GSTV

અમેરિકામાં Coronaથી 100ના મોત, વોશિંગટનમાં સ્થિતિ સૌથી વધુ ખરાબ

corona

Last Updated on March 18, 2020 by Arohi

અમેરિકામાં કોરોના (Corona) વાયરસના કારણે 100 લોકોના મોત થયા. જે પૈકી વોશિંગટન ( Washington) સ્ટેટમાં સૌથી વધારે લોકોના મોત થયા છે. ઉત્તર-પશ્વિમ રાજ્યમાં 50 લોકોના મોત થયા. ન્યૂયોર્કમાં 12 કેલિફોર્નિયા (California) માં 11 લોકોના જીવ ગયા છે. અમેરિકાના 50 રાજ્યોમાં કોરોનાનો કેર છે. વેસ્ટ વર્જીનિયામાં કોરોનાનો પહેલો કેસ નોંધાયો છે. ત્યારે અમેરિકાના રાષ્ટ્રપતિ ડોનાલ્ડ ટ્રમ્પે ટ્વિટ કરીને જણાવ્યુ હતુ કે, દુનિયામાં એક છુપાયેલા દુશ્મન સાથે આપણે યુદ્ધ કરી રહ્યા છીએ અને આ યુદ્ધમાં આપણે જીતવાની છીએ.

સમગ્ર વિશ્વ એક તરફ કોરોના વાઇરસ સામે લડી રહ્યું છે, ત્યાં અમેરિકા અને ચીન વચ્ચે કોરના પર શાબ્દિક યુદ્ધ શરુ થયું છે. કોરોના ક્યાંથી ફેલાયો છે અને તેના માટે કોણ જવાબદાર છે? જેવી આક્ષેપબાજીમાં અમેરિકી રાષ્ટ્રપતિ ડોનાલ્ડ ટ્રમ્પ પણ કુદી પડ્યાં છે. ટ્રમ્પે પણ મંગળવારે ટ્વીટ કરી કહ્યું હતું કે કોરોનાને ‘ચાઇનીઝ વાયરસ’ કહ્યું હતું. તો ચીને ટ્રમ્પના આરોપ પર સખત વાંધો નોંધાવ્યો હતો.

corona

Coronaને ‘ચાઇનીઝ વાયરસ’ કહી ટ્રમ્પે મધપૂડો છેડ્યો

ટ્રમ્પે સોમવારના રોજ અગાઉ કોરોના વાયરસને ચાઈનીઝ વાઇરસ કહીને વિવાદનો મધપૂડો છેડ્યા બાદ સતત બીજા દિવસે કોરોના વાઇરસ માટે પોતાની ટ્વીટમાં ચાઈનીઝ વાયરસ શબ્દનો પ્રયોગ કર્યો હતો.  ટ્રમ્પના આ નિવેદન પર ચીનના વિદેશ મંત્ર્યાલયે કડક વલણ અપનાવતા સ્પષ્ટ શબ્દોમાં ચેતવ્યાં કે અમેરિકા ચીનને ગાળો ભાંડતા પહેલા પોતાના કામ પર ધ્યાન આપે. કોરોનાનો પહેલો કેસ વુહાનમાં સામે આવ્યો હતો પરંતુ ચીનનું વિદેશ મંત્ર્યાલ દોષનો ટોપણ અમેરિકાના માટે ઢોળી રહ્યાં છે.

ચીનમાં Corona વાઇરસ માટે અમેરિકાની સેના જવાબદાર

ચીને આ ઘટના પાછળ અમેરિકાને જવાબદાર ઠેરવી દીધું છે. ચીને અમેરિકાની સરકાર પર આરોપ લગાવ્યો છે અને કહ્યું કે તેમના લીધે વુહાનમાં કોરોના વાઈરસ ફેલાયો છે. ચીનના વિદેશ મંત્રાલયના પ્રવક્તા ઝાઓ લિજિયાનએ ટ્વીટ કરીને કહ્યું કે વુહાનમાં કોરોના વાઈરસ ફેલાવવાની પાછળ અમેરિકી સેનાનો હાથ હોય શકે છે. અમેરિકાએ આ મામલે પોતાની જવાબદારી નક્કી કરવી જોઈશે. તેમને પારદર્શિતા બતાવવી જોઈએ.

corona

અમેરિકાએ પણ બચાવ કર્યો, કહ્યું Coronaથી અમારા લોકો પણ માર્યા ગયા

આ બાજુ અમેરિકાએ બચાવ કરતાં કહ્યું કે અમારા લોકો પણ માર્યા ગયા છે અને તેની પાછળ ચીનનો હાથ છે. જો કે ચીને કહ્યું કે અમેરિકા સ્પષ્ટ કરે કે તેમને ત્યાં પ્રથમ કોરોનાનો કેસ ક્યારે નોંધાયો હતો. આ બાબતે ચીન અમેરિકા કરતાં વધારે પારદર્શી છે. અમેરિકાએ કોરોના વાઈરસના ફેલાવ માટે ચીનને જવાબદાર ઠેરવ્યું હતું અને તે બાદ આ પ્રતિક્રિયા ચીન તરફથી આવી છે.

Read Also

Related posts

પાકની અવળચંડાઈ: 8 નવા રૂટ્સ, POKમાં કંટ્રોલ રૂમ.. 15 ઓગસ્ટથી પહેલા J&Kમાં હુમલાનું ષડયંત્ર રચી રહ્યું છે પાકિસ્તાન

pratik shah

કામનું / પગારમાં થયો કપાત અથવા PFમાંથી રૂપિયા ઉપાડ્યા! ITRમાં બતાવવું જરૂરી, નહીંતર ઉભી થઇ શકે છે અનેક સમસ્યાઓ

Zainul Ansari

અમદાવાદ જીલ્લા પંચાયત અને વિવાદ જાણે કે એક બીજાના પર્યાય, સભ્યો દ્વારા જ અંદરો અંદર વિવાદનો સુર થયો ઉભો

pratik shah
Do NOT follow this link or you will be banned from the site!