ઉત્તરપ્રદેશના હાપુડમાં ગઈ 28 એપ્રિલે પોતાને આગ લગાવનાર મહિલા દિલ્હીના એખ ખાનગી હોસ્પિટલમાં જીવન અને મૃત્યુની વચ્ચે ઝોલા ખાઈ રહી છે. 80% ટકા સુધી બળી ગયોલી મહિલાને પહેલા પિતાએ જ વેચી દીધી હતી અને ત્યાર બાદ તેની સાથે ઘણી વખત ગેંગરેપ થયો હતો. મહિલાનું કહેવું છે કે કમસે કમસ બળી જવાના કારણે હવે તેનો ગેંગરેપ નહીં થાય.
કમસે કમ હવે નહીં થાય ગેંગરેપ
મહિલાએ જણાવ્યું હતું કે, ‘હું મરી જવા માંગુ છું. કોઈ પણ આવા દર્દમાંથી પસાર થવા ન માંગે. પરંતુ હવે કમસે કમ લોકો મારો ગેંગ રેપ નહીં કરી શકે, કારણ કે મારુ શરીર બળી ચુક્યું છે.’
મહિલાએ જણાવ્યું, ‘મારો બીજો પતિ શેતાન હતો. તે પોતાના મિત્રો સાથે મળીને મારો રેપ કરાવતો હતો. તે આવો હતો માટે બીજા લોકો પણ વિચારતા હતા કે હું આવા કામો માટે ઉપલબ્ધ છું.’ મેં ઘણી વખત પોલીસમાં ફરિયાદ કરી પરંતુ દર વખતે એમ જ કહેવામાં આવતું કે તપાસ ચાલી રહી છે. ઓક્ટોબર 2018માં મેં ફરિયાદ નોંધાવી હતી પરંતુ એપ્રિલ 2019 સુધી પણ FIR દાખલ કરાવામાં ન આવી.
મહિલાએ જણાવ્યા અનુસાર તેનો પતિ તેના જ પિતાનો મિત્ર હતો. પતિ રોજ તેને મારતો હતો અને પતિની સાથે મળીને તેનો રેપ કરાવતો હતો. તેના પિતા બે ભાઈ અને એક બહેને તેની મદદ કરવાથી ઈનકાર કરી દીધો. મહિલાના ત્રણ બાળકો છે જેમાંથી એક પહેલા પતિનો છે એક બીજા પતિનો અને જ્યારે એક રેપ બાદ જન્મો હતો.
શું છે સમગ્ર મામલો?
હોસ્પિટલમાં દાખલ મહિલાએ 28 એપ્રિલએ યુપી સ્થિત પોતાના ઘરમાં પોતાને આગ લગાવી દીધી હતી. ત્યાર બાદ મહિલાનો એક વીડિયો સોશિયલ મીડિયા પર વાયરલ થઈ ગયો હતો જેમાં તેણે પોતાની કહાણી કહી હતી. વીડિયોમાં મહિલાએ પોતાને વિધવા જણાવી હતી અને દાવો કર્યો હતો કે તેના પતિએ જ તેને ફક્ત 10 હજાર રૂપિયામાં વેચી દીધી હતી. ત્યાર બાદ ધણી વખત તેનો ગેંગ રેપ થયો હતો. મહિલા જ્યારે પોલીસમાં ફરિયાદ દાખલ કરવા પહોંચી ત્યારે ત્યા પણ તેને નિરાશા હાથ લાગી. આમ નિરાશ થઈ ને તેણે પોતાને આગ લગાવી દીધી.
Read Also
- જાસૂસી કાંડના ખુલાસાથી પાકિસ્તાનને લાગ્યો ઝટકો, ભારતીય રાજદૂતને બોલાવ્યા
- કોરોનાનું કાળચક્ર: શહેરમાં નવા 314 દર્દીઓ નોંધાવાની સાથે 22નાં કરૂણ મોત, અમદાવાદમાં દર્દીઓની સંખ્યા 12 હજારને પાર
- અશ્વેતોના હુમલાનો ભય: હત્યારા પોલીસકર્મી ચૌવિનને જડબેસલાક સલામતી વ્યવસ્થા ધરાવતી જેલમાં શિફ્ટ કરાયો
- કેજરીવાલે અનલોક-1માં અપાતી છૂટછાટનું કર્યુ એલાન, જાણો શું રહેશે ખુલ્લુ અને શું બંધ
- મેડિકલ વર્કર વર્દી વિનાના સૈનિક, તેમની સાથે હિંસા અને દુર્વ્યવહાર ચલાવી નહી લેવાય: પીએમ મોદી