વરુણ ધવન, કિયારા અડવાણી, અનિલ કપૂર અને નીતૂ કપૂર હાલ ચંદીગઢમાં ફિલ્મ ‘જુગ જુગ જિયો’નું શુટિંગ કરી રહ્યાં છે. આ વચ્ચે ખબર આવી રહી છે કે ફિલ્મનું શુટિંગ રોકી દેવામાં આવ્યું છે કારણ કે ફિલ્મના કેટલાક લીડ સ્ટાર્સ કોરોનાની ઝપેટમાં આવ્યા છે. મીડિયા રિપોર્ટ્સ અનુસાર ફિલ્મ ‘જુગ જુગ જિયો’ના સેટ પર કેટલાક લોકો કોરોના પોઝિટિવ આવ્યા છે જે બાદ ફિલ્મની શુટિંગ બંધ કરી દેવામાં આવી છે.
ફિલ્મના ડિરેક્ટર રાજ મહેતા પણ કોરોના સંક્રમિત
જણાવવામાં આવી રહ્યું છે કે વરુણ ધવન, અનિલ કપૂર, કિયારા અડવાણી અને નીતૂ કપૂર પણ કોરોના સંક્રમિત થયા છે. જો કે આ વાતની પુષ્ટિ હજુ સુધી થઇ શકી નથી. જણાવવામાં આવી રહ્યુ છે કે ચારેય સ્ટાર્સનો કોરોના રિપોર્ટ ગુરુવારે સાંજે કરવામાં આવ્યો છે જેમાં ચારેય પોઝિટિવ હોવાનું સામે આવ્યું છે. સાથે જ ફિલ્મના ડિરેક્ટર રાજ મહેતા પણ કોરોના સંક્રમિત થયા છે.
નીતૂએ તાજેતરમાં જ શેર કરી હતી તસવીરો
જણાવી દઇએ કે તાજેતરમાં જ નીતૂ કપૂરે એક તસવીર શેર કરી હતી, જેમાં તેઓ એરપોર્ટ પર ફિલ્મની સ્ટાર કાસ્ટ સાથે નજરે આવી રહ્યાં હતા. આ ફિલ્મ દ્વારા કિયારા અડવાણી અને વરુણ ધવનની જોડી પહેલીવાર સિલ્વર સ્ક્રીન પર જોવા મળશે. આ પહેલા તેઓ ધર્મા પ્રોડક્શનની ફિલ્મ કલંકના એક ગીતમાં સાથે જોવા મળ્યા હતા.
આ ફિલ્મનું નિર્દેશન રાજ મહેતા કરી રહ્યા છે. તાજેતરમાં, પીઢ અભિનેત્રીએ શૂટિંગ દરમિયાન સેટની પોતાની એક સુંદર તસવીર શેર કરી હતી. આ તસવીરમાં નીતુ શોટ માટે તૈયાર જોવા મળી હતી. નીતુને ફરીથી સ્ક્રીન પર પાછા જોઇને ચાહકો ખૂબ જ ઉત્સાહિત છે. સોશ્યલ મીડિયા પર તેની તસવીર પોસ્ટ કરતાં નીતુએ લખ્યું – “ઘણા વર્ષો પછી હું સેટ પર પાછી ફરી છું. એક નવી શરૂઆત અને મૂવીઝનો જાદુ છે. હું થોડી ડરતી પણ મને ખબર છે કે તમે હંમેશાં મારી સાથે છો. “
Read Also
- 14 એપ્રિલે સૂર્ય પોતાની ઉચ્ચ રાશિમાં પ્રવેશ કરશે, આ રાશિના લોકોને મળશે ઉચ્ચ સફળતા
- સુરતમાં ફૂડ વિભાગનો સપાટો, શહેરની 15 બેકરી સંસ્થાઓ પર દરોડાની કાર્યવાહીથી વેપારીઓમાં ફફડાટ
- ગૃહમંત્રીના શહેરમાં દારૂ બંધીના લીરે લીરા ઉડ્યા! ફાસ્ટ ફૂડની આડમાં દારૂના વેચાણ કરતા શખ્સને પોલીસે દબોચ્યો, વેચાણની રીત જોઈને પોલીસ પણ માથું ખજંવાળતી રહી
- ભગવાનને પ્રસાદ ચઢાવતી વખતે આ વાતોનું ધ્યાન રાખો, નહીં તો 1 ભૂલ પણ તમને મોંઘી પડી શકે છે.
- પ્રાર્થના ભગવાનની કૃપા અને નબળાઈઓ પર આપે છે વિજય, જાણો તેનાથી સંબંધિત 5 મૂલ્યવાન વિચારો