GSTV
Home » News » સભામાં અમિત શાહે ભાષણ શરૂ કર્યુ અને મહિલા ધૂણવા લાગી..પછી શું થયું?

સભામાં અમિત શાહે ભાષણ શરૂ કર્યુ અને મહિલા ધૂણવા લાગી..પછી શું થયું?

આમ તો માતાજીનો માંડવો હોય…ડાકલા વાગતા હોય…માતાજીનું નામ લેવાતુ હોય ત્યારે કોઇના શરીરમાં ઝણઝણાટી થાય માતાજી આવે તે તો સમજી શકાય તેવી વાત છે…પરંતુ બોડેલીમાં તો ભાજપની સભામાં ભાજપના રાષ્ટ્રીય અધ્યક્ષ અમિત શાહની સ્પીચ શરૂ થતા એક સ્થાનિક આદિવાસી મહિલાના શરીરમાં ઝણઝણાટી થવા લાગી. આ મહિલા મોટે મોટેથી બોલવા લાગી હું કાળકા માતા છું. ત્યારે હાજર મહિલા સુરક્ષાકર્મી આ મહિલાના હાથ પકડીને તેના હાથને નીચા કરવાની કોશિષ કરતી રહી, પરંતુ આદિવાસી ગામઠી બોલીમાં બોલતી આ મહિલા ટસની મસ ન થઇ, અને છેવટે તેને નીચે બેસાડી દેવાઇ.

બોડેલીમાં અમિત શાહની સભામાં જ્યારે અમિતભાઇ ભાજપ સરકારની સિદ્ધીઓને વર્ણવી રહ્યા હતા. તે સમયે એક આદિવાસી મહિલાનાં શરીરમાં આ રીતે ધ્રુજારી થવા લાગી એટલે ફટાફટ મીડિયાના કેમેરા આ મહિલા પર ફોક્સ કરવા લાગ્યા. જેના કારણે આખીયે સભાનું અટેન્શન આ મહિલા તરફ જવા લાગ્યુ. જે બાદ આ મહિલાને ભાજપની ટોપી પહેરાવીને શાંતિથી બેસાડાઇ. અને ફરી અમિતભાઇએ પોતાની સ્પીચ શરૂ કરી. ત્યાં જ અચાનક આ મહિલા હાથ ઉચા કરીને કરીને આદિવાસી ભાષામાં બોલાવા લાગી. હાચી બોલજો..હાચી બોલજે ઝૂઠાની બોલતા.

આમ ભાજપની ટોપી પહેરીને આ મહિલા હાચી બોલજો હાચી બોલજોની બૂમો પાડવા લાગતા. અંતે  અમિત શાહને તેમની સ્પીચ અટકાવીને કહેવું પડ્યુ કે આ મહિલાની તબિયત ખરાબ હોય તો તેમને અહીં બાજુમાં આરામથી બેસાડો. જોકે આ સમગ્ર મામલો અંધશ્રદ્ધાનો છે. પરંતુ અંધશ્રદ્ધાની આ ઘટનાએ ભાજપના રાષ્ટ્રિય અધ્યક્ષની સભામાં અટેન્શન જરૂરથી ખેંચ્યુ હતું.

READ ALSO

Related posts

શ્રીલંકામાં થયેલા આતંકી હુમલા બાદ ISISના 15 આતંકીઓ લક્ષદ્રીપ પહોંચ્યા હોવાનો ગુપ્તચર એજન્સીનો રિપોર્ટ

Mayur

રાહુલ ગાંધી અશોક ગેહલોત, કમલનાથ ચિદમ્બરમ પર વરસ્યા કહ્યું, ‘કેટલાક નેતાઓએ પાર્ટી કરતા પુત્રને વધારે મહત્વ આપ્યું’

Mayur

ધારાસભ્ય અલકા લાંબા છોડી શકે છે AAP, કારણ કે વોટ્સએપ ગ્રૂપમાંથી કાઢી નાખવામાં આવ્યા છે

Mayur
Do NOT follow this link or you will be banned from the site!