GSTV
Home » News » સુપ્રીમ કોર્ટમાં આજે સુનાવણી, સીબીઆઈ વિરુદ્ધ સીબીઆઈ, કોણ બચશે ? કોણ કપાશે ?

સુપ્રીમ કોર્ટમાં આજે સુનાવણી, સીબીઆઈ વિરુદ્ધ સીબીઆઈ, કોણ બચશે ? કોણ કપાશે ?

દેશની સૌથી મોટી તપાસ એજન્સી સેન્ટ્રલ બ્યૂરો ઓફ ઈન્વેસ્ટિગેશનમાં ચાલી રહેલી આંતરીક લડાઈને લઈને સુપ્રીમ કોર્ટમાં આજે સુનાવણી હાથ ધરાઈ છે. ગત સુનાવણીમાં સેન્ટ્રલ વિજિલન્સ કમિશને સુપ્રીમ કોર્ટને બે સીલબંધ કવરમાં પોતાના રિપોર્ટની સોંપણી કરી હતી. બાદમાં સુપ્રીમ કોર્ટે 16 નવેમ્બરની તારીખ આગામી સુનાવણી માટે નિર્ધારીત કરી હતી. સુપ્રીમ કોર્ટ દ્વારા આજે સવારે સાડા અગિયાર વાગ્યે સુનાવણી હાથ ધરાઈ રહી છે.

સુપ્રીમ કોર્ટના આદેશ બાદ સીવીસીએ બારમી નવેમ્બરે આ મામલામાં સુપ્રીમ કોર્ટને પોતાનો તપાસ રિપોર્ટ સોંપ્યો હતો. સીવીસીએ કુલ બે રિપોર્ટ સુપ્રીમ કોર્ટને સોંપ્યા હતા. સુપ્રીમ કોર્ટમાં આ કેસનો ક્રમાંક 47મો છે. સીબીઆઈના ડીએસપી એ. કે. બસ્સીની અરજી પર પણ સુપ્રીમ કોર્ટ દ્વારા આજે સુનાવણી થવાની છે. બસ્સીએ રાકેશ અસ્થાના વિરુદ્ધના આરોપોની તપાસ કરી હતી. બાદમાં સીબીઆઈના વચગાળાના નિર્દેશક નાગેશ્વર રાવે બસ્સીની પોર્ટબ્લેયર ખાતે બદલી કરી હતી. બસ્સીએ પોતાની અરજી વિરુદ્ધ સુપ્રીમ કોર્ટમાં અરજી દાખલ કરી છે.

સીવીસી દ્વારા સુપ્રીમ કોર્ટમાં દાખલ કરવામાં આવેલા બે સીલબંધ રિપોર્ટમાં મામલાની તપાસનો અહેવાલ અને નાગેશ્વર રાવના સીબીઆઈના વચગાળાના નિર્દેશક બન્યા બાદ લેવામાં આવેલા નિર્ણયોની યાદી છે. ફોર્સ લીવ પર મોકલાયેલા સીબીઆઈના નિદેશક આલોક વર્મા અને સ્પેશયલ ડાયરેક્ટર રાકેશ અસ્થાનની સીવીસી સામે પેશી થઈ ચુકી છે. સીવીસીએ આલોક વર્માના મામલામાં કરેલી તપાસને લઈને સુપ્રીમ કોર્ટને રિપોર્ટ સોંપ્યો છે.

સીબીઆઈ તરફથી તપાસ કમિટીનું નેતૃત્વ સુપ્રીમ કોર્ટના ભૂતપૂર્વ ન્યાયાધીશ એ. કે. પટનાયક કરી રહ્યા છે. લાંચકાંડના વિવાદમાં સીબીઆઈ ચીફ આલોક વર્મા અને સીબીઆઈના સ્પેશયલ ડાયરેક્ટર રાકેશ અસ્થાનાને 23 ઓક્ટોબરથી સીવીસીની ભલામણના આધારે કેન્દ્ર સરકારે ફોર્સ લીવ પર ઉતારી દીધા છે. બંને અધિકારીઓ દ્વારા આના સંદર્ભે સુપ્રીમ કોર્ટમાં અરજી દાખલ કરવામાં આવી છે. વર્મા અને અસ્થાનાએ સીવીસી કે. વી. ચૌધરીની આગેવાનીમાં બનેલી સમિતિ સમક્ષ એકબીજા પર ભ્રષ્ટાચારના આરોપ લગાવીને ખુદનો બચાવ કર્યો છે.

Related posts

ગુજરાતમાં 26 બેઠકો જીતવાનો શ્રેય સીએમ રૂપાણીએ આ વ્યક્તિને આપ્યો, કહ્યું તેમના કારણે દેખાવ સારો રહ્યો

Karan

ભારતમાં મોદી સરકારને ફરી સત્તા મળતા પાડોશી પાકિસ્તાને કર્યું મિસાઇલ પરીક્ષણ

Mansi Patel

રાહુલ ગાંધીની હારના આ છે કારણો, પીએમ મોદીને હરાવવાનું સપનું અધૂરું રહી ગયું

Karan
Do NOT follow this link or you will be banned from the site!