અવકાશ વૈજ્ઞાનિકો માટે સૂર્ય હંમેશા ઉત્સુકતાનું કેન્દ્ર રહ્યો છે. વિશ્વભરની અવકાશ એજન્સીઓ પણ સૂર્યની તપાસ માટે સતત મિશન મોકલી રહી છે. હવે અમેરિકાના એક સ્પેસ ફોટોગ્રાફર એન્ડ્રુ મેકકાર્થીએ દાવો કર્યો છે કે તેણે સૂર્યની અત્યાર સુધીની સૌથી સ્પષ્ટ તસવીર કેપ્ચર કરી છે. એન્ડ્રુએ સૌરમંડળના સૌથી મોટા તારાની આ તસવીર બનાવવા માટે 150,000થી વધુ વિવિધ ફોટોગ્રાફ્સનો ઉપયોગ કર્યો છે.
300 મેગાપિક્સલમાં લેવાયા દોઢ લાખ ફોટા :
આ બધા જ ફોટા 300 મેગાપિક્સલની ફાઇનલ ફોટોમાં જોઇ શકાય છે. તે સામાન્ય ૧૦ મેગાપિક્સલ કેમેરાની ફોટો કરતા ૩૦ ગણી મોટી છે. તેમાં સૌથી ક્લોઝઅપ વ્યુમાં રહસ્યમય અંધકારમા સનસ્પોટ જોઈ શકે છે. આજથી પહેલાં સૂર્યની અમુક જ એવી ફોટોસ છે કે, જેમા તેની સપાટીના નીચેના કાળા દાગ-ધબ્બા અને અને અગ્નિની લપેટો પણ નજર આવે છે.
સૂર્યની સપાટી પર દેખાતા કાળા ધબ્બાનું રહસ્ય
સૂર્યની સપાટી પર જોવા મળતા આ ડાર્ક સ્પોટ્સ વાસ્તવમાં કાળા નથી હોતા. આ સ્થાનોમાંથી ખૂબ જ શક્તિશાળી કિરણો નીકળે છે, એવામાં ફોટોગ્રાફિક પ્રક્રિયા દ્વારા આ ધબ્બા કાળા દેખાય છે. સૂર્યની આવી તસવીર લેવાની પ્રક્રિયા ખૂબ જ મુશ્કેલ છે. ફોટોગ્રાફરને સૂર્યના તેજ કિરણોથી આંધળા થવાથી બચાવવા માટે બે ફિલ્ટર સાથેના ખાસ ટેલિસ્કોપનો ઉપયોગ કરવામાં આવ્યો છે.
કોસ્મિક-બેકગ્રાઉન્ડ ઇન્સ્ટાગ્રામ ચેનલ પર અપલોડ કર્યા ફોટા
એન્ડ્રુ મેકકાર્થી ઇન્સ્ટાગ્રામ પર @cosmic-background નામનું એકાઉન્ટ પણ ચલાવે છે. સોલર કોસ્મિક કિરણો સૂર્યમાંથી નીકળે છે. તેમાં ઉચ્ચ ઊર્જાના કણો હોય છે. આ કિરણોમાં લગભગ 90 ટકા પ્રોટોન અને 10 ટકા હિલીયમના ન્યુક્લિયસનો સમાવેશ થાય છે. જ્યારે તેઓ પૃથ્વીના વાતાવરણ સાથે અથડાય છે ત્યારે સૌર તોફાન થાય છે.
Read Also
- લગ્ન મુહૂર્ત 2024: જાણો 2024માં લગ્ન માટે ક્યારે છે શુભ મુહૂર્ત, તારીખ અને સમય સાથેનું કેલેન્ડર
- Grahan 2024: વર્ષ 2024માં ક્યારે-ક્યારે લાગશે ગ્રહણ, જાણો ભારતમાં દેખાશે કે નહીં
- ‘એનિમલ’ની સિક્વલ ‘એનિમલ પાર્ક’ પણ હશે વધુ હિંસક અને ખતરનાક, જાણો ફિલ્મના મેકર્સએ શું કહ્યું
- જાણો આ વર્ષે વિકિપીડિયામાં સૌથી વધુ શું સર્ચ કરવામાં આવ્યું, ટોપ સર્ચમાં સામેલ આ મોટી માહિતીઓ
- મોહમ્મદ શમી સહિત ત્રણ ખેલાડીઓને ICCએ પ્લેયર ઓફ ધ મંથ માટે કર્યા નોમિનેટ