GSTV

3800 પરમાણુ બેમ્બ ધરાવતું અમેરિકા કરશે પરમાણુ પરીક્ષણ, દુનિયામાં ફફડાટ વધશે

કોરોના કાળમાં પણ ચીન સૈન્ય શક્તિ વધારી રહ્યું હોવાથી અમેરિકા પણ હવે આક્રમક તેવર અપનાવી રહ્યું છે. ચીન અને રશિયા સાથેના તનાવને જોતા અમેરિકાના પ્રમુખ ડોનાલ્ડ ટ્રમ્પ 28 વર્ષ બાદ ફરી એક વખત પરમાણુ પરિક્ષણનો નિર્ણય લે તેવી શક્યતા છે. આ માટે ટ્રમ્પે ન્યુક્લિયર ટેસ્ટ સાથે સંકળાયેલી સુરક્ષા એજન્સીઓ સાથે ચર્ચા કરી છે. આ પરિક્ષણનો હેતું અમેરિકાના પરમાણુ હથિયારોની વિશ્વસનિયતા અને નવી ડિઝાઈન ધરાવતા હથિયાર બનાવવાનો પણ હોઈ શકે છે.

ચીન અને રશિયાએ વાટાઘાટો કરવાનો ઈનકાર કર્યો

અમેરિકાના એક અખબારે પ્રકાશિત કરેલા અહેવાલ પ્રમાણે અમેરિકા ટેસ્ટ કરીને રશિયા અને ચીન પર વાતચીત કરવા માટે દબાણ વધારવા માંગે છે. અમેરિકાનો ઈરાદો આ બંને દેશો સાથે હથિયાર નિયંત્રણ માટેની નવી ડીલ કરવાનો છે. ટ્રમ્પ વહિવટીતંત્રનું કહેવું છે કે, અમેરિકા નવા હથિયાર નથી બનાવવાનું પણ જો ચીન અને રશિયાએ વાટાઘાટો કરવાનો ઈનકાર કર્યો તો એવો સંદેશો આપવા માંગે છે કે, અમેરિકા પાસે પણ હથિયાર બનાવવાનો અધિકાર સુરક્ષિત છે.

દુનિયામાં પરમાણુ પરિક્ષણની હોડ શરૂ

જોકે, બેઠકમાં પરિક્ષણને લઈને મતભેદો સર્જાયા હતા પણ એક અધિકારીએ કહ્યું હતું કે, આ મુદ્દે હજી ચર્ચા ચાલુ છે. જોકે તેના વિરોધમાં જે લોકો છે તેમનુ કહેવું છે કે, અમેરિકા ટેસ્ટિંગ કરશે તો દુનિયામાં પરમાણુ પરિક્ષણની હોડ શરૂ થશે. હાલમાં અમેરિકા પાસે 3800 પરમાણુ હથિયાર છે. જે દુનિયાને એક નહી અનેક વખત ખતમ કરી શકે છે. આ હથિયારોને લક્ષ્ય સુધી પહોંચાડવા માટે અમેરિકા પાસે 800 મિસાઈલ્સ છે. જે દુનિયાના કોઈ પણ શહેરને ગણતરીની મિનિટોમાં તબાહ કરી શકે છે.અમેરિકાએ 1750 પરમાણુ બોમ્બ મિસાઈલ અને વિમાનોમાં તૈનાત કરી રાખ્યા છે. 150 પરમાણુ બોમ્બ યુરોપમાં વિવિધ ઠેકાણે તૈનાત છે.

READ ALSO

Related posts

સેલિબ્રિટીની પ્રેગ્નેંસી એક મોટો બિઝનેસ : થાય છે કરોડો રૂપિયાનો વેપાર, 7 કરોડ રૂપિયા તો હોય છે ફી

Pravin Makwana

ભારતને ઝટકો/ સેનાનું હેલિકોપ્ટર ધ્રુવ જમ્મુમાં થયું ક્રેશ : 2માંથી એક પાયલટનું મોત

Pravin Makwana

પ્રજાસતાક દિવસની પૂર્વ સંધ્યાએ રાષ્ટ્રપતિએ આપ્યો પ્રજાજોગ સંદેશ, ખેડુતોના કલ્યાણ માટે પૂર્ણ પ્રતિબદ્ધ સરકાર

Pritesh Mehta
Do NOT follow this link or you will be banned from the site!