GSTV
Business India News ટોપ સ્ટોરી

સરકારી એક્શનની અસર દેખાઈ: માલ્યા, મોદી અને ચોકસીની 9371 કરોડની સંપત્તિ બેંકોને ટ્રાંસફર કરાઈ

ભારતમાં બેંકીંગ કૌભાંડો મામલોમાં સરકારી એક્શનની અસર દેખાવા લાગી છે. વિજય માલ્યા, નિરવ મોદી અને મેહુલ ચોકસી પર સરકારે જે આકરૂ વલણ અપનાવ્યુ તેના કારણે સરકારી બેંકોને લગભગ 9371 કરોડ રૂપિયાની સંપત્તિ ટ્રાંસફર કરવામાં આવી છે. ઈડીના જણાવ્યા અનુસાર ભાગેડૂ આરોપી વિજય માલ્યા, નીરવ મોદી અને મેહુલ ચોકસીની 9371 કરોડ રૂપિયાની સંપતિ સરકારી બેંકોનો ટ્રાંસફર કરી દેવામા આવી છે. જેથી છેતરપીંડીના કારણે થયેલા નુકસાનની ભરપાઈ કરી શકાય. ઈડીએ કહ્યુ હતું કે, વિજય માલ્યા અને પીએનબી બેંક કૌભાંડમાં બેંકોની 40 ટકા રકમ પીએમએલએ અંતર્ગત જપ્ત કરવામાં આવેલા શેરોને વેચીને આ વસૂલી કરવામાં આવી છે.

ઈડીએ ટ્વિટ કરીને કહ્યુ હતું કે, ઈડીએ ન ફક્ત પીએમએલએ અંતર્ગત વિજય માલ્યા, નીરવ મોદી અને મેહુલ ચોકસી મામલામાં 18,170.02 કરોડ રૂપિયાની સંપત્તિ જપ્ત કરી છે, પણ 9371.17 કરોડની કિંમતી સંપત્તિ પણ સરકારી બેંકોને ટ્રાંસફર કરી છે.

હકીકતમાં જોઈએ તો, મેહુલ ચોકસી અને તેના ભત્રીજા નીરવ મોદી પર અમુક બેંક અધિકારીઓએ છેતરપીંડી કરીને પંજાબ નેશનલ બેંક સાથે કથિત રીતે 13,500 કરોડ રૂપિયાની છેતરપીંડી કરવાનો આરોપ છે. નીરવ મોદી લંડનની એક જેલમાં બંધ છે. જ્યારે મેહુલ ચોકસી ડોમિનિકાની જેલમાં બંધ છે. બંને વિરુદ્ધ સીબીઆઈ તપાસ કરી રહી છે. ભારત તેમના પ્રત્યાર્પણ માટે કોશિશ કરી રહ્યુ છે.

તો વળી વિજય માલ્ય પર લગભગ 9,000 કરોડ રૂપિયાની છેતરપીંડીનો આરોપ અને મની લોન્ડ્રીંગનો આરોપ લગાવ્યો છે. આ મામલામાં તેની બંધ થયેલી કિંગફિશર એરલાઈન્સ પણ શામેલ છે. 2019ના એપ્રિલમાં થયેલી ધરપકડ બાદ તે બ્રિટેનાં જામીન પર છે. હાલ વિજય માલ્યા ઈંગ્લેન્ડમાં છે. જ્યાંથી તેને પાછો લાવવાના પ્રયાસો થઈ રહ્યા છે.

READ ALSO

Related posts

દુનિયાના ૪૫ દેશોના પાંચ કરોડ લોકો ભૂખમરાથી પીડિત : યુએન

GSTV Web Desk

મુંબઈ / દશેરાએ શિવસેનાનાં બન્ને જૂથ કરશે શક્તિપ્રદર્શન, હાઈકોર્ટે આ મામલે કરી ટીકા

Hemal Vegda

કોંગ્રેસ અધ્યક્ષ બન્યા પછી અશોક ગેહલોત સામે હશે નવા પડકાર

Hemal Vegda
GSTV