GSTV
Home » News » ઝડપથી વજન ઘટાડવામાં ઉપયોગી છે એપલ ટી

ઝડપથી વજન ઘટાડવામાં ઉપયોગી છે એપલ ટી

સફરજનનો ઉપયોગ ઘણી વસ્તુઓમાં કરવામાં આવે છે તેનાથી સ્વાસ્થ્યને ઘણા લાભ થાય છે. એપલને એમ જ ખાવ અથવા સલાડ, કસ્ટર્ડ અને પુડિંગ સ્વરૂપે ખાવા ઈચ્છો કે તેને પાઈ અને કેકમાં બદલીને ખાવ તેમ છતાં તેના હેલ્થ બેનેફિટ ઓછા નહીં થાય. એપલ હાઈ બીપી અને કોલેસ્ટ્રોલને કંટ્રોલ કરવાથી લઈને વજન ઓછું કરવામાં પણ મદદ કરે છે.

આ કારણે જ યોગ્ય માત્રામાં એપલ ખાવાથી તમે વજન કંટ્રોલ કરી શકો છો. ઘણા લોકો એપલના વજન ઘટાડવાના લાભ વિશે જાણે છે, પરંતુ કેટલાક લોકો એપલના અન્ય ડ્રિંક્સ વિશે નથી જાણતા, જે વજન ઓછું કરવામાં ખૂબ મદદરૂપ સાબિત થઈ શકે છે. જેમ કે એપલ ટી. આ એક પીણું છે જેને તમે ઘરે પણ બનાવી શકો છો અને ફેટ તથા વજન ઓછું કરવામાં તરત લાભ મેળવી શકો છો.

એપલ ટીને તેના ટૂકડા અને બ્લેક ટી લીવ્સ સાથે ઉકાળીને બનાવાય છે. તેમાં ખાંડ અને લવિંગ મસાલાદાર ફ્લેવર આપે છે. તમે તેને ગરમ અથવા ઠંડી કરીને લઈ શકો છો. તેના ઘણા સ્વાસ્થ્ય લાભ થાય છે, જે તેને વજન ઘટાડવામાં ટોપ ડ્રિંક બનાવે છે.

– એપલ ટીમાં વિટામીન સી ભરપૂર પ્રમાણમાં મળી આવે છે. ઝડપથી વજન ઘટાડવા માટેની પ્રક્રિયામાં તે મહત્વપૂર્ણ છે.

– સફરજનમાં રહેલું ફાઈબર અને એન્ટીઓક્સીડેન્ટ પોલીફેનોલ ખરાબ કોલેસ્ટ્રોલના સ્તરને કંટ્રોલ કરવામાં મદદ કરે છે, આથી ફેટ ઓછું થાય છે.

– એક સ્વસ્થ પાચન તંત્ર વજન ઘટાડવા સાથે જોડાયેલું છે અને એપલ ટી પાચનને વધારવામાં મદદ કરી શકે છે કારણ કે એપલમાં ફાઈબરનું પ્રમાણ સારું હોય છે. એપલમાં મૈલિક એસિડ પણ હોય છે, જે પાચન તંત્રને સ્વસ્થ બનાવે છે.

– એન્ટીઓક્સિડેન્ટ્સ ઉપરાંત એપલમાં ફ્રંક્ટોજના રૂપમાં કુદરતી સુગર હોય છે, જે મેટાબોલિક બેલેન્સ સુધારે છે અને બ્લડ સુગરના સ્તરને નિયંત્રિત કરે છે. આ બ્લડ સુગરના લેવલમાં અચાનક વૃદ્ધિ અથવા ઘટાડાને રોકે છે.

– એપલ નેગેટિવ કેલેરી ફળ છે, જેનો મતલબ કે તેમાં ખૂબ જ ઓછી કેલેરી હોય છે. અમેરિકાના કૃષિ વિભાગ મુજબ ૧૦૦ ગ્રામ એપલમાં ૫૦ કેલેરી હોય છે. તમે ઈચ્છો તો તેને ચાના રૂપે પીવાનું પસંદ કરી શકો છો.

– એપલ ટીને બનાવવી ખૂબ જ સરળ છે. એપલ ટી બનાવવા માટે તમારે એક એપલ, ત્રણ કપ પાણી, ૧ ટેબલ સ્પૂન લીંબૂનો રસ, બે ટી બેગ અને ખાંડની જરૂર પડશે. એક તપેલીમાં પાણી અને લીંબૂનો રસ નાખી ગેસ પર મૂકો. હવે તેમાં ટી બેગ નાખી થોડીવાર ઉકળવા દો.

કાપેલા સફરજનનો ઉકળતા પાણીમાં નાખો. હવે લગભગ પાંચ મિનિટ સુધી તેને ઉકાળો. આ બાદ તેમાં ખાંડ નાખો અને થોડીવાર પછી ગેસ બંધ કરી દો. જો તમને એપલથી એલર્જી હોય તો આ ચા ન પીવી જોઈએ.

Related posts

જો વજન ઘટાડવું છે તો જીમની સાથે સાથે આ 5 ફળોનું કરો સેવન

Path Shah

સવારની શરૂઆત આ પીણાથી કરવી ના જોઈએ, સ્વાસ્થ માટે છે ખૂબ હાનિકારક

Path Shah

UN એ વિશ્વની સૌથી ગંભીર બિમારી બાબતે રિપોર્ટ કર્યો રજૂ, સામે આવ્યું આ તારણ

Path Shah
Do NOT follow this link or you will be banned from the site!