GSTV
Home » News » Asian Games 2018 : ભારતને મળ્યો ૧૫મો ગોલ્ડ 

Asian Games 2018 : ભારતને મળ્યો ૧૫મો ગોલ્ડ

ભારતે જકાર્તામાં એશિયન ગેમ્સના 14માં દિવસે વધુ 2 ગોલ્ડ મેડલ હાસિલ કર્યા છે. આ સાથે જ ભારત પાસે કુલ 15 ગોલ્ડ, 23 સિલ્વર અને 29 બ્રોન્ઝ મેડલ થઇ ગયા છે જે ભારતનુ એશિયન ગેમ્સમાં ઐતિહાસિક પ્રદર્શન દર્શાવે છે. મેડલ ટેલીમાં ભારત 8માં ક્રમે પહોંચ્યું છે.
આ પહેલા 2010માં ચીનના ગ્વાંગઝુમાં યોજાયેલી એશિયન ગેમ્સમાં ભારતે 65 મેડલ મેળવ્યા હતા. બોક્સિંગમાં અમિત પંઘલ બાદ બ્રિજ ગેમ્સમાં શિવનાથ સરકાર અને પ્રણવ વર્ધનની જોડીએ ગોલ્ડ મેળવ્યો હતો. તેમના ગોલ્ડ મેડલ બાદ ભારત પાસે કુલ 67 મેડલ થઇ ગયા છે. જો કે ચીને 123 ગોલ્ડ સાથે કુલ 273 મેડલ મેળવીને સ્પર્ધામાં પ્રથમ પાયદાન પર છે. જાપાન 70 ગોલ્ડ અને કુલ 194 મેડલ્સ સાથે બીજા સ્થાન પર રહ્યું છે.આ અગાઉ 2014મા દક્ષિણ કોરિયાના ઇંચયોન શહેરમાં યોજાયેલા અશિયન ગેમ્સમાં ભારત 11 ગોલ્ડ અને કુલ 57 મેડલ્સ મેળવી 8માં સ્થાન પર રહ્યું હતું. જોકે હજુ ભારતને મેડલ્સ મળવાની આશા જળવાયેલી છે.
આજે ભારતને એક સિલ્વર અને એક બ્રોન્ઝ મળવાની પૂરેપૂરી સંભાવના છે.શનિવારે ભારતીય બોક્સર અમિત પંઘલે 18મા એશિયન ગેમ્સમાં ભારતને 14મો ગોલ્ડ અપાવ્યો છે. 49 કિલોગ્રામ શ્રેણીમાં બોક્સિંગના ફાઇનલ રાઉન્ડમાં અમિતે રિયો ઓલમ્પિકના ગોલ્ડ મેડલિસ્ટ ઉજબેકિસ્તાનના હસનબોય દુશ્માતોવને 3-2થી મ્હાત આપી ગોલ્ડ હાસિલ કરી લીધો છે.22 વર્ષના અમિતે આ પહેલા કોમનવેલ્થ ગેમ્સમાં લાઇટ ફલાયવેટ બોક્સિંગ સ્પર્ધામાં ભારત માટે સિલ્વર મેડલ જીત્યો હતો. આ સિવાય ગત વર્ષે તેમણે એશિયન ચેમ્પિયનશિપ સ્પર્ધામાં બ્રોન્ઝ મેડલ પોતાના નામે કર્યો હતો.
અમિતની શરૂઆત સારી હતી. પહેલા રાઉન્ડમાં વિપક્ષીએ આક્રમક વાર કર્યા હતા જ્યારે અમિત ડિફેન્સ કરી રહ્યા હતા જેને કારણે હસનના પંચથી તેઓ દૂર રહ્યા હતા. ત્યાંજ બીજા રાઉન્ડમાં અમિતે લેફ્ટ જૈબ અને રાઇટ હુકના બે કોમ્બિનેશનનો એક સાથે ઉપયોગ કરી પોઇન્ટસ મેળવ્યા હતા. બીજ રાઉન્ડમાં હસનનો આત્મવિશ્વાસ અમિતના પંચોની સામે ટકી શક્યો નહતો. તેમનાથી પંચ મિસ થઇ રહ્યા હતા.
અમિતે ડિફેન્સ દ્વારા તક મેળવીને કાઉન્ટર કરવાની રણનીતિ અપનાવી હતી. જ્યારે હસને તેમની આ રણનીતિને જાણીને સારા હુક અને જૈબ લગાવ્યા હતા ત્રીજા રાઉન્ડમાં બંને ખિલાડી આક્રમક રહ્યા હતા. આ દરમિયાન બંનેએ સારા પંચ લગાવ્યા હતા. જોકે આ રાઉન્ડમાં બન્ને ખેલાડીઓને સરખા પોઇન્ટ મળ્યા હતા. આખરે પાચમાંથી ત્રણ રેફરીઓએ અમિતને વિજયી ઘોષિત કર્યો હતો.

Related posts

ભારતનો વર્લ્ડ કપ પહેલા મોટો ફેંસલો, રીષભ પંત અને અંબાતી રાયડુ જશે ઈંગ્લેન્ડ

Mayur

આજના દિવસે IPLના ઈતિહાસની એ ઈનિંગ રમાઈ હતી, જે જોઈ દુનિયા આખી મોઢામાં આંગળા નાખી ગયેલી

Mayur

આ દિગ્ગજ ખેલાડીએ કહી દીધું, ભારત વર્લ્ડકપ જીતવા માટે હોટ ફેવરિટ

Mayur