GSTV
Home » News » કોઠીંબાની કાતરી બનાવી 18 દેશોમાં વેપાર કરતો આંબલાનો ખેડૂત, કમાણી જાણશો તો ચોંકી જશો

કોઠીંબાની કાતરી બનાવી 18 દેશોમાં વેપાર કરતો આંબલાનો ખેડૂત, કમાણી જાણશો તો ચોંકી જશો

Harsukhbhai Dobariya farmer

અનોખી ખેતી કરતાં ખેડૂત ગુજરાતમાં અનેક છે. રાજયનો ખેડૂત હવે પોતે પોતાનો માલ આંતરરાષ્‍ટ્રીય બજારમાં શુદ્ધ કૃષિ ઉત્પાદન મોકલે છે. ગુજરાતના મેંદરડા તાલુકાના નાનકડા આંબલા ગામના ખેડૂત એવા હરસુખભાઇ ગોવિંદભાઇ ડોબરીયા લુપ્‍ત થતી વનસ્પતિ, પક્ષીઓનું રખોપું, આધુનિક ચુલા બનાવી પ્રદૂષણ મુકત અને પરંપરાગત ખેત પેદાશોનું ઊર્જા તરીકે ઉપયોગ કરી પુનઃપ્રાપ્‍ય ઉર્જાનાં વપરાશ માટે ફાયરપ્રુફ શીટમાંથી હલકાફુલકા ચુલાઓ બનાવીને પર્યારવણનું જતન કરે છે. તેમણે 10 વર્ષ સુધી હીરા ઘસવાનું કામ કર્યું હતું. પક્ષીઓને તેઓ મિત્ર ગણે છે. ચોમાસાની ઋતુંમાં 4 મહિના લાખો ચકલીઓ, પોપટ અને બીજા પક્ષીઓ ચણવા આવે છે. હરસુખભાઈ પક્ષીઓ માટે 1 લાખ જેવું ખર્ચ કરે છે. બાજરાનાં ડુંડા ઊભા રાખીને પક્ષીઓને ઘર, છત, અગાશી, વાડામાં ખવડાવે છે.

પક્ષીઓ માટે તુંબડાની ખેતી કરે છે

લુપ્‍ત થતી ચકલી માટે હરસુખભાઇએ ખાસ માળા બનાવ્યા છે. દુર્લભ બની ગયેલા તુંબડાના વેલાનું પોતાના ખેતરમાં વાવેતર કર્યું હતું. સાધુઓ તંબુડાને વાસણ તરીકે ઉપયોગ કરે છે. તૈયાર થયેલા તંબુડાઓ ચારેબાજું લટકાવી દેતાં તેમાં ચકલીઓ રહેવા આવી જાય છે. ગોકુળના ચુલા, ગોકુલની તાવડીથી કેશોદ શહેરમાં ઓળખ ઊભી કરનાર હરસુખભાઇ ડોબરીયા છે. પક્ષીઓ માટે તુંબડા અને માણસો માટે કોઠીંબા તેના ખેતરમાં ઉગાડે છે. કડવા કોઠીંબાની કાચરી-કાતરી તેઓ તૈયાર કરે છે. કોઠીંબાના અને તુંબડીના બીજનું વિનામુલ્‍યે વિતરણ કરે છે. ખેડૂતોને તેનું મહત્વ સમજાવે છે. પોતાના વાડામાં વિધરવેલ ગોકુળનો છોડ વાવેલો છે.   પત્ની રમાબેન, પુત્ર પ્રકાશ, પુત્રવધુ ચંદ્રીકાબેન કડવા કોઠીંબાની કાચરી કે કાતરી બનાવીને વિશ્વના 18 દેશમાં મોકલી ગુજરાતનો ટેસ્ટ પૂરો પાડે છે. અનેક ખેડૂતોને કોઠીંબાનું બિયારણ આપીને પડતર જમીનમાં ખેતી કરતાં કર્યા છે. હરસુખભાઈ તેઓની પાસેથી પણ કોઠીંબા વેચાતા લઈ કાતરી બનાવે છે.

વર્ષે એક લાખ કિલો કોંઠીબાની સુકવણી કરે છે

કડવા ગણાતા કોઠીંબા ડાયાબિટીસ તેમજ પાચનશક્તિ માટે ઉત્તમ છે. શરૂઆતમાં લોકો ખેતી અંગે મજાક ઉડાવતાં હતા. આવી નકામી ખેતી કોણ કરે? કેમ કે કોઠીંબા ગમે ત્યાં ઉગી નીકળે છે. સૌરાષ્ટ્રના લોકો તેને સુકવીને મીઠામાં રાખીને પછી તે સુકાઈ જાય એટલે સેકીને પરંપરાગત રીતે ખાવામાં ઉપયોગ કરે છે. તે પાપડની જગ્યાએ લોકો વાપરે છે. પશુ આહાર તરીકે ખાતા નથી. તેની સુકવણી કરીને કાતરી બનાવી ઘરેથી જ તેનું વેચાણ શરૂ કર્યું હતું. પછી લોકોને તેનો સ્વાદ ગમવા લાગ્યો હતો. 18 દેશ સહિત મુંબઈ, સુરત, અમદાવાદ, વડોદરા, રાજકોટમાં કાચરી મળે છે.  હવે તેઓ વર્ષે એક લાખ કિલો કોંઠીબાની સુકવણી કરે છે. 25 કિલો કોઠીંબામાંથી 2.50  કિલો કાતરી તૈયાર થાય છે. જે રૂ.400-500 કિલોનાં ભાવે વેંચે છે.

સ્થાનિક લેવલે ગોકુલનાં ચુલા તરીકે ખ્યાતિ પામ્યા

45 ટકા જેવું સ્થાનિક અને 55 ટકા જેવું વિદેશમાં કાતરીનું વેચાણ થાય છે. તેઓ રૂ.4થી 5 કરોડની કાતરી વેચે છે. કોઠીંબા દવા-ખાતર વગર 40 દિવસે વીઘે 400-500 મણ ઉત્પાદન થાય છે. વાવેતર અને અન્ય ખર્ચો પણ નહીવત થાય છે. કોઠીંબા હળવા કેસરી રંગનાં થાય એટલે તેને ઉતારી બે ફાડા કરીને 20 કિલો કોઠીંબાને 500 ગ્રામ મીઠામાં ભેળવી 1 દિવસ ભરી રાખીને 20 દિવસ સુધી સુકવણી કરાય છે. હરસુખભાઈ ઈકો ફ્રેન્ડલી ચુલા અને તાવડી પણ તૈયાર કરે છે. સ્થાનિક લેવલે ગોકુલનાં ચુલા તરીકે ખ્યાતિ પામ્યા છે. અનેક વાર તેમનું સન્માન કરવામાં આવ્યું છે.

Related posts

આગામી બે દિવસમાં વરસી શકે છે વરસાદ, હવામાન વિભાગની આગાહી

Mansi Patel

તંત્રના પાપે પાણીનો બેફામ વેડફાટ, પાલીતાણામાં હજારો લીટર પાણીનો બગાડ

Bansari

અમરેલી : બળજબરીપૂર્વક પૈસા કઢાવવા મામલે ખારવા સમાજના બની બેઠેલા 24 અગ્રણીઓની ધરપકડ

Bansari
Do NOT follow this link or you will be banned from the site!