GSTV
Home » News » અલ્પેશ ઠાકોરે ઠાકોર સમાજના પરિવારો પાસેથી લાખો રૂપિયા ઉઘરાવ્યા તે પાછા નથી આપ્યા

અલ્પેશ ઠાકોરે ઠાકોર સમાજના પરિવારો પાસેથી લાખો રૂપિયા ઉઘરાવ્યા તે પાછા નથી આપ્યા

Alpesh Thakor left congress

કોંગ્રેસના તમામ હોદ્દા પરથી એકાએક રાજીનામા આપી દઈને અલ્પેશ ઠાકોર એવા આક્ષેપ કર્યો છે કે કોંગ્રેસમાં પૈસાથી ટિકિટ વેચવામાં આવે છે. કોંગ્રેસે મને માત્ર વિશ્વાસઘાત જ આપ્યો છે. કોંગ્રેસે મારું કે મારા સમાજનું કોઈ જાતનું સન્માન કર્યું નથી. મારા સમાજનું પણ અપમાન કર્યું છે.ત્યારબાદ તેઓએ ભાજપમાં જોડાવા અંગેની પણ ના પાડી હતી. જોકે સૂત્રો જણાવે છે કે ભાજપની યોજના મુજબ અને અલ્પેશ ઠાકોરે કરેલા સેટિંગ મુજબ લોકસભાની ચૂંટણી સુધી અલ્પેશ ઠાકોર અને અન્ય બે ધારાસભ્યો ધવલસિંહ ઝાલા અને ભરત ઠાકોર કોંગ્રેસ વિરોધી પ્રવૃત્તિ કરશે તેમજ ભાજપની બી ટીમ તરીકે કામ કરશે. અલ્પેશ ઠાકોરના આ વલણને લઇને ઉત્તર ગુજરાતના ઠાકોર સમાજમાં ભારે આક્રોશ ફેલાયો છે.

ચાણસ્મા અને પાટણમાં ઠાકોર સમાજના આગેવાનો અને નાગરિકો ખુલ્લેઆમ કહી રહ્યા છે કે અલ્પેશ ઠાકોરે સમાજના નામે પોતાના રાજકીય રોટલા શેકી લીધા છે. ક્યારેય રાજકારણમાં નહીં જવાનું વચન આપનાર અલ્પેશ ઠાકોર પાછલા બારણેથી કોંગ્રેસના ધારાસભ્ય પણ બની ગયો હતો, પરંતુ હવે જરૂરિયાતના સમયે જ અલ્પેશ ઠાકોરે કોંગ્રેસને દગો આપ્યો છે. 

ઠાકોર સમાજમાં દારૂની બદીને ડામવાની વાતો કરી હતી તેમજ રોજગારી આપવાનું વચન આપ્યું હતું. જેના માટે દરેકના કાર્ડ બનાવી તેના પેટે સો-સો રૂપિયા ઉઘરાવ્યા હતા. આ રીતે કરોડો રૂપિયા ઉઘરાવી લીધા છે પરંતુ તેનો હિસાબ અલ્પેશ ઠાકોરે આપ્યો નથી અને નાણાનું ચીટીંગ કરી લીધું છે. સમાજને ગેરમાર્ગે દોરી સમાજના ભાગલા પાડી દીધા છે. પોતાના સ્વાર્થ માટે સમાજના નામનો ખૂબ જ ખરાબ રીતે દુરુપયોગ કર્યો છે. 

Congress MLA Alipesh Thakor

સમાજના છોકરાઓ પાસેથી કે મહિલાઓ પાસેથી ઉઘરાવેલા નાણાં અલ્પેશ ઠાકોરે પાછા આપ્યા નથી. રાજકારણમાં નહીં જવાના સોગંદ લીધા હતા. પરંતુ અલ્પેશ ઠાકોર પોતાના સ્વાર્થને કારણે પહેલા સમાજમાં અને હવે રાજકારણમાં પણ સાવ નિષ્ફળ ગયો છે.સમાજને હાથો બનાવીને અલ્પેશ ઠાકોર ભાગલા પડાવવા નીકળી પડ્યો છે. ઠાકોર એકતા સમિતિના હોદ્દેદારો આક્ષેપ કરે છે કે સમાજના ભાગલા પાડવામાં મહત્ત્વની ભૂમિકા ભજવનારા અલ્પેશ ઠાકોરની કોઈ વાત અમે હવે માનવાના નથી અને અમે ભાજપને પણ કોઈપણ રીતે સપોર્ટ નહીં કરીએ પરંતુ કોંગ્રેસને જ સમર્થન આપીએ છીએ. હવે પછીના અલ્પેશ ઠાકોરના કોઈ પણ કાર્યક્રમમાં અમે ભાગ લેવા જઈશું નહીં.

READ ALSO

Related posts

મોદી સરકાર દેવામાં ડૂબાડી રહી છે ભારતને, 5 વર્ષમાં 58 ટકા દેવું વધીને 7.4 લાખ કરોડ રૂપિયાએ પહોંચ્યું

GSTV Desk

નવા ટ્રાફિક નિયમોને લઇને સૌરાષ્ટ્રમાં વિરોધનો વંટોળ, રાજકોટમાં વેપારીઓએ બંધ પાળ્યો

Riyaz Parmar

NRIમાં મોદીની લોકપ્રિયતા અને વિદેશમાં વડાપ્રધાનનાં સફળ કાર્યક્રમો પાછળ આ ભેજુ કરે છે કામ

Riyaz Parmar
Do NOT follow this link or you will be banned from the site!