘટનાઓ સામે આવી રહી છે. આ પહેલા બાંગ્લાદેશના વડાપ્રધાન શેખ હસિનાએ વિચિત્ર સરખામણી કરતા કહ્યું હતું કે ભારતમાં પણ એવી કોઇ ઘટના ન થવી જોઇએ કે જેની અસર બાંગ્લાદેશ પર પડે. અને ખાતરી આપી હતી કે જે પણ હિંદુઓના મકાનો અને ધાર્મિક સ્થળો પર આ હુમલા કરવામાં આવ્યા છે તેમાંથી કોઇને પણ બક્ષવામાં નહીં આવે. કેટલાક વિસ્તારોમાં હુમલાખોરો અને પોલીસ વચ્ચે ઘર્ષણ પણ થયું હતું.

હુમલાખોરો સામે કાર્યવાહી કરવાની માગણી

બીજી તરફ હિંદુઓએ હવે તેમના પર થઇ રહેલા હુમલાના વિરોધમાં અને હુમલાખોરો સામે કાર્યવાહી કરવાની માગણી સાથે આંદોલન શરૃ કરી દીધા છે. અનેક હિંદુઓ દ્વારા બાંગ્લાદેશના વિવિધ શહેરોમાં ધરણા પ્રદર્શનો કરવામાં આવ્યા હતા. દબાણને પગલે અત્યાર સુધીમાં ૫૫ જેટલા કટ્ટરવાદીઓની ધરપકડ કરવામાં આવી છે. પોલીસની સામે જ આ હુમલા કરવામાં આવ્યા હતા. જોકે તેમ છતા તે સમયે કોઇ ખાસ કાર્યવાહી નહોતી કરવામાં આવી.

Read Also

Related posts

મોટા સમાચાર / ચૂંટણી પંચનો મોટો નિર્ણય, પાંચેય રાજ્યોમાં ચૂંટણી રેલી-રોડ શો પર જારી રહેશે પ્રતિબંધ

GSTV Web Desk

UP ELECTION/ ઓવૈસીએ આ બે પાર્ટી સાથે કર્યું ગઠબંધન, સત્તામાં આવશે તો 2 મુખ્યમંત્રી બનાવશે, 3 નાયબ મુખ્યમંત્રી પણ હશે

Pravin Makwana

મોટા સમાચાર / કાશ્મીર એન્કાઉન્ટરમાં એક આતંકવાદી ઠાર, સુરક્ષા દળનું ઓપરેશન હજુ પણ યથાવત

GSTV Web Desk
Do NOT follow this link or you will be banned from the site!